Jeremia 1:11 - JAM DE NHIALIC 2011

¹¹ Go Bɛ̈nydït yɛn luɔp an, “Jeremia eeŋö ye tïŋ?” Guɔ pɔ̈k nɔm Yen an, “Ee këër de tim de almon.”

Jeremia 1:11 Iomraidhean Croise

Cäk 30:37

Ago Jakop kër tɔ̈c dhoŋ, kër ke tim cɔl popelar, ku tim cɔl almon, ku tim cɔl plan, ku yɔɔt kekɔ̈ɔ̈th në biäkbiääk. Go kër röt ŋɛp.

Yith 55:11

Yen abï ciët täu de wɛ̈t bä lueel ë yathok, acïï bï ya baaŋ, ke cïï kë cä guiir bï looi, abï këriëëc ëbɛ̈n cä tuöc en lɔ looi.

Jeremia 24:3

Na wën, go ë Bɛ̈nydït lɛ̈k ɛn an, “Jeremia, eeŋö woi? “Aguɔ bɛ̈ɛ̈r an, “Mïth ke ŋaap. Kapiɛthkë apiɛthkï arëët, ku karɛckë arackï arëët, acï keek duëërë cam.”

Edhekiɛl 12:25

Yɛn Bɛ̈nydït Yɛn bï jam wo keek, ku kë bä lueel abïï looi. Abï ciën agääu. Në runkuön ke pïïr, yïn bï löŋ rɛɛc, ku yɛn bï kë cän we jɔ̈ɔ̈ny an bä looi looi.” Acä lueel yɛn Bɛ̈nydït Awärjäŋ.

Edhekiɛl 12:28

Ka yïn lɛ̈kë keek an ee yɛn Bɛ̈nydït Awärjäŋ, yɛn alueel ee kakë: Abï bɛ ciën agääu däŋ. Kë cä lueel abï looi. Acä lueel, Yɛn Bɛ̈nydït Awärjäŋ!

Edhekiɛl 7:10

Akööl ke riääk abïkï tëde Yithriɛl. Akuöörkuöör alɔ ke dït. Lɛc acï lɔ nhial.

Amoth 7:8

Na wën, ke lop ɛn an, “Amoth, eeŋö cï tïŋ? Guɔ puk nɔm an, “Ee awin ë yïk. Go lueel an, “Tïŋ ë awin ë yïkë, athɛm ɛn Yithriɛl kɔckï, acïk ciët päny cï awin ë yïk tɛɛm wei, Yɛn cïï A nɔm bï bɛ waar në luɔi bän keek luöi këtuc.

Amoth 8:2

Go Bɛ̈nydït a luɔp an, “Eeŋö cï tïŋ Amoth? Guɔ puk nɔm an, “Ee diöny de mïth ke tiim amäi. Go ë Bɛ̈nydït lɛ̈k ɛn an, “Akööl ciëën acïk bɛ̈n tëde kɔckiën ke Yithriɛl. Yɛn cïï A nɔm bï bɛ waar në luɔi bän keek luöi këtuc.

Dhek 4:2

Na wën, ke lop an, “Eeŋö cï tiŋ? Guɔ puk nɔm an, “Ee manyalath cäp thar thïn yen cä tïŋ, kë cuëëc në adhääp. Ku ade nɔm abïny, ku mɛ̈c ke alath kadhorou në yenɔm, në wuökɛn ye ke cäp thäär thïn kadhorou.

Dhek 5:2

Na wën, ke tunynhial ë lop ɛn an, “Eeŋö cï tïŋ? Guɔ puk nɔm an, “Ee awerek yen acä tïŋ ke pär nhial. Bɛ̈ɛ̈r de awerek kɔ̈u ee mitïïr kadhoŋuan, ku dït de yenyic ee mitïïr kaŋuan ku biäk.

Kuɛ̈n 17:8

Na ɣɔn amiäk, ke Mothe ë lɔ në Paanyic. Go thieny de Aron lɔ yök acï nyok, thieny de Lebai. Yök acï nyok, ku moc gaak, ku ŋol, ku mïth kɔ̈k ke almon acïk buɔ̈ny.