Jeremia 1:10 - JAM DE NHIALIC 2011

¹⁰ Në ye köölë yïn cä gäm riɛl në juöör nïïm ku në ciɛɛŋ nïïm, bä ke nyuän bei ku thuöörë ke piny, ku riäk keek ku wit keek, ku yïk keek ku com keek.”

Jeremia 1:10 Iomraidhean Croise

1 Mel 17:1

Go tiët cɔl Elija raan ë Ticibe në Giliyad lɛ̈k melik Aɣap an, “Alɛ̈k yïn në rin ke Bɛ̈nydït, Nhialic pïïr de Yithriɛl ya luööi, an abï ciën deŋ ku cïn thäc në ee runke yiic agut të bän e lueel.”

1 Mel 19:17

Ku raan lɔ poth në abätäu de Ɣadhiɛl thok, abï Jeɣu nɔ̈k, ku raan lɔ poth në abätäu de Jeɣu thok abï Elica nɔ̈k.

Wɛ̈ɛ̈t 3:3

Ade kööl ë näk, ku kööl de pialëguöp, ade kööl ë dhoŋ piny, ku ade kööl ë yïk.

Jeremia 1:5

“Yïn aa lac ke yï kɛ̈n kɔn gäm wëi, yïn aa thiɛɛi, ke yï kënë kɔn dhiëëth, yïn aa mɛɛk ke yï bï ya tiët de juöör ëbɛ̈n.”

Jeremia 24:6

Abä keek tiit, ku abä keek bɛ̈ɛ̈i ciëën ee pinyë. Abä keek yïk acä keek bï thuöör piny, abä keek com acä keek bï wuöth thäär bei.

Jeremia 25:13

Yɛn bï Babilonia luöi këtuc në riääk ëbɛ̈n, riääk cä lueel an bä yiɛ̈n juöör wään bän jam wo Jeremia riääk ëbɛ̈n, riääk cï gɔ̈ɔ̈r në awerekë yic.

Jeremia 31:28

Ku cït man cän e kiëët bä ke nyuän bei, ku wuöth ke bei, ku riääk ke, ku thuöör ke piny, yen abän kïït aya bä ke com, ku yiɛ̈k ke.

Jeremia 31:40

Wak ëbɛ̈n, të cï kɔc cï thou tɔ̈ɔ̈u, ku cuɛtë kɔc cï rɛɛc thïn, ku lɔ duum nu në awuöl de Kidron nɔm ëbɛ̈n, ɣeet ë Kal de Jöŋgöör thok të lɔ aköl amiäk, abï aa kë ɣeric tëde Yɛn. Pänydït acïï bï bɛ thuöör piny ku riäk.”

Jeremia 36:2

“Nöm awerek ku gäärë yic kë cä lɛ̈k yïn ëbɛ̈n ë biäk de Juda ku Yithriɛl ku juöör kedhie. Gɔ̈ɔ̈r këriëëc ëbɛ̈n kë cä lɛ̈k yïn gɔl ë kööl wään bän kɔn jam wo yïn, wään ye Jothia melik agut cï ënɔɔnë.

Jeremia 44:27

Ku we bä tiit ke we cïï bï kuɛth, ku wek bïï keek riɔ̈ɔ̈k. We bï thou wedhie, në cɔk ku nɔn ee jɔk, abïï ciɛ̈n raan töŋ bï döŋ ë we yiic.

Jeremia 45:4

“Ku Yɛn Bɛ̈nydït, Yɛn dhoŋ këdiën cä yïk piny, ku Yɛn wuth këdiën cä com bei. Kënë abä luöi piny nɔm ëbɛ̈n.

Edhekiɛl 21:19

“Mɛnh ë raan, giit kuɛɛr kaarou duëër ë melik de Babilon bɛ̈n ke ke abätäude. Keek kaarou abïk röt dhil gɔl ee piny töŋë. Ku tɛ̈ɛ̈uwë kït piny në apɔ̈k kuɛɛr thok.

Edhekiɛl 23:36

Go ë Bɛ̈nydït lɛ̈k ɛn an, “Mɛnh ë raan, cï rɔt coc në luɔi bïï yïn Oɣola ku Oɣoliba luöi këtuc? Gaanyë keek në biäk de karɛckɛn cïk looi.

Edhekiɛl 32:18

“Mɛnh ë raan, dhiëëuwë kɔc juëc ke Rip. Tuɔɔcë keek ë piny kekë juöör ril kɔ̈k paan ë thuɔɔu.

Edhekiɛl 36:36

Ëtɛ̈ɛ̈n abïï juöör thiɔ̈k wään cï poth, abïk jɔ ŋic nɔn ee Yɛn Bɛ̈nydït, ee yɛn ë be pɛ̈ɛ̈nydït cï riɔ̈ɔ̈k nyɔk ë yïk ku bɛ duum cï riääk com. Yɛn Bɛ̈nydït Awärjäŋ, acä lueel nɔn bän ee kënë looi, ku abä looi.”

Edhekiɛl 43:3

Yen ë nyuuthë acït kë wään bä kɔn tïŋ, wään bïï Nhialic Jeruthalem bɛ̈n riɔ̈ɔ̈k, ku cït kë wään tiëŋ në kiir de Cebar yɔu. Na wën ke ya cuɛt rɔt piny ke ya gut yanɔm piny.

Ɣodh 6:5

Yen acän week tuöc tïtkiën ke Nhialic në jam de luɔi de këtuc kekë riääk. Kë kaar tëde week ee kë tiëc yic ku le gɔk.

Amoth 3:7

Bɛ̈nydït Nhialic acïï këdäŋ ee guɔ looi, ke kën tït ke Nhialic awuutke kɔn nyuöth kë cï kiëët.

Amoth 9:11

Aye Bɛ̈nydït lueel an, “Ade kööl bɔ̈, kööl bän Debid pɔ̈k nɔm ciɛɛŋdɛn cï poot wei, ciɛɛŋdɛn cï ciët ɣön cï riääk. Yɛn bï pänyde bɛ guiɛɛr piny abï lɔ kim piny. Abä bɛ nyɔk në yïk abï ciët man wään kɔn en tɔ̈u.

Dhek 1:6

Yɛn aacï awuutkï tït tɔ jäny kuarkun, ku yöökkï keek. Agokï jamden dhɔ̈lic, gokï këtuc yök. Gokï kërɛɛcden puɔ̈l ku gamkï yɛn luelkï an, ‘Bɛ̈nydït de rɛm ë wo luöi këtuc, kë rɔ̈ŋ ke keek, cït man ë kë kɔɔr në yapiɔ̈u.’