Jakop 5:7 - JAM DE NHIALIC 2011

⁷ Yak piɔ̈ɔ̈th liɛɛr, wek mïthëkɔckuɔ, aɣet bɛ̈n bï Bɛ̈nydït bɛ̈n. Wɔikï, raan de dom ee kapiɛth ee piny ke luɔk tiit, ke lir piɔ̈u në ye, aɣët të bï en deŋ yök, deŋ yaak ayï deŋ anyɔ̈ɔ̈c.

Jakop 5:7 Iomraidhean Croise

Jeremia 5:24

Akënkï tak bäk ya riëëu, cakaa nɔn yan we tuöc deŋ yaak ku tuöc we deŋ ruël, ku gäm week rɛɛp yak tem ë ruöön thok ëbɛ̈n.

Ɣodh 6:3

Gamku Bɛ̈nydït, themku buk dhil ŋic ëgɔk. Ku aŋicku ëgɔk nɔn bï Yen dhil tïc cït man cïï akɔ̈l duëër rëër ke cïï thok bɔ̈. Abï bɛ̈n tëde wook cït nyieer ke deŋ, ku cït deŋ yaak ee piny liëër.

Jowɛl 2:23

Miɛtkï piɔ̈ɔ̈th kɔc ke Dhiɔn, dalkï në kë cï Bɛ̈nydït Nhialicdun luöi week. Acï deŋ dap tɔ këër week në ɣɛɛr de yenpiɔ̈u. Acï dëŋ dït bɛ tɔ tueny cït man ɣɔn tueŋ: dëŋ yaak, ku dëŋ anyɔ̈ɔ̈c.

Dhek 10:1

Liɛpkï Bɛ̈nydït në deŋ yaak. Ee Bɛ̈nydït yen ee luät ke deŋ bɛ̈ɛ̈i, ku tɔ deŋ tueny, go këriëëc de raan ëbɛ̈n luɔk domic.

Math 16:27

Wën ë Raan abï bɛ̈n në dhuëëŋ de Wun kekë tuuckɛn nu nhial, ago raan riɔp ëbɛ̈n në kë rɔ̈ŋ në luɔide.

Math 16:28

Wek yɔ̈ɔ̈k ëyic an, “Ade kɔc kɔ̈k kääc ëtënë, kɔc cïï thuɔɔu bï thiëëp, të ŋoot kek ke kën Wën ë Raan tïŋ abɔ̈ ë ciɛɛŋdeyic.

Math 24:27

Acït man de wilëdeŋ ee piny riaau ëbɛ̈n, gɔl të lɔ aköl amiäk ɣet të lɔ aköl athɛ̈i, yen abï ciët bɛ̈n ë Wën ë Raan aya.

Math 24:44

Ku week, yak röt coc aya, thaar yak lueel an, cïï en bɔ̈, en abï Wën ë Raan thïn.

Luk 18:8

Wek yɔ̈ɔ̈k an, abï ke dap kony. Ku na Wën ë Raan, të bï en rial, bï gäm yök ë piny nɔm?”

Luk 21:27

Na ëlë, ke kɔc abïk Wën ë Raan tïŋ a bɔ̈ ë luätic ke cath ke riɛldït ku dhuëëŋ dït.

Luk 8:15

Ku ka nu ë tiɔɔm piɛthic ayek kɔc cï jam piŋ, ku jɔkï muk në piɔ̈n yic ku piɛth, agokï luɔk në rum ee kek kepiɔ̈ɔ̈th rom.

Jɔn 21:22

Go Yecu lueel an, “Të dɛ yɛn piɔ̈u luɔi bï en tɔ̈u aɣet të bä yɛn lɔ bɛ̈n, ke eeŋödu thïn? Yïn, kuany a cök!”

Jɔn 21:23

Go jamë tɛɛi ë wäthii yiic an, cï raanëpiööcëyë bï thou. Ku akënë Yecu e lueel, nɔn cïï en bï thou, aa lueel an, “Të dɛ yɛn piɔ̈u luɔi bï en tɔ̈u aɣet të bä yɛn lɔ bɛ̈n, ke eeŋödu thïn?”

Romai 15:4

Ku ka cï gɔ̈ɔ̈r ɣɔn thɛɛr kedhie aake gäär ë wëët bï wo wëët, ke wo bï dɛ aŋäth ŋäthku në guömdekäŋ ayï muŋdepiɔ̈u kak ë bïïyë kacïgɔ̈ɔ̈r.

Romai 2:7

Kɔc kɔɔr dhuëëŋ ku riëëu ku luɔi cïï kek bï dhiap, kɔc ë këpiɛth looi në liɛɛr ë kepiɔ̈ɔ̈th, kek abï gäm pïïr thɛɛr.

1 Kor 1:7

ago ciën miɔ̈c töŋ dak week, të tiɛɛt wek nyuöth bï Bɛ̈nydan Yecu Kërtho rɔt nyuɔɔth.

Galatai 5:5

Ku wook, aŋäth ë piathëpiɔ̈u wën bɔ̈ në gäm en ayok tiit në Wëidït.

Galatai 6:9

Ku duku wopiɔ̈ɔ̈th tɔ bäp në luɔi de këpiɛth: wo bï tem ëkööl piɛth ë tëm, të kën wok bäp.

Nyöŋ 11:14

Na lak looi, abï deŋ tuɔɔc pinydun të kɔɔr ë yen, rut ku anyɔ̈ɔ̈c, aguɔkï nïïm dɛ anyuɔl, ku mɔ̈u, ku miök de Olip,

Kolothai 1:11

Yak riɛl ë riɛl ëbɛ̈n, në riɛldïït ë dhuëëŋde, bäk käŋ ŋiëc guum ëbɛ̈n, në liɛɛr ë wopiɔ̈ɔ̈th ku në miɛtëpiɔ̈u,

1 Theth 1:3

Luɔiduön ë gäm ayok tak acïn pëk, ku takku luɔiduön ë nhiëër, ku aŋäth aa wek Bɛ̈nydït Yecu Kërtho ŋɔ̈ɔ̈th në liɛɛr ë wekpiɔ̈ɔ̈th ë Nhialic Wääda nɔm.

1 Theth 2:19

Aŋäth ŋäthku ee käŋö, ayï miɛt ë wopiɔ̈ɔ̈th, ayï göldan ë dhuëëŋ, yek kaŋö? Cïkï ee week, ë Bɛ̈nydan Yecu Kërtho nɔm në bɛ̈n bï en bɛ̈n?

1 Theth 3:13

luɔi bï en we tɔ kääc piɔ̈ɔ̈th aril, ke cïn gääk duëërë we gɔ̈k, në ɣɛɛrëpiɔ̈u ë Nhialic nɔm, Yen aye Wääda, ë kööl ë bɛ̈n bï Bɛ̈nydan Yecu Kërtho bɛ̈n kekë kɔckɛn ɣerpiɔ̈ɔ̈th kedhie.

Ɣeberuu 6:15

Abraɣam acï bɛ̈n gum ke tït ë piɔ̈n lir aɣet të bï yen kë cï thɔ̈n en bɛ̈n ŋoot ke yök.

Jakop 4:11

Duökï röt ee lɛ̈k kërac, wek mïthëkɔckuɔ. Raan ee mɛnhkënë lɛ̈k kërac, ku ye mɛnhkënë gɔ̈k, ee löŋ en lëk kërac, ku ee löŋ en gɛ̈k. Ku të gɛ̈k yïn löŋ, ke yïn cie raan ee löŋ looi, yïn ee bɛ̈ny ee löŋ guiir.

Jakop 5:10

Na tït ɣɔn ee jam në rin ke Bɛ̈nydït, wek mïthëkɔckuɔ, yak ke tɔ ye kɔc bä wek täuden aa dɔmic në guöm de kërac ku në liɛɛrëpiɔ̈u.

Jakop 5:3

Adhɛ̈pkun ku ateŋdun acïk keth, ku kethden abï aa cäätɔ de ater ke week, ku bï riiŋdun cam cït man ë mac. Wek ee wëukun kut në këde kööl rial.

2 Pet 3:4

bïkkï luelkï, an, “Bɛ̈ndɛn, an, bï en bɛ̈n akou? Të ɣɔn thouwë kuarkuɔ käŋ atɔ̈ukï kedhie ë täudɛn gɔlë piny ë cäk!”