Jakop 5:16 - JAM DE NHIALIC 2011

¹⁶ Yen aa wek awɛ̈ɛ̈c gam ë röt wapäc, ku yak lɔ̈ŋ në röt wapäc, ke we bï dem. Pal ë raan piɛthpiɔ̈u, pal cath ke riɛl, en aye kajuëc tiaam.

Jakop 5:16 Iomraidhean Croise

Cäk 19:29

Yen tän de ka, të ɣɔn ë riëëk ë Nhialic pɛ̈ɛ̈nydït nu në wakic. Ku Nhialic akën nɔm määr në Abraɣam ɣɔn riëëk En pänydït rëër ë Lɔt thïn. Ago Lɔt tɔ bän ke cïn kë cï ye jak.

Cäk 20:17

Ago Abraɣam Nhialic lɔ̈ŋ, go Nhialic Abimelek tɔ piɔl guöp kekë tiiŋde, ku diäär lïïmke, gokï mïth dhiëëth.

Cäk 20:7

Ënɔɔnë, dɔ̈kë raan nɔm tiiŋde. Yen ee tiët, abï lɔ̈ŋ në biäkdu ka yïn cï bï thou. Ku na cïï lɔ dɔ̈k nɔm monyde, ke ŋic ëgɔk nɔn bïn thou wekë kɔcku kedhie.”

Cäk 32:28

Go raan lɛ̈k en an, “Rinku acï ke bï bɛ cɔl Jakop, abï ke cɔl Yithriɛl. Në luɔi cïn thɔ̈ny we Nhialic, ku kɔc ayadäŋ, ku tiëmë.”

2 Tham 19:19

Go lɛ̈k melik an, “Yïn bɛ̈nydï, pälë yɛn awäny wään bä looi në kööl ɣɔn nyiëëŋ yïn Jeruthalem piny. Pälë yɛn, du yɛn muk ater, ku du tak.

1 Mel 13:6

Go melik Jerobowam lɛ̈k raan de Nhialic an, “Acï go aa dhääl läŋ Bɛ̈nydït Nhialicdu në biäkdï, ku thiëc bï köŋdï tɔ waar!” Go raan de Nhialic lɔ̈ŋ në biäkde go kök waar cït man wën.

2 Lëk 30:20

Go Bɛ̈nydït lɔ̈ŋ de Ɣedhekia piŋ, go kɔc päl awɛ̈ɛ̈cken ku cïï keek luui këtuc

Jop 42:8

Ë nɔɔnë, nöm miöör kadhorou, ku nyök amɛ̈l kadhorou, yiɛ̈n ë ke Jop bï ke lɔ gam ke ke ye miɔ̈c näk, ku lɛ̈ŋ në biäkdun, ku Yɛn bï lɔ̈ŋde piŋ, ku wek cä bï yɔ̈ɔ̈r gup në ayär röŋ ke week. Wek kën jam në yith në biäkdï cït man ë yen.”

Diɛt 34:15

Nyïïn ke Bɛ̈nydït awoikï kɔc piɛthpiɔ̈ɔ̈th, ku yïthke apiŋkï dhiënden,

Bɛ̈n 17:11

Të muk ë Mothe yecin nhial, ke kɔc ke Yithriɛl ë ke tiëm. Na tɛ̈ɛ̈u Mothe yecin piny, ke kɔc ke Amalek ë ke tiëm.

Bɛ̈n 9:33

Na wën, ke Mothe nyiëëŋ melik piny, ku jël wutic, le Bɛ̈nydït lɔ̈ŋ. Na wën, ke këriëëc ëbɛ̈n ë kääc, rel ku deŋ, ku kɔɔi.

Kɛ̈ŋ 15:29

Lɔ̈ŋ de kɔc ee karɛc looi acie lɔ në Nhialic yïc, ee lɔ̈ŋ de kɔc piɛth piɔ̈ɔ̈th yen ee piŋ.

Kɛ̈ŋ 15:8

Miɔ̈c näk ye kɔc ee karɛc looi gam ee gök de kërɛɛc mɛɛn ë Bɛ̈nydït, ee lɔ̈ŋ de kɔc piɛth piɔ̈ɔ̈th yen anhiɛɛr.

Kɛ̈ŋ 28:9

Të cïï raan yeyïc pɛ̈n pïŋ de löŋ, ke lɔ̈ŋde ee gök de kërɛɛc mɛɛn Bɛ̈nydït.

Jeremia 15:1

Na wën, go ë Bɛ̈nydït lɛ̈k ɛn an, “Acakaa Mothe kekë Thamwɛl kek ë läŋ Yɛn eenë, Yɛn cïï ee kɔckë duëër nyuöth kokëpiɔ̈u. Tɔ keek lɔ biic, tɔ keek jël ë Yanyin.

Jeremia 33:3

“Calkï Yɛn, ku Yɛn bï këdun bɛ̈ɛ̈r, wek bä lɛ̈k göök ku kake gäi cïn kë ŋiɛckï ë baŋden.

Jeremia 42:2

Agokï lɛ̈k tiët Jeremia an, “Loi kë lɛ̈kku yïn! Läŋ Bɛ̈nydït Nhialicda ë biäkda. Läŋë ë biäkda wodhie, wok kɔc cï poth. Ɣɔn thɛɛr wok juëc, ku ënɔɔnë, wok cï döŋ ke wo lik cït man woi yïn en.

Kuɛ̈n 11:2

Go kɔc Mothe kiiu luɛ̈k keek. Go Mothe Bɛ̈nydït lɔ̈ŋ, go mac liu.

Math 21:22

Ku na de kë bäk lïm të läŋ wek ku gamkï, abäk keek aa yök.”

Math 3:6

ago ke baptith në yen ë wɛ̈ɛ̈r cɔl Jordan, agamkï karɛc cïk wööc.

Mak 1:5

Na wën, ke kɔc ke piny ë Juda kedhie, ku kɔc ke Jeruthalem, ke ke lɔ biic të nu yen, go ke baptith në yen kedhie ë wɛ̈ɛ̈r de Jordan yic, ku gamkï karɛcken.

Luk 9:6

Gokï jäl, ku jɔkï bɛ̈i caath yiic, ke ke guiir wëlpiɛth, ku tɔkï kɔc dem ë baai yic ëbɛ̈n.

Jɔn 9:31

Aŋicku nɔn cïï Nhialic këde kɔc ee kërac looi ye piŋ: ku të riëëuwë raan Nhialic, ku ye këde piɔ̈nde looi, këde aye Nhialic piŋ.

Luɔi 10:38

Jam në këde Yecu de Nadhareth, luɔi cï Nhialic e tɔc në Wëidït ɣer, ku gɛ̈m riɛl. Ago piny aa caath ke ye këpiɛth looi, ku tɔ kɔc dem kɔc cïï jɔŋdït rac cieŋ ë ciɛɛŋ rac, luɔi ciɛthë Nhialic ke yen.

Luɔi 19:18

Na wën, ke kɔc cï gam ke ke bɔ̈, ku gamkï cä wööc, luelkï karɛc cïk looi.

Luɔi 8:24

Go Thimon bɛ̈ɛ̈r an, “Läŋkï Bɛ̈nydït në këdï, ke bï ciën kë bï bɛ̈n ë yaguöp në ka wën cäk lueel.”

Romai 3:10

Acït man cï ë gɔ̈ɔ̈r, an, “Acïn raan piɛthpiɔ̈u nu, acïn raan tök,

Romai 5:19

Acït man cï kɔc juëc tɔ ye kɔc ë käŋ wööc në dhäŋ cï raan tök löŋ dhɔ̈ŋic, yen acït luɔi bï kɔc juëc tɔ piɛthpiɔ̈ɔ̈th në pïŋ cï raan tök käŋ piŋ.

Kolothai 1:9

Yen aye wok cool ë läŋ Nhialic në biäkdun acïn pëk, gɔl ëkööl ɣɔn kɔn wok e piŋ, ke we bï kuɛth ë ŋïny ŋiɛc wek këde piɔ̈nde në pɛlënɔm ëbɛ̈n ku në yöŋ aa wek ka ke wëi yök yiic,

1 Theth 5:17

yak cool ë lɔ̈ŋ acïn pëk.

1 Theth 5:23

Ku ënɔɔnë, Nhialic de mät, Yen guöp, ee we tɔ ɣerpiɔ̈ɔ̈th ëliŋliŋ, ku wëikun ëbɛ̈n ku piɔ̈ndun ku guöpdun ë ye ke muk acïn këliu, ku bï ciën kë duëërë ke gɔ̈k aɣet bɛ̈n bï Bɛ̈nydan Yecu Kërtho bɛ̈n.

1 Theth 5:25

Mïthëkɔckuɔ, yak lɔ̈ŋ në biäkda.

Ɣeberuu 11:4

Në biäk de Abel nɔm gäm de yic aŋäth, go Nhialic miɔɔc në miɔ̈c ŋuän awär miɔ̈c ë Kain. Abel acï Nhialic bɛ̈n gam kekë miɔ̈cde, ku gämde aŋoot ke cɔɔl rinke, na cakaa nɔn cïï yen thouwë.

Ɣeberuu 11:7

Aye gäm de yic aŋäth yen aa tɔ Nowa piŋ yöök de Nhialic, ɣɔn yöök En keek në biäk de ka bï tïc wadäŋ ka cïï woi. Ago löŋ cï Nhialic lueel riëëu, ku cuëëc abël kony en rɔt kekë dhiënde. Në biäk kën kɔc ke piny nɔm jam ë Nowa piŋ, piny acï bɛ̈n cieen nɔm, ku Nowa acï piathëpiɔ̈u bɛ̈n yök tëde Nhialic në gäm.

Ɣeberuu 12:13

Ku yak kueer lɔ loulou cak në wecök ke ŋɔl cï rɔt bï yal wei kueer, aŋuɛ̈ɛ̈n luɔi bï ŋɔl waar ku deem.

Ɣeberuu 13:18

Läŋkï në biäkda, agoku ŋoot ke wo lɔ piɔ̈ɔ̈th gɔk, ku athemku duëërku këpiɛth aa looi në akööl thook ëbɛ̈n.

Jocua 10:12

Ku në kööl ë tɔ Bɛ̈nydït kɔc ke Yithriɛl tiam kɔc ke Amor, Jocua ë bɛ̈n jam kekë Bɛ̈nydït në kɔc ke Yithriɛl nïïm, lueel an, “Akɔ̈l kääcë ë lik në Gibiɔn nɔm, Ku pɛɛi kääcë në bäny de Aijalon nɔm.”

1 Pet 2:24

Yenguöp ë karɛckuɔ ɣääc ë yeguöp ë tim kɔ̈u, luɔi bï wok thou tëde kërac, ku jɔku pïïr tëde piathëpiɔ̈u, dui ë duiyë ye, en aa tɔ we dem.

1 Jɔn 3:22

Ku të de en kë lipku, ka yok yök tëde yen, luɔi ee wo lööŋke döt, ku yok kamit ë yepiɔ̈u looi.

1 Tham 1:12

Ku të ŋoot ë Ɣana ke läŋ Bɛ̈nydït aläl ë kaam dït agök, aa woi ë Eli ye thok.

1 Tham 12:17

Piny cie mɔ̈i ënɔɔnë të ye agamɔ tem, cie täu de ka? Ku yɛn bï lɔ̈ŋ, ke Bɛ̈nydït bï deŋ tɔ rel ku tueny deŋ, ku të cïï kënë tuöl, ka bäk ŋic nɔn yen awäny dït yen cäk luöi Bɛ̈nydït, në kë cä wek Yen thiëc ë melik.”

1 Tham 12:18

Na wën ke Thamwɛl ë läŋ, go Bɛ̈nydït deŋ tɔ rel ku tueny deŋ ee köölë guöp. Ago kɔc kedhie riɔ̈ɔ̈c ë Bɛ̈nydït ku riɔ̈ckï në Thamwɛl aya,