Jakop 5:10 - JAM DE NHIALIC 2011

¹⁰ Na tït ɣɔn ee jam në rin ke Bɛ̈nydït, wek mïthëkɔckuɔ, yak ke tɔ ye kɔc bä wek täuden aa dɔmic në guöm de kërac ku në liɛɛrëpiɔ̈u.

Jakop 5:10 Iomraidhean Croise

2 Lëk 36:16

Gokï tuuc ke Nhialic dɔl gup, ku dhɛ̈lkï wëlkɛn lueelkï yiic, ku buikï tïtke gup, aɣët abï agönh de Bɛ̈nydït dït në kɔcke gup ku cïn luɔi bïï ë kɔc ban.

Yith 39:8

Aa ye melik Ɣedhekia tak nɔn bï yen dɛ rëër adïu ku mät në kaam pïïr en, go Yithaya yɔ̈ɔ̈k an, “Jam de Bɛ̈nydït cï lueelë apiɛth.”

Jeremia 2:30

Yïn cä luöi këtuc, ku acïn këpiɛɛth cï looi, yïn kën Yɛn pɔ̈l bä yï jɔ̈ɔ̈ny. Yïn cï tïtku nɔ̈k në abätäu, cï köör cï wäth.

Jeremia 23:22

Ku na ë ke cï kɔ̈ɔ̈c në löŋdï yic, adï cïk jamdï lɛ̈k kɔckï, ku adï cïk luɔidɛn rac yek looi pɔ̈l, ku pɛ̈lkï karɛc yek looi.

Jeremia 26:16

Go bäny ku kɔc lɛ̈k bäny ke kake Nhialic ku tït an, “Mony aa jam ke wook në rin ke Bɛ̈nydït Nhialicda, acïï duɛ̈ɛ̈rë nɔ̈k.”

Luk 13:34

Jeruthalem oou, Jeruthalem oou, paan ë tït nɔ̈k, ku biöök kɔc në kur kɔc cï tuöc yïn, ee nïn kadï cän piɔ̈u dɛ kum kuöm ɛn mïthku, cït man ee ajïth mïthke kum ë yewuök, ku acäk rɛɛc!

Luk 6:23

Jakï piɔ̈ɔ̈th miɛt ëköölë abäk kɛɛc nhial ë piɔ̈nmit: tiëŋkï, ariöpdun adït paannhial. Wärken aake ye tït luööi yikya.

Luɔi 3:21

raan bï dhil ceŋ paannhial aɣɔ̈l kööl ë puŋ bï käŋ puk nïïm kedhie, kööl cïï Nhialic tɔ luel në thook ke tïtkɛn ɣeriic kedhie, gɔl ɣɔn thɛɛr ciɛkë piny.

Luɔi 7:52

Eeŋa ë tït yiic raan kënë kuarkun yɔŋ guöp? Ku acïk kɔc nɔ̈k kɔc wään nyuth keek tueŋ në bɛ̈n ë Raan piɛthpiɔ̈u, raan cäk guɔ nyiɛɛn, ënɔɔnë ku kuörkï abï thou.

Ɣeberuu 13:7

Yak wenïïm tak në kɔc ë we jääm, kɔc wään wëët week në jam ë Nhialic, yak wëët në pïïrdenic ayï thonden, yak gämden tääu në wekɔ̈ɔ̈th cït man ë lupɔɔ ciɛŋkï.

Jakop 4:11

Duökï röt ee lɛ̈k kërac, wek mïthëkɔckuɔ. Raan ee mɛnhkënë lɛ̈k kërac, ku ye mɛnhkënë gɔ̈k, ee löŋ en lëk kërac, ku ee löŋ en gɛ̈k. Ku të gɛ̈k yïn löŋ, ke yïn cie raan ee löŋ looi, yïn ee bɛ̈ny ee löŋ guiir.

Jakop 5:13

De raan ë weyiic raan gum këtuc? Ë läŋ. De raan mit piɔ̈u? Ë leec Nhialic ë dit.

Jakop 5:7

Yak piɔ̈ɔ̈th liɛɛr, wek mïthëkɔckuɔ, aɣet bɛ̈n bï Bɛ̈nydït bɛ̈n. Wɔikï, raan de dom ee kapiɛth ee piny ke luɔk tiit, ke lir piɔ̈u në ye, aɣët të bï en deŋ yök, deŋ yaak ayï deŋ anyɔ̈ɔ̈c.

Jakop 5:9

Duökï ee dok ë röt wapäc, wek mïthëkɔckuɔ, ke we cïï bï yiëk yiëth gääk. Bɛ̈ny ee löŋ guiir ka, kääc ɣöt thokë.