Jakop 4:7 - JAM DE NHIALIC 2011

⁷ Yen tääu wek röt ë Nhialic cök, ku yak jɔŋdït rac ŋɛ̈ny, ke bï aa kat ë week.

Jakop 4:7 Iomraidhean Croise

2 Tham 15:26

Ku na cïï Bɛ̈nydït piɔ̈u mit kekë yɛn, apiɛth, abï këdɛn cï tak luöi yɛn.”

2 Lëk 30:8

Duökï we nïïm tɔ ril cï keek, yak Bɛ̈nydït riëëu. Bäkkï Jeruthalem të tɔ̈u ë tëɣeric, të wään cïï Bɛ̈nydït Nhialicdun tɔ piɛth aɣet athɛɛr, ku bäk lam ago cïï be gɔ̈th ke week.

Jop 1:21

Go lueel an, “Yɛn aa bɔ̈ bei yiëëc në yacin ku yɛn bï jäl në yacin, ee Bɛ̈nydït Yen aa miɔ̈c ku acï bɛ puk nɔm, ë rin ke Bɛ̈nydït ë ke piɔny!”

Diɛt 66:3

Lëkë Nhialic an, “Luɔɔidu ee këdïït ë gäi! Riɛldu adït aläl ee kɔc ke aterdu tɔ gut kenïïm piny në Yïnɔm, në riɔ̈ɔ̈c.

Diɛt 68:30

Ŋɛ̈nyë Rip, yen län roor cï thiaan aguötic, ŋɛ̈nyë juöör ril cït miöör cï miɔ̈l, agut të bï kek kenïïm guöt piny ku miɔckï Yïn në ateekken. Thiäiyë kɔc nhiaar tɔŋ piny.

Jeremia 13:18

Go ë Bɛ̈nydït lɛ̈k ɛn an, “Lëkkë melik kekë man bïk bɛ̈n nyuc piny ë thöönyden nɔm, ë biäk cïï göölkɛn läk lööny piny ë kenïïm.

Danyel 4:25

Yïn bï cuɔp wei në kɔc yiic, ku yïn bï lɔ rëër wek ë läi roor. Në run kadhorou yiic, yïn bï nyuäth ë wal cï lɛ̈i, ku yïn bï tɔ̈c biic, të bï thäc yïn thɛ̈c. Ku ëtɛ̈ɛ̈n abä gam nɔn yen Nhialic dït, yen muk ciɛɛŋ de pinynɔm ëbɛ̈n, ku aduëër ke gäm raandɛn kɔɔr ë yepiɔ̈u.

Danyel 4:32

Yïn bï cuɔp wei në kɔc yiic, yïn bï rëër wekë läi, ku nyuäth wal cït man ë lɛ̈i në run kadhorou yiic. Ëtɛ̈ɛ̈n abä jɔ ŋic nɔn yen Nhialic dït, yen ade nɔm riɛl në ciɛɛŋ ë kɔc ke pinynɔm ëbɛ̈n, ku aduëër keek gäm raandɛn cï tak ë yepiɔ̈u.

Math 11:29

Damkï luɔidï, ku yak röt piɔ̈ɔ̈c ë yɛn, yɛn ŋic rëër ëmääth, ku yɛn ee rɔt tɔ koor, ke we bï lɔ̈ŋ yök ë wepiɔ̈ɔ̈th.

Luɔi 26:19

“Yen akɛ̈n ɛn kë cï nyuöth ɛn rɛɛc, kë bɔ̈ nhial, yïn melik Agiripa.

Luɔi 9:6

Go lath, guöp ku pɛ̈u piɔ̈u, go thiëëc an, “Bɛ̈nydït, eeŋö kɔɔr kë bä looi?” Go Bɛ̈nydït lueel an, “Jɔt rɔt, lɔ pänydït, yïn bï lɛ̈k kë bä looi.”

Romai 10:3

Ku keek, në kuny kuc kek piathëpiɔ̈u bɔ̈ tëde Nhialic, ku ŋäth ŋɛ̈ɛ̈th kek piathdɛn ë piɔ̈u etök, aake ye piathëpiɔ̈u bɔ̈ tëde Nhialic rɛɛc gam.

Romai 14:11

Cït man cï ë gɔ̈ɔ̈r an, “Alueel Bɛ̈nydït an, Tën aa yɛn Nhialic pïïr, ke miɔɔl kedhie abï ke tuk ë Yanɔm. Ku liëp kedhie abïk awɛ̈ɛ̈c gam ë Nhialic nɔm.”

Epethiei 4:27

Duökï jɔŋdït rac pɛ̈l të bï en rëër ë wepiɔ̈ɔ̈th.

Epethiei 5:21

Ë ŋɛk ë tɔ̈u ë ŋɛk cök në riëëu riëëu wek Kërtho.

Epethiei 6:13

Yen nääm wek ka ke tɔŋ ëbɛ̈n wëu ke Nhialic, luɔi bä wek biök aa lëu apiɛth ëkööl rac, ku të cä wek käŋ thöl kedhie, ke we bï tɔ̈u ë we kääc.

Ɣeberuu 12:9

Wärkuɔn ke piny nɔm ayek wo dui në dui rac ku ŋootku ke ke riëëuku, ku cïï ŋuän duëërku Wäärdan ë wëikuɔ riëëu ku buk pïïr!

1 Pet 2:13

Yak ciɛɛŋ ëbɛ̈n gam në biäk de Bɛ̈nydït ciɛɛŋ ee kɔc piny cieŋ: nɔn ee yen melik, raan nu ë kɔc nïïm kedhie,

1 Pet 5:6

Yen kuɔɔr wek röt piny ë Nhialic cin cin ril ëtör, ke bï we jat nhial ëkööldɛn piɛth.

1 Tham 3:18

Ago Thamwɛl ye lɛ̈k këriëëc ëbɛ̈n, abïï ciën kë dɔ̈ŋ. Na wën ke lueel an, “Yen ee Bɛ̈nydït, abï këdɛn cï tïŋ ke piɛth looi.”