Jakop 4:2 - JAM DE NHIALIC 2011

² Wek ee ŋɔ̈ɔ̈ŋ de käŋ dɔm, ku cäkï keek ee yök, we ye kɔc nɔ̈k abïk thou, ku ye tiɛɛl we dɔm, ku we cïï käŋ duëër aa yök: wek ee piɔ̈t ku yak tɔŋ lɛɛr, ku ŋuɔɔtkï ke we cïn nïïm käŋ, luɔi cä wek ee lip.

Jakop 4:2 Iomraidhean Croise

1 Mel 21:6

Go yɔ̈ɔ̈k, an, “Yɛn ë jam wokë Naboth raan ë Jedhreel, guɔ yɔ̈ɔ̈k, an, Gämë yɛn domduön ë enap në wëu ku na ŋuɛ̈ɛ̈n tëde yïn, ke yïn bä wɛ̈ɛ̈r dom däŋ ë enap go bɛ̈ɛ̈r, an, yïn cä bï gäm domdiën de enap!”

Kɛ̈ŋ 1:19

Cuëër ee wun nɔ̈k, yen täude ka ëbɛ̈n tëde raan de guöp akuöörkuöör.

Wɛ̈ɛ̈t 4:8

Ade raan rɛ̈ɛ̈r yetök, acïn nɔm meth, ku acïn nɔm mänhë, ku ee tɔ̈u aköölnyïïn, ke cïï piɔ̈u kueth në kajuëc tɔ̈u në yen, eeŋa jɔ luööi aläldïïtë aya ke cïï rɔt tɔ lɔ̈ŋ? Kënë ee ɣɔ̈ric ayadäŋ, ku ee pïïr de yic nuɛɛn.

Yith 7:12

Go Aɣadh bɛ̈ɛ̈r an, “Yɛn cïï Bɛ̈nydït bï thiëëc në kë bï nyuöth ɛn, yɛn ë jaai në luɔi bän Bɛ̈nydït them.”

Ɣabakuk 2:5

Kuɛth ë mɔ̈u ee mɛth, ku röördït piɔ̈ɔ̈th ayek kenïïm ɣääc ku acïkï ee lɔ̈ŋ cït man ë paan ë thuɔɔu guöpde, acïkï ee kuɛth. Yeka ye kek juöör ke pinynɔm määt yiic ku pëckï ke röt.

Jɔn 16:24

Aɣet cï ënɔɔnë acïn kë cäk lip në rinkï: yak lip, ke we bï aa miɔɔc, aguɔkï piɔ̈ɔ̈th miɛt abäk piɔ̈ɔ̈th a yum.

Jɔn 4:10

Go Yecu bɛ̈ɛ̈r, lueel an, “Tëë yï ŋic miɔ̈c de Nhialic, ku ŋic raan wën thɛɛr yöök yïn an, “Miɔc ɛn ë ka dɛk, adï cï lip tëde yen, ku adï cï yï gäm pïïu pïïr.”

Jakop 1:5

Ku na de raan në weyiic raan dɛk ë pɛlënɔm, ke lim tëde Nhialic, Raan ee kɔc miɔɔc kedhie ë dhuëëŋ, ku cïï kɔc ee gɔ̈k, ku abï gäm en.

Jakop 5:6

Wek ee raan piɛthpiɔ̈u gɔ̈k, ku näkkï, ku acïn ŋëny ee yen week ŋɛ̈ny. Cïï Nhialic we bï ŋɛ̈ny.

1 Jɔn 3:15

Raan ëbɛ̈n raan man mɛnhkënë, ka ye raan ee kɔc nɔ̈k: ku aŋicku, an, acïn raan ee kɔc nɔ̈k cath ke pïïr athɛɛr.