Jakop 3:2 - JAM DE NHIALIC 2011

² Wok ee cool ë wäc käŋ wodhie. Na de raan cïï käŋ ee wööc ë jam, ke yen aye raan cï dikëdik, ka duëër yeguöp muk apiɛth ëbɛ̈n.

Jakop 3:2 Iomraidhean Croise

1 Mel 8:46

“Të cï kek Yïn luöi awäc, cït man cïn en raan cie wäc, ke Yïn duëër dhil gɔ̈th we keek ku tɔ ke tiam në kɔc ke aterden, ku leerë keek ë pɛ̈cic paan mec ku nɔn ee yen paan thiɔ̈k,

2 Lëk 6:36

“Të le kɔcku yïn luöi awäc, ku acïn raan cie wäc, ku në agönhdu acï keek tɔ tiɛɛm ë kɔc ke aterden, ku pec keek ke ke mac leerë keek pinydäŋ, na cakaa piny mec aläl,

Jop 15:13

ku wɛ̈lë agönhdu nɔm Nhialic, abä wël cït ee kakë bɛ̈ɛ̈i bei në yïthok?

Diɛt 34:13

Ke tit yethok në tör ku luɛɛl ë kërac.

Diɛt 39:1

Acä lueel an, “Yɛn bï a thok tiit ëgɔk, ke ya cï bï wäc në yaliep, yɛn bï yathok roop të rɛ̈ɛ̈r ɛn wok ë kɔc rac.

Kɛ̈ŋ 10:19

Jam juëc, ee raan tɔ wäc, ku tiët ë thok ee pɛlënɔm.

Kɛ̈ŋ 13:3

Tiët ë thok ee wëi gël, ku wël ye dɛɛny ayek raan riɔ̈ɔ̈k.

Kɛ̈ŋ 20:9

Eeŋa duëër e lueel an, yɛn cï a piɔ̈u tɔ piɛth, yɛn lɔ wai acïn kërɛɛc nu ë yeguöp?

Kɛ̈ŋ 21:23

Tiët ë thok ee raan gël në katuc thookiic.

Wɛ̈ɛ̈t 7:20

Ku ee yic, acïn raan piɛthpiɔ̈u nu ë piny nɔm ee këpiɛth looi ku cie wäc.

Yith 64:6

Wok de gup awɛ̈ɛ̈c wodhie, cakaa nɔn ye luɔidan piɛth ŋoot ke rac. Në biäk de awɛ̈ɛ̈ckuɔ, wok cï ciët yïth ke tiim ee biɔɔr ku gɔp yom keek.

Lebai 13:39

Abïï bɛ̈ny de kake Nhialic keek dhil tïŋ, ku na ye toŋ nu në ke gup ka ɣer ë määth, ku cie wɛth, yen ë raanë apiɛth guöp.

Math 12:34

Wek mïth ke karɛc, duɛ̈ɛ̈rkï kapiɛth aa lueel adï, ku yak kɔc rac piɔ̈ɔ̈th? Kë ye piɔ̈u thiɔ̈ɔ̈ŋ nɔm yen aye thok lueel.

Math 12:37

Wëlku kek abï yï tɔ cin yeth gääk, ku wëlku kek abï yï tɔ yïkë yeth gääk.”

Romai 3:10

Acït man cï ë gɔ̈ɔ̈r, an, “Acïn raan piɛthpiɔ̈u nu, acïn raan tök,

Romai 7:21

Yɛn ë löŋ däŋ yök ënɔɔnë an: Kööl dɛ yɛn piɔ̈u luɔi luɔɔi ɛn këpiɛth, ke kërac tɔ̈u kekë yɛn.

1 Kor 9:27

ku yɛn ee yaguöp dui, ku ta ye lïmdï, ke ya cïï bï cuat wei, ya ka ye raan ë wël kɔn guiëër kɔc kɔ̈kkë.

Galatai 3:22

Ku këcïgɔ̈ɔ̈r acï jäŋ ëbɛ̈n mac ë këracic, luɔi bï kë cï kɔn lueel an, bï yiɛ̈n kɔc, në gäm cï kek Yecu Kërtho gam, luɔi bï e yiɛ̈n kɔc cï gam.

Galatai 5:17

Guöp ee tɔŋ cam kekë Wëi, ku ye Wëi tɔŋ cam në guöp, ku kake ayek gɔ̈m kapäc, ku wek cïï ka kaarkï ë wepiɔ̈ɔ̈th duëër aa looi.

Kolothai 1:28

Yen aye raan ee wok këde guiir, ke yok raan nen ëbɛ̈n ku yok raan wɛ̈ɛ̈t ëbɛ̈n në pɛlënɔm ëbɛ̈n, luɔi bï wok raan ëbɛ̈n tääu ë yenɔm ke ye piɔ̈u dikëdik ë Kërtho Yecuyic.

Kolothai 4:12

Wek thiëëc Epapara, raandun, ku ye raan ee Yecu Kërtho luööi, ee cool ë nɛ̈k rɔt piny ë lɔ̈ŋdeyic në biäkdun, ke we bï aa kɔ̈ɔ̈c aril, ke we bï piɔ̈ɔ̈th aa dikëdik ku kuɛthkï në këde piɔ̈n ë Nhialic ëbɛ̈n.

Jakop 1:26

Na de raan ë weyiic raan cït kë riëëu Nhialic, ku cïï yeliep ee dɔm, ku ee yepiɔ̈u math tei, ke riëëu riëëuwë raanë Nhialic ee këɣɔ̈ric.

Jakop 1:4

Ku takï guömdekäŋ thöl luɔide abï dikëdik, ke we bï dikëdik ku cathkï në këriëëc, ke cïn kë dak week.

Jakop 2:10

Raan ee löŋ tiiŋic ëbɛ̈n, ku wäc cöök tök tei, ke dhäŋ de löŋic ëbɛ̈n anu ë yeyeth.

1 Pet 3:10

Luɔi cï e gɔ̈ɔ̈r an, “Raan de piɔ̈u luɔi nhiɛɛr en pïïr, ku jɔ kööl piɛth tïŋ, ke ye yeliep pɛ̈n jam rac, ku ye yethok pɛ̈n jam ë ruëëny.

1 Pet 5:10

Ku ënɔɔnë, Nhialic de piɔ̈u dhuëëŋ ëbɛ̈n, Raan cï we cɔɔl në këde dhuëëŋdɛn ee tɔ̈u athɛɛr në Kërtho Yecu, miäk, të cä wek käŋ guɔ guum tëthiinakäŋ, ee we tɔ ye dikëdik yen guöp, ku tɔ we kääc, ku tɔ we ril, ku tɔ we lïk piny.