Jakop 3:13 - JAM DE NHIALIC 2011

¹³ Eeŋa ë weyiic raan pelnɔm ku ye raan ŋic käŋ? Ee ye luɔide nyuɔɔth në rëër ŋic en rëër ke ye rɔt kuɔɔr piny ë kuur ee raan pelnɔm rɔt kuɔɔr piny.

Jakop 3:13 Iomraidhean Croise

Jop 28:28

Go lɛ̈k mɛnh ë raan an: “Riëëu de Bɛ̈nydït ee yen ee pɛlënɔm, ku pɔ̈kdu wekë luɔi de kërac ee yen ee yöŋ de käŋiic.”

Diɛt 107:43

Na de kɔc pel nïïm abïk ee kake cätic apiɛth, ku në ke cï nïïm määr ë Bɛ̈nydït abïk nhiëërdɛn agɔk tak.

Diɛt 122:8

Në biäk de kɔc raan ë yɛn ku määthkï acä lɛ̈k Jeruthalem an, “Në mät tɔ̈u ke yïn!”

Diɛt 149:4

Bɛ̈nydït ee miɛtëpiɔ̈u yök tëde kɔcke, ee kɔc ee röt kuɔɔr piny dhuëëŋ gup ë tiëm.

Diɛt 25:9

Ee kɔc ee röt kuɔɔr piny nyuöth yith, ku wëët ke në kuɛɛrke.

Diɛt 45:4

Në bäänydu lɔ tueŋ në tiëm, në biäk bï yïn yic kony kekë piathëpiɔ̈u. Riɛldu abï yïn yiɛ̈n tiëm dït!

Wɛ̈ɛ̈t 8:1

Eeŋa cït raan pelnɔm? Ku ŋic wɛ̈ɛ̈r de käŋiic? Pɛlënɔm ee ye riaau nyin, ku wɛ̈ɛ̈r täu ye raan yenyin nyuiin.

Wɛ̈ɛ̈t 8:5

Ariɔ̈ny de löŋ acïn kërɛɛc ee ye yök, ku raan pelnɔm aŋic kueer bï yen ë looi, ku kööl bï yen ë looi.

Yith 29:19

Kɔc kuanynyïïn ku kɔc ee röt kuɔɔr piny abïk miɛtëpiɔ̈u bɛ yök tëde Bɛ̈nydït, Nhialic Ɣeric de Yithriɛl.

Yith 60:6

Thɔ̈rɔ̈ɔ̈l juëc abïk bɛ̈n, piny de Midian ku Eepa. Ku abïk bɛ̈n në Ceba abïk bɛ̈n, ke ke muk adhɛ̈p ke ke bïï adhääp ku wal ŋïr. Kɔc abïk Bɛ̈nydït leec në biäk de kë cïï looi!

Yith 61:1

Bɛ̈nydït Awärjäŋ acï ya thiɔ̈ɔ̈ŋ në wëike. Acï ya lɔc ku tooc ɛn bä wëlpiɛth yiɛ̈n kɔc kuanynyïïn, Bä kɔc jieth piɔ̈ɔ̈th bɛ̈n duut piɔ̈ɔ̈th, ku bä luny de kɔc cï peec bɛ̈n caal, ku lony kɔc cï mac.

Jeremia 9:12

Guɔ lop an, “Bɛ̈nydït, eeŋö jɔ piny riääk ku jɔ riɛl abïï ciët jɔ̈ɔ̈ric, ka cïn raan ee cath thïn? Eeŋa pelnɔm arëët bï ee kënë yökic? Eeŋa cï nyuöth en ago lɔ wɛ̈ɛ̈ric kɔc kɔ̈k?”

Jeremia 9:23

Aye Bɛ̈nydït lueel an, “Kɔc pelnïïm ë ke cïï röt ee leec në pɛlënɔmden, ku kɔc ril ë ke cïï röt ee leec ë riɛlden, ku kɔc kueth ë ke cïï röt ee leec ë kuɛthden.

Danyel 2:21

Ee akööl muk ayï nïn Ee meliik bɛ̈ɛ̈i ku nyiɛɛi keek Ee yen ee pɛlënɔm gäm kɔc pelnïïm ku gëm ŋïnydekäŋ kɔc ee käŋ yökiic.

Dhep 2:3

Calkï Bɛ̈nydït wek kɔc ee röt kuɔɔr piny cieŋ piny, kɔc ee löŋde gam. Liɛpkï piathëpiɔ̈u, ku koor ë rɔt piny. Tɛk däŋ bäk poth në këtuc thok në kööl agönh de Bɛ̈nydït.

Kuɛ̈n 12:3

Ku Mothe aaye raan ee rɔt kuɔɔr piny arëët. Acïn raan ee rɔt kuɔɔr piny duëër kït ke yen në pinynɔm ëbɛ̈n.

Math 11:29

Damkï luɔidï, ku yak röt piɔ̈ɔ̈c ë yɛn, yɛn ŋic rëër ëmääth, ku yɛn ee rɔt tɔ koor, ke we bï lɔ̈ŋ yök ë wepiɔ̈ɔ̈th.

Math 21:5

“Yɔ̈ɔ̈kkï nyan de Dhiɔn an, “Tïŋ, melikdu abɔ̈ të nu yïn! Ë rɔt kuɔɔr piny, ku acath ë mul kɔ̈u, ku ciɛth ë dau kɔ̈u dan ë mul.”

Math 5:5

Thieithieei ë kɔc ë röt tɔ kor, abïk piny lɔ̈ɔ̈k lak.

Math 7:24

Yen ka, raan ëbɛ̈n raan ë wëlkiënë piŋ, ku ye ke looi, yen abä thɔ̈ɔ̈ŋ kekë raan pelnɔm, raan ë ɣönde yïk ë kuur nɔm,

1 Kor 6:5

Ee yäär bä wek yäär, en a luɛɛl ɛn ee kënë. Ye guöp ka, cïn raan töŋ pelnɔm ë weyiic, raan duëër löŋ de raan kekë mɛnhkënë ŋiëc guiir?

2 Kor 10:1

Ku yɛn Paulo guöp, wek yɔ̈ɔ̈k në kuur cï Kërtho rɔt tɔ koor ku në liɛɛr ë yenpiɔ̈u, yɛn raan cïn naamdï ë weyiic të wɔi wek ɛn, ku nɔn liɛɛu ɛn, yɛn cï nyin riɛl tëde week:

2 Kor 8:24

Yen nyuöth wek keek yic ee nhiëërdun yic ë ɣööt ke Nhialic nïïm, ayï yic ee lɛcda yic, lɛc ee wo röt leec ë këdun.

Galatai 5:23

kuur ë raan rɔt tɔ koor, döm de röt: acïn löŋ de ater në ka cït ee kakë.

Galatai 6:1

Wek mïthëkɔckuɔ, na de raan cï cäk dɔm në kërɛɛc cï looi, ke wek kɔc ke wëi, jakï raan cït ee kënë dak kueer, në kuur aa wek röt kuɔɔr piny, ye yïpiɔ̈u woi, ke yï cïï bï them aya.

Galatai 6:4

Raan ëbɛ̈n ë ŋɛk ë ye luɔide yenguöp thɔ̈ɔ̈ŋ ë yepiɔ̈u, yen abï en dɛ të bï en rɔt leec në këde yen etök, ku acie në këde raan däŋ.

Epethiei 4:2

Në kuur aa wek röt kuɔɔr piny, ku në rëër aa wek rëër ëmääth, ku në liɛɛr ë wepiɔ̈ɔ̈th, bäk aa rëër apiɛth ëtök në nhiëër.

Pilipoi 1:27

Yak tɔ̈u apiɛth tei, ke täudun bï aa röŋ kekë wëlpiɛth ke Kërtho, ku na miäk, aa cä bɛ̈n bä week bɛ̈n tïŋ, ku na kɛ̈n bɛ̈n aya, ke yɛn duëër këdun piŋ, nɔn kääc wek aril në piɔ̈n tök, ku nɔn luööi wek arëët në piɔ̈n tök në këde gäm de wëlpiɛth.

Kolothai 3:12

Yen dam wek piɔ̈n ë dap kok, cït kɔc cïï Nhialic lɔc, kɔc ɣeriic ku nhiaar ke, ku damkï dhuëëŋ, ku piɔ̈n koor, ku kuur ee raan rɔt kuɔɔr piny, ku rëër ëmääth, ku guöm de kajuëc.

1 Tim 4:12

Ë cïn raan ee yï biɔɔn në biäk de kuur koor yïn, tɔ rɔt ee raan piɛth duëërë kɔc cï gam täudu aa dɔmic, në jam, ku në rëër rëër yïn, ku nhiëër, ku wëi, ku gäm, ku ɣɛɛrëpiɔ̈u.

1 Tim 6:11

Ku yïn, yïn raan de Nhialic, ye kat ee kakë, ku ye piathëpiɔ̈u cop, ku cop riëëu de Nhialic, ku gäm, ku nhiëër, ku liɛɛrëpiɔ̈u, ku rëër ëmääth.

2Tim 2:25

raan ee kɔc luel ater wɛ̈ɛ̈t ë piɔ̈n lir, nɔn de të bï Nhialic ke gäm puŋdepiɔ̈u, agokï yic gam,

Tito 3:2

Ku ë cïn raan yek lat, ë cïn akɔ̈ŋ yek kɔɔr, ë ke ye jam ëmääth, ku bïk kuur ee kek röt kuɔɔr piny cï dikëdik nyuöth raan ëbɛ̈n.

Ɣeberuu 13:5

Duökï piɔ̈ɔ̈th ee dït në nhiëër ë kajuëc kaarkï, yak piɔ̈ɔ̈th miɛt në ka tɔ̈u në week. Në luɔi cïï Nhialic e lueel an, “Yïn cä bï nyääŋ piny aya ku yïn cä bï kɔn pɔ̈l anandï.”

Jakop 1:21

Yen päl wek cuɔlëpiɔ̈u ëbɛ̈n, ku luɔi rɛɛc gäk, ku jakï jam cï piith ë weyiic dɔm në kuur aa wek röt tɔ kor, yen aye jam duëër we kony wëi.

Jakop 2:18

Yeka, duëërë raan lueel an, “Yïn cath we gäm, ku yɛn cath wo luɔi, nyuöthë yɛn gämdu gäm cïn luɔi cath kekë yen, ku yïn bä nyuöth gämdï në luɔidï.”

Jakop 3:1

Duökï röt tɔ ye bäny juëc bäny ee kɔc wɛ̈ɛ̈t, wek mïthëkɔckuɔ, aŋiɛckï nɔn bï löŋda tuöc ë guiëër, wok kɔc ee kɔc wɛ̈ɛ̈t.

Jakop 3:17

Ku pɛlënɔm bɔ̈ nhial ee yic kɔn ɣɛɛr ëtop, ku ee mät kɔɔr ayadäŋ, ku ye jam ë määth, ku ye këde dap pɔ̈l, ee piɔ̈u dap kok, ku ye dap luɔk ë mïthkɛn piɛth, acïï kɔc ee kuany yiic, ku cïn yäc aguk.

1 Pet 1:15

Ku acït man ɣeer en yic yen Raan ë cɔl week, ke week ayadäŋ yak rëër ke we ɣeriic ë këriëëcic ëbɛ̈n.

1 Pet 2:12

Yak ŋiëc rëër apiɛth ë juööriic, ku na cakaa kek ë ye we tum gup, acäk ciët kɔc ee kërac looi, ka bïk Nhialic dhil lɛc nɔm ë kööl bï en kɔc bɛ̈n neem, në luɔiduön piɛth ye tïŋ.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.

1 Pet 3:4

Yak kiëërdun tɔ ye raan cï thiaan ë wepiɔ̈ɔ̈th, raan lirpiɔ̈u ku cïn thok wël, yen aye kiëër cïï bï dhiap, kiëër de naamdɛn piɛth ë Nhialic nɔm.