Jakop 2:18 - JAM DE NHIALIC 2011

¹⁸ Yeka, duëërë raan lueel an, “Yïn cath we gäm, ku yɛn cath wo luɔi, nyuöthë yɛn gämdu gäm cïn luɔi cath kekë yen, ku yïn bä nyuöth gämdï në luɔidï.”

Jakop 2:18 Iomraidhean Croise

Romai 14:23

Ku raan ee piɔ̈u wïl ë kaamic, të ciëm en, aye jɔ̈ɔ̈ny, luɔi liiuwë gäm thïn, ku këriëëc ëbɛ̈n kë liiuwë gäm thïn, yen aye kërac.

Romai 3:28

Agoku jɔ lueel an, Raan aye tɔ piɛthpiɔ̈u në gäm, të liiuwë luɔi de löŋ thïn.

Romai 4:6

Acït man lueelë Debid athiɛɛi de raan cïï Nhialic tɔ piɛthpiɔ̈u, ke liiuwë luɔi thïn an:

Romai 8:1

Yen ka, acïn gääk be nu ë kɔc yiëth kɔc nu ë Kërtho Yecuyic, kek kɔc cie tɔ̈u ë täu de guöp, ayek tɔ̈u ë täu de wëi.

Romai 9:19

Yïn bï a jɔ thiëëc an, “Eeŋö däŋ ŋoot en ke ye kɔc gɔ̈k? Eeŋa duëër en pɛ̈n këde piɔ̈nde?”

1 Kor 13:2

Ku na ya cak wël ŋiëc guiir, ku ŋiɛc kacïmoony kedhie, ku dɛ ŋïnydekäŋ kedhie, ku na ya cak dɛ gäm ëbɛ̈n, gäm duɛ̈ɛ̈r ɛn kurdït tɔ nyaai tëden, ku ciën nhiëër, ke yɛn cïn nɔm këdäŋ.

2 Kor 5:17

Yen tëde ka, të de yen raan nu ë Kërtho yic, ka ye kë cï piac cak: kathɛɛr acïk lɔ ya, wɔikï, käŋ acï ke piac cak kedhie.

2 Kor 7:1

Yen ka, ënɔn ciɛth wok wokë ka cï lueel an, bï ke gäm wookë, wek kɔc nhiaar, yok röt waak në acuɔl ëbɛ̈n acol ë guöp ku acol ë wëi, ku yok wopiɔ̈ɔ̈th tɔ ɣer abïk dikëdik në riëëu de Nhialic.

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

1 Tim 1:5

Thar ë jam cï guiir en aye nhiëër ee kɔc röt nhiaar në piɔ̈n awai ku në ŋïny ee raan epiɔ̈u ŋic nɔn piɛth en ëgɔk, ku në gäm cïnic mɛthë nyin.

Tito 2:7

Ku yïn bï rɔt tɔ ye raan bï kɔc këde dɔmic, në luɔi piɛth ëbɛ̈n: tɔ wëëtdu tɔ̈u ke cïnic kënhiany, ke ye wëët thiek, cïnic ruëëny.

Ɣeberuu 11:31

Aa ye gäm de yic aŋäth yen aa tɔ pɛ̈ɛ̈ny ke Jeriko wiëëk të ɣɔn wil ë kɔc ke Yithriɛl ke kɔ̈ɔ̈th në nïn kadhorou.

Ɣeberuu 11:33

Gämdɛn de yic aŋäth yen aa tɔ kɔc kɔ̈k në keyiic thäär ë wuöt, abïk tɔɔŋ ke meliik tiaam, ku loikï löŋ lɔ wai ee löŋ ŋiëc tiiŋic. Gokï ka cï Nhialic kɔn lɛ̈k keek yök, në biäk de gäm de yic aŋäth acïk kɔ̈ɔ̈r bɛ̈n dɔm thook.

Ɣeberuu 11:6

Të cïn en gäm, acïn kë duëër ë raan Nhialic tɔ mit piɔ̈u, ku raan ëbɛ̈n raan ee bɛ̈n tëde Nhialic bï bɛ̈n lam, abï kɔn gam luɔi nu Yen, ku bïï ke gäm athiɛɛi kek kɔc kɔɔr En.

Jakop 2:14

Naamde akou, wek mïthëkɔckuɔ, të lueelë raan en an, Yɛn cath wo gäm, ku liu luɔi tëde yen? Duëërë gäm kony?

Jakop 3:13

Eeŋa ë weyiic raan pelnɔm ku ye raan ŋic käŋ? Ee ye luɔide nyuɔɔth në rëër ŋic en rëër ke ye rɔt kuɔɔr piny ë kuur ee raan pelnɔm rɔt kuɔɔr piny.