Jakop 2:13 - JAM DE NHIALIC 2011

¹³ Raan ee käŋ looi ë giɛɛŋ, ke löŋde abï guiir ë giɛɛŋ, ku acïn kokdepiɔ̈u bï yök, ku kokdepiɔ̈u ee rɔt leec ë kööl ë guiëërëlöŋ.

Jakop 2:13 Iomraidhean Croise

Cäk 42:21

Ku lëkkï röt kapäc an, “Ë yic, kë tɔ wook yök ë kë dïït tuucë, ee kë wään cuk luöi Jothep mänhëda. Wään tïŋ wok en ke cï nyin kuanyëkuany ke läŋ wook an pälku, ku cuku päl. Yen aa yïn wook gup ë kërɛɛc dïït cï wo yökë.”

2 Lëk 28:11

Piɛŋkï kë lɛ̈k week! Kɔc cäk keek peecë ke ke mac ayek mïthëkɔckun ku nyïïrëkɔckun. Takï keek jäl, na cie yen ke Bɛ̈nydït abï we luöi këtuc.”

Diɛt 18:25

Bɛ̈nydït Yïn aa adöt në biäk de kɔc adööt tëde Yïn, Yïn piɛth arëët wekë kɔc piɛth.

Diɛt 85:10

Nhiëër agɔk ku piɔ̈n adöt abïk mat, ku piathëpiɔ̈u kekë mät abïk kethook ciim,

Kɛ̈ŋ 21:13

Raan ee yeyïc kum të piŋ en kiɛɛu de raan kuanynyin, yïth acïkï bï piŋ në kööl ë kiɛɛude.

Kɛ̈ŋ 22:16

Yaaŋ de kɔc kuanynyïïn kɔɔr ë raan kajuëc ku miɔ̈c de kɔc kueth, ayek raan bɛ̈n nyääŋ kuany ë nyin.

Yith 27:11

Kër ke tiim acïk biɔɔr ku dhoŋkï, go diäär ke kuany ke ke ye tiim ke thät. Në biäk kën ë kɔc e yökic, Nhialic Aciëŋden acïï piɔ̈u bï kok ke keek, acï ke bï nyuöth kokdepiɔ̈u.

Jeremia 9:24

Na kɔɔr raan bïï rɔt lɛɛc, në ë leec rɔt në luɔi cï yen Yɛn ŋic, ku cï kakï yök yiic, në biäk tɔ̈u ë nhiëërdiën agɔk ke yen, ku Yɛn ee yic kekë piathëpiɔ̈u looi. Kek kak ee Yɛn tɔ mitpiɔ̈u ka. Acä lueel, Yɛn Bɛ̈nydït.”

Edhekiɛl 33:11

Lɛ̈kë keek, ee yic, ke ya ye Bɛ̈nydït Awärjäŋ, yɛn ee Nhialic pïïr, acä nhiaar bä kɔc de gup awɛ̈ɛ̈c tïŋ ke ke thou. Aya nhiaar bä raan bä ke tïŋ ke ke päl luɔidɛn de awɛ̈ɛ̈c ku pïïrkï. Baai de Yithriɛl jɔ luɔiduön de awɛ̈ɛ̈c ye looi pɔ̈l. Eeŋö kɔɔr yïn bä thou?

Maika 7:18

Go Maika lueel, an, “Acïn Nhialic däŋ kït ke Yïn Bɛ̈nydït, Yïn ee kɔckuön lik cï döŋ apïr päl awɛ̈ɛ̈cken. Yïn cïï agönhdu ee cuuth aɣet athɛɛr. Ku Yïn kɔɔr bä wo nhiaar në nhiëërduön agɔk.

Math 5:7

Thieithieei ë kɔc ë piɔ̈ɔ̈th dap kok, abïk kokdepiɔ̈u yök.

Math 6:15

Ku të cä wek kɔc ee päl ka cïk wööc, ayï wuöördun aya acïï we bï aa päl ka cäk wööc.

Luk 16:25

Go Abraɣam lueel an, ‘Wëndï, cätë yïnɔm, wään pïïr yïn, yïn ee këpiɛth yök, ku yök Ladharo karɛc, ku ënɔɔnë acï duut piɔ̈u, ku yïn dhiau piɔ̈u.

Luk 6:37

“Duökï kɔc ee jɔ̈ɔ̈ny, ke we cïï bï aa jɔ̈ɔ̈ny: duökï kɔc ee gɔ̈k, ke we cïï bï aa gɔ̈k: yak kɔc päl karɛcken, ke we bï päl karɛckun.

Jakop 3:17

Ku pɛlënɔm bɔ̈ nhial ee yic kɔn ɣɛɛr ëtop, ku ee mät kɔɔr ayadäŋ, ku ye jam ë määth, ku ye këde dap pɔ̈l, ee piɔ̈u dap kok, ku ye dap luɔk ë mïthkɛn piɛth, acïï kɔc ee kuany yiic, ku cïn yäc aguk.

Jakop 5:4

Wɔikï, ariöp de kɔc ee luui kɔc ee duumkun tem, ariöp cäk pɛ̈n keek ë cuëër, amoc kiɛɛu, ago kiɛɛu de kɔc tëm jɔ ɣet ë Bɛ̈nydït yïc, Bɛ̈nydït Awärjäŋ.

Bäny 1:7

Na wën ke lueel Adonibedhek an, “Yɛn ë butbuut ku riöp ke cök ke meliik kathiërdhorou tɛ̈ɛ̈m bei kedhie, ku aake ye cam në athueithueei ee lööny piny ë yathok, cït man cän ye looi, acï Nhialic guöör.” Go lɛɛr Jeruthalem, të wään cï yen lɔ thou thïn.

Bäny 5:27

Go wïïk ë yemiɔl, lööny piny ku le lik ë yecök Aa wiɛ̈ɛ̈k ë yemiɔl ku lööny piny ke cï thou.