Jakop 1:6 - JAM DE NHIALIC 2011

⁶ Ku tɔ lip në gäm cï en gam, ku cïï piɔ̈u wiël ë kaamic. Raan wiël piɔ̈u ë kaamic acït apiöŋ de wɛ̈ɛ̈rdït, apiöŋ cïï yom kuaath ku thec nhial.

Jakop 1:6 Iomraidhean Croise

Cäk 49:4

Yïn bï ciët amool dïït cï piny thiɔ̈ɔ̈ŋ nɔm. Ku acie yïn bï ya adhuɛ̈ŋ de baai, në luɔi wään cïn tɔ̈c we tiiŋdï, ku kɛ̈në biɔ̈k ke wuur riëëu nïïm.

Math 14:28

Go Petero puk nɔm an, “Bɛ̈ny, tën ee yen yïn, ke yï yöök ɛn ke ya bï lɔ tëde yïn ë pïïu nïïm.”

Luɔi 10:20

Jɔt rɔt, lɔ piny ku lɔ we keek, du piɔ̈u be cɔ̈m, ee yɛn ë toc keek.”

Epethiei 4:14

Ke wo cïï bï bɛ aa mïth thiiakäŋ, mïth ee yom miaŋ ëbɛ̈n, leer ke tɛ̈ɛ̈n ku leer ke tɛ̈ɛ̈n, yom de wëët ë kɔc, në math mɛthë kɔc kɔc ë ruëëny, ku cäp kithic ee kek kɔc math.

1 Tim 2:8

Yen a dɛ yɛn piɔ̈u luɔi bï röör aa lɔ̈ŋ ë baai nɔm ëbɛ̈n, ke ke ye kecin jat nhial cin ɣeriic, ke cïn agɔ̈th ku cïn teer ë wël.

Ɣeberuu 10:23

Yak kɔ̈ɔ̈c aril mïthëkɔckuɔ ke wo cïï lɔ ciëën në aŋäth cï wok Yecu gam, në luɔi ye Nhialic, Raan ë lëk wook aŋäthë, ee Raan adöt.

Ɣeberuu 11:6

Të cïn en gäm, acïn kë duëër ë raan Nhialic tɔ mit piɔ̈u, ku raan ëbɛ̈n raan ee bɛ̈n tëde Nhialic bï bɛ̈n lam, abï kɔn gam luɔi nu Yen, ku bïï ke gäm athiɛɛi kek kɔc kɔɔr En.

Ɣeberuu 13:9

Yen duö wek röt ee tɔ thelë tɛ̈n ku tɛ̈n, yak röt pëën ke we cï bï nyaai në kueer ë Kërtho yic ku wëëtde, ku leerë we në wëët luethic. Ë we waar në riɛmde ku lööŋ cï tääu piny në biäk de thɛ̈k de kacaam akënkï we waar. Ayï kɔc ee lööŋkë riëëu acïn këpiɛth cïk luöi keek.

Jakop 1:7

Ë cïï raanë luel ë yepiɔ̈u nɔn bï en këdäŋ yök tëde Bɛ̈nydït,

Jakop 5:15

Ku lɔ̈ŋ nu gäm thïn yen abï raan tök kony, go Bɛ̈nydït jat nhial, ku na de karɛc cï looi, ka bï kë päl en.

2 Pet 2:17

Kɔckë ayek yith cïn yiic pïïu, ku yek luäät kuɛɛth amaŋ, kɔc cï duëër adur täu keek aɣet athɛɛr.