Jakop 1:25 - JAM DE NHIALIC 2011

²⁵ Ku raan ee löŋ cï dikëdik woiyic, löŋ de luny ee kɔc lony, ku jɔ aa cool thïn ku acie raan ee piŋ ku jɔ nɔm määr, ee raan ee luɔi looi, raanë abïï thieei në luɔidɛn ee yen e looi.

Jakop 1:25 Iomraidhean Croise

Diɛt 106:3

Thieithieei në kɔc ee yicde döt, kɔc ee piathëpiɔ̈u looi aköölnyïïn.

Diɛt 119:32

Abä them aläl bä lööŋku aa döt, në biäk bï Yïn yɛn gäm yöŋ de käŋ yiic dït.

Diɛt 119:45

Ku yɛn bï pïïr në nɔm lääu, në biäk kaar yɛn bä wëëtdu riëëu.

Kɛ̈ŋ 14:15

Raan ee pëk thïn ee këriëëc guɔ gam ëthiäu, ku raan ee nɔm tiëër aŋic të le yen thïn.

Yith 8:20

Ku abä lɛ̈k keek an, “Piɛŋkï kë wëët ë Bɛ̈nydït week! Duökï jam de tït ee piŋ, kë yek lɛ̈k week acïkï nuɛɛn duëër nyaai.”

Luk 11:28

Go lueel an, “Aŋuän luɔi bï yïn e lueel an, thieithieei ë kɔc ee jam ë Nhialic piŋ, ku yek döt!”

Jɔn 13:17

Të ŋiɛc wek kakë, thieithieei week të ya wek keek looi!

Jɔn 8:36

Ku të lonyë Wëndït week, ke we bï aa kɔc cï lony.

Luɔi 13:43

Na wën, aacï kɔc pɔ̈k kɔc wën ë guëër, ke Judai juëc kekë Juöör cï röt tɔ ye Judai, kɔc riëëu Nhialic, ke ke kuany Paulo cök kekë Baranaba. Gokï jam në keek, yöökkï keek aläl an, bïk a cool ë tɔ̈u në dhuëëŋ de Nhialic yic.

Luɔi 2:42

Agokï aa cool ë tɔ̈u ë wëëtic wëët ë tuuc, ku yek cool ë abärɔ yic, ku wäŋ ee kuïn wökic, ku lɔ̈ŋic.

Luɔi 26:22

Nhialic yen aa kony a tei, aguɔ tɔ̈u aɣët cï ee köölë, ke ya ye cool ë guïïr kɔc, kɔc kor ayï röördït, ku acïn kɔ̈k aa lɛ̈k keek, ee kak ë lueel tït tei, ayï Mothe an, bïk tïc:

Romai 11:22

Wɔikï ënɔɔnë, piath ë Nhialic piɔ̈u ayï riɛl ë yenpiɔ̈u: tëde kɔc wään cï wïïk, ee riɛlëpiɔ̈u, ku tëde yïn ee piathëpiɔ̈u, të ee yïn cool ë rëër ë piath de yenpiɔ̈u, na rɛɛcë, ke yïn bï tɛ̈ɛ̈m bei aya.

Romai 2:13

Ku acie kɔc piŋ löŋ tei, kek ee kɔc piɛthpiɔ̈ɔ̈th tëde Nhialic, ee kɔc ë löŋ looi, kek abï tɔ ye kɔc piɛthpiɔ̈ɔ̈th.

Romai 7:12

Yen tëde ka, löŋ aɣeric ë yic, ku cöök de löŋ aɣeric, ku diik, ku piɛth.

Romai 8:15

Wek kënë bɛ gäm piɔ̈n ë lïïm, piɔ̈n ë riɔ̈ɔ̈c, wek cï gäm piɔ̈n ë mïth cï muk, piɔ̈n ë wo tɔ cöt an, “Abba! Wääda!’

Romai 8:2

Ku löŋ de Wëi ke pïïr, löŋ nu ë Kërtho Yecuyic, acï a luöny bei në löŋ de kërac kekë thuɔɔu.

1 Kor 15:58

Yen ka, wek mïthëkɔckuɔn nhiaar, yak kɔ̈ɔ̈c tëdun aril, duökï röt ë tɔ jäp tëdun, yak wenyïïn ŋuak në luɔi de Bɛ̈nydït ë aköölnyïïn kedhie, në ŋïny ŋiɛc wek luɔiduön ril nɔn cïï en ee kë ɣɔ̈ric ë Bɛ̈nydïtic.

2 Kor 13:5

Thɛmkï röt nɔn rɛ̈ɛ̈r wek ë gämic ëgɔk, caathkï röt. Kuöckï wegup nɔn nu Yecu Kërtho ë weyiic, të cä wek ee kɔc cï rɛɛc tei?

Galatai 2:4

ee jam de mïthëkɔckuɔn kɔ̈k aluɛth, kɔc cï bɛ̈n thïn ëcuëër, en aa jiɛi wok ë cuɛ̈lde, ayek cäthda bɛ̈n neem, cäth ciɛth wok ë këde yenhda ë Kërtho Yecu yic, luɔi bï kek wo tɔ ye lïïm.

Galatai 5:1

Cäth bï wok aa cath ë nɔm lääu, en aa lony Kërtho wook! Yen kääc wek thïn aril, ku duökï weyiëth be tɔ rek, abäk aa lïïm.

Galatai 6:2

Ë ŋɛk ë ye ŋɛk kony në kë nuan en, yen abä wek löŋ de Kërtho aa tiiŋic.

Kolothai 1:23

të ya wek cool ë rëër ë gämdunic, abäk kɔ̈ɔ̈c aril ku cäkï ee dap wïïk, ku të kɛ̈n wek röt rat wei ë aŋäthic aŋäth ë wëlpiɛth cäk piŋ, wël cï guiëër kɔc cï cak kedhie ë pinynɔm ëbɛ̈n, kek wëlpiɛth ë ya yɛn kake looi yɛn Paulo.

1 Tim 2:15

Ku tik abï kony të dhiëëth en meth, na lee tïït të tɔ̈u kek në gämic ku nhiëër ku ɣɛɛrëpiɔ̈u ku piathënɔm.

1 Tim 4:16

Ye rɔt tiit apiɛth, ku ye wëët tiit aya. Ye cök ë tɔ̈u yïn ee kakë yiic: tën ee yïn e looi wuya, ke yïn bï rɔt kony ku kony kɔc ee kaku piŋ ayadäŋ.

Ɣeberuu 12:15

Yak yïn ke cïn raan töŋdun bï löny ku cïï dhuëëŋ de Nhialic piɔ̈u bï yök, tiir tök ee tiir riɔ̈ɔ̈k, yen ya wek cök ë wɔi wek röt apiɛth ke cïn mei de kɛcëpiɔ̈u bï cil në weyiic ku tɔ kɔc juëc lɔ në këracic

Jakop 2:12

Yak jam alë, ku yak luui alë, cït man ë kɔc bï löŋden guiir në këde löŋ de luny ee kɔc lony.

1 Pet 2:16

Na cakaa wek ë ye kɔc lääu nïïm, ke we duökï nɔmlääudun tɔ ye kën ë luɔi de kërac kum, yak tɔ̈u cït lïïm ke Nhialic.

1 Jɔn 2:24

Ku na week, kë cäk kɔn piŋ të ɣɔn gɔlë jam, takï tɔ̈u ë weyiic. Na tɔ̈u kë cäk kɔn piŋ të ɣɔn gɔlë jam, na tɔ̈u ë weyiic, ke we bï tɔ̈u ë Wëndeyic, ku täukï ë Wäädayic aya.

Nyuuth 14:13

Guɔ röl ë raan piŋ röl bɔ̈ nhial, lueel, an, “Gäär, an: Thieithieei ë kɔc bï thou ë Bɛ̈nydïtic gɔl ënɔɔnë aɣet wadäŋ!” “Ɣɛɛ, ee yic, alueel Wëidït, në ke lɔ̈ŋ në luɔidɛn tuc, ku luɔidɛn cïk looi ee keek biɔɔth cök.”

Nyuuth 22:14

Thieithieei kɔc ë lööŋkë döt, ke ke bï dɛ riɛl bï kek lɔ të nu tim de pïïr, ku tëkkï ë thook ke kal lek pänydït.

1 Tham 12:14

Käŋ ëbɛ̈n abïk cath apiɛth tëde week të la wek Bɛ̈nydït Nhialic riëëu, ku riëëukï lööŋke, ku na lak kuany cök ë melikdun ëtök.