Jakop 1:22 - JAM DE NHIALIC 2011

²² Ku yak kɔc ee jam looi, ku cäkï ee kɔc ee piŋ tei, kɔc mɛth röt.

Jakop 1:22 Iomraidhean Croise

Yith 44:20

Ee kɔc gäm täŋ ee raan cït kë cam ŋeth. Täŋdɛn ë dhɔ̈ɔ̈n ee ye thɛl të wär kaam duëërë yen kony. Acïï bï gäm rɔt nɔn ye yanh muk në yeciin nɔn cïï yen ee yath taitai.

Jeremia 11:6

Na wën, go ë Bɛ̈nydït lɛ̈k ɛn an, “Lɔɔr ë pɛ̈ɛ̈nydït ke Juda yiic ku kuɛɛr ke Jeruthalem yiic. Luel jamdï ëtɛ̈ɛ̈n, ku lɛ̈kë kɔc bïk cök ke löŋ cï mac piŋ ku bïk keek riëëu.

Obadaya 1:3

Wek cïï lɛcdun math. Pänydïïtdun acï gël në kal ë kuur lɔ giliu, ku ɣöötkun anukï në kur nïïm ya, ka yak lueel në wepiɔ̈ɔ̈th an, ‘Eeŋa duëër wook kɔn lɛɛr piny?’

Math 12:50

Raan ëbɛ̈n raan bï këde Wäär piɔ̈u aa looi, Wäär nu paannhial, yen aye mɛnhkäi, ku ye nyankäi, ku ye maar.”

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Luk 11:28

Go lueel an, “Aŋuän luɔi bï yïn e lueel an, thieithieei ë kɔc ee jam ë Nhialic piŋ, ku yek döt!”

Jɔn 13:17

Të ŋiɛc wek kakë, thieithieei week të ya wek keek looi!

Romai 2:13

Ku acie kɔc piŋ löŋ tei, kek ee kɔc piɛthpiɔ̈ɔ̈th tëde Nhialic, ee kɔc ë löŋ looi, kek abï tɔ ye kɔc piɛthpiɔ̈ɔ̈th.

1 Kor 15:33

Duökï röt tɔ mɛthë: män mɛtë raan ke kɔc rac, yen aye ciɛɛŋ piɛth riɔ̈ɔ̈k.

1 Kor 3:18

Në cïn raan ee rɔt math. Na de raan ë weyiic raan ee rɔt tɔ ye raan pelnɔm ë pinyë nɔm, ë ye rɔt tɔ ye dhɔ̈n, luɔi bï en aa raan pelnɔm.

1 Kor 6:9

Kuöckï kɔc racpiɔ̈ɔ̈th nɔn cïï kek ciɛɛŋ de Nhialic bï lɔ̈ɔ̈k lak? Duökï röt ë tɔ mɛnhë: dhööm, ayï kɔc ee yiëth lam, ayï kɔc ee diëër lei kɔɔr, ayï diëër ee röör kɔɔr, ayï röör ee röt tɔ ye diäär, ayï röör ë niin ë röör,

Galatai 6:3

Ku të de en raan ë rɔt tɔ ye raan de naamde, ku acïn naamde, ka mɛth rɔt tei.

Galatai 6:7

Duökï röt tɔ mɛthë, Nhialic acie dɔl guöp: të de yen kë com raan, ke yen abï tem aya.

Pilipoi 4:8

Cöök ciëën, mïthëkɔckuɔ an, Të de yen kak ee yith, tëde yen ka ye riëëu, të de yen ka ye tiiŋ yiic, të de yen ka lɔ wai, të de yen ka cï läkëläk, të de yen ka piɛth rin, na de piath nu, ku na de lɛc nu, takkï wenïïm ee kakë.

Kolothai 3:17

Ku na de kë luɔikï, nɔn ee yen jam ku nɔn ee yen luɔi, yak ke looi ëbɛ̈n në rin ke Bɛ̈nydït Yecu, ke we ye Nhialic Wääda yɔ̈ɔ̈k an, thieithieei, në këde.

2Tim 3:13

Ku kɔc racpiɔ̈ɔ̈th ku kɔc ee käŋ töör, racden abï lɔ ke ŋuak rɔt, abïk kɔc aa math, ku mɛthë keek aya.

Tito 3:3

Ku wook ayadäŋ wok aaye kɔc cïn nïïm wään thɛɛr, kɔc ee löŋ rɛɛc piŋ, kɔc cï math, wok ee ye lïïm ke ŋɔ̈ɔ̈ŋ ee wo dɔm ŋɔ̈ɔ̈ŋ kithic, ku yok lïïm ke kamit yok kɔɔr ë wopiɔ̈ɔ̈th, wok aaye tɔ̈u ke wo racpiɔ̈ɔ̈th deku yiic tiɛɛl, ku man kɔc wook, ku manku röt.

Jakop 1:26

Na de raan ë weyiic raan cït kë riëëu Nhialic, ku cïï yeliep ee dɔm, ku ee yepiɔ̈u math tei, ke riëëu riëëuwë raanë Nhialic ee këɣɔ̈ric.

Jakop 4:11

Duökï röt ee lɛ̈k kërac, wek mïthëkɔckuɔ. Raan ee mɛnhkënë lɛ̈k kërac, ku ye mɛnhkënë gɔ̈k, ee löŋ en lëk kërac, ku ee löŋ en gɛ̈k. Ku të gɛ̈k yïn löŋ, ke yïn cie raan ee löŋ looi, yïn ee bɛ̈ny ee löŋ guiir.

Jakop 4:17

Yen ka, raan ŋic këpiɛth bï looi, ku cïï loi, ke yen aye kërɛɛc nu ë yeyeth.

2 Pet 2:13

ku bïk ariöp de racdepiɔ̈u yök. Thiäi ee kek käŋ thiɔ̈i aköl yen aye këmit ë kepiɔ̈ɔ̈th, ayek kathii col ku yek kak ë we tɔ gäk, kɔc ee röt tɔ kueth ë cäpdɛn lueth të ye kek kamit cam në week ëtök!

1 Jɔn 1:8

Të luel wok en, an, cïn kërɛɛc cath ke wook, ke wok ee röt math, ku acïn yic cath ke wook.

1 Jɔn 2:3

Ku dön ee wo lööŋke döt, en aŋic wok en nɔn cï wok e ŋic.

1 Jɔn 3:7

Wek mïththiaakäŋ, duökï röt ee tɔ mɛthë raan: raan ee këde piathëpiɔ̈u looi, ka piɛthpiɔ̈u, cït man piɛth en piɔ̈u:

3 Jɔn 1:11

Mɛnh nhiaar, du luɔi rac ee dɔmic, ee luɔi piɛth en ee dɔmic. Raan ee këpiɛth looi ee këde Nhialic: ku raan ee kërac looi akën Nhialic tïŋ.

Nyuuth 12:9

Go ŋuäldït ciɛɛc biic, yen aye kërɛɛc thɛɛr, cɔl Jɔŋdït Rac ku cɔl Catan, jɔŋ ee piny math nɔm ëbɛ̈n, ë ciɛɛc biic le ë piny nɔm, ku ciec tuuckɛnnhial në yen ëtök.

Nyuuth 22:7

Ya kï, bɔ̈yë ënɔɔnë. Thieithieei raan ë wël cï guiir döt wël ke awerekë yic.