Jakop 1:21 - JAM DE NHIALIC 2011

²¹ Yen päl wek cuɔlëpiɔ̈u ëbɛ̈n, ku luɔi rɛɛc gäk, ku jakï jam cï piith ë weyiic dɔm në kuur aa wek röt tɔ kor, yen aye jam duëër we kony wëi.

Jakop 1:21 Iomraidhean Croise

Diɛt 25:9

Ee kɔc ee röt kuɔɔr piny nyuöth yith, ku wëët ke në kuɛɛrke.

Yith 2:20

Të le köölë bɛ̈n, abïk yiëthkɛn ë cïk thɔ̈ɔ̈th në adhääp ku ateek ɣɔn yek lam cuɛ̈t luɔny ku ŋaplaŋathɔ̈ɔ̈t.

Yith 29:19

Kɔc kuanynyïïn ku kɔc ee röt kuɔɔr piny abïk miɛtëpiɔ̈u bɛ yök tëde Bɛ̈nydït, Nhialic Ɣeric de Yithriɛl.

Yith 30:22

Wek bï yiëthkuön ke ateek ku yiëth ke adhääp cuat wei, cït man aa cool ke we kïïu an, “Lakkï ya në wolɔ̈m!”

Yith 61:1

Bɛ̈nydït Awärjäŋ acï ya thiɔ̈ɔ̈ŋ në wëike. Acï ya lɔc ku tooc ɛn bä wëlpiɛth yiɛ̈n kɔc kuanynyïïn, Bä kɔc jieth piɔ̈ɔ̈th bɛ̈n duut piɔ̈ɔ̈th, ku bä luny de kɔc cï peec bɛ̈n caal, ku lony kɔc cï mac.

Edhekiɛl 18:31

Pälkï luɔi de karɛc wään yak looi, ku gämkï röt täŋ piɛth ku piɔ̈ɔ̈th piɛth. Eeŋö kaar wek thuɔɔu baai de Yithriɛl?

Edhekiɛl 36:25

Wek bä ke wiëth gup pïïu lɔ kïr, ku wek bä waak gup në karɛckun ëbɛ̈n, ku gël week në yiëthkun ku këriëëc cï we dhiöök ëbɛ̈n.

Dhep 2:3

Calkï Bɛ̈nydït wek kɔc ee röt kuɔɔr piny cieŋ piny, kɔc ee löŋde gam. Liɛpkï piathëpiɔ̈u, ku koor ë rɔt piny. Tɛk däŋ bäk poth në këtuc thok në kööl agönh de Bɛ̈nydït.

Math 5:5

Thieithieei ë kɔc ë röt tɔ kor, abïk piny lɔ̈ɔ̈k lak.

Jɔn 6:63

Ee wëi kek ee käŋ tɔ pïïr, guöp acïn kën ee lëu: wël cä lɛ̈k week, kek aye wëi, ku yek pïïr.

Jɔn 6:68

Go Thimon Petero puk nɔm an, “Bɛ̈nydït, buk lɔ tëde ŋa? Yïn cath wekë wël ke pïïr athɛɛr.

Luɔi 10:33

Yen aa dap ɛn kɔc tuöc yïn ënɔnthiinë, ku yïn ë këpiɛth looi nɔn cï yïn bɛ̈n. Na ënɔɔnë, wok kï ee tënë ë Nhialic nɔm wodhie, buk käŋ bɛ̈n piŋ kedhie, ka cïï Nhialic thɔ̈n yïn.”

Luɔi 13:26

“Wek wäthii, mïth ke baai de Abraɣam, ku kɔc nu ë weyiic ëbɛ̈n kɔc riëëu Nhialic, jamë acï tuöc week, jam de Konydewëiyë!

Romai 1:16

Yɛn cie yäär në baŋ de wëlpiɛth ke Kërtho, kek aye riɛldïït ë Nhialic riɛl ë raan kony wëi ëbɛ̈n raan cï gam, gɔl ë Judai, mɛt Girikii thïn aya.

Romai 11:17

Ku na cï këër kɔ̈k cak dhuöŋ bei, ku yïn, yïn ee këër ë olip ë cil roor, na cï yï cak tuɛɛl ë keyiic, abä cil we keek ëtök, ago rɔm we keek ëtök në cuai de tim de olip, kë bɔ̈ në meei yic.

Romai 6:17

Ku thieithieei Nhialic, wään thɛɛr wek aaye lïïm ke kërac, ku we cï täu de wëët cï yiɛ̈n week aa gam ë wepiɔ̈ɔ̈th ënɔɔnë.

1 Kor 15:2

Ku yek wël cï we kony wëi ë keek, të ya wek jam cä guiëër week cök ë mɔ̈k wek e, të kën wek pëër gamic tei.

2 Kor 7:1

Yen ka, ënɔn ciɛth wok wokë ka cï lueel an, bï ke gäm wookë, wek kɔc nhiaar, yok röt waak në acuɔl ëbɛ̈n acol ë guöp ku acol ë wëi, ku yok wopiɔ̈ɔ̈th tɔ ɣer abïk dikëdik në riëëu de Nhialic.

Epethiei 1:13

Ku ye raan cäk gam ayadäŋ week, të cä wek jam de yic piŋ, yen jam piɛth de kuny cï we kony wëi: ku week, të cä wek guɔ gam, ke we cï gäär piɔ̈ɔ̈th Wëidït ɣer, Wëi cï kɔn lueel an, bï gäm wook.

Epethiei 4:22

an, Bäk raan thɛɛr pɔ̈l në rëërduön ee ya wek rëër wään, raan cï dhiap në biäk de ŋɔ̈ɔ̈ŋ de lueth ŋɔ̈ɔ̈ŋ ë ye dɔm.

Epethiei 4:25

Yen päl wek lueth, ku yak yic lueel, ŋɛk ke raan rɛ̈ɛ̈r ke yen, në luɔi raan wok.

Epethiei 5:4

Ayï jam ë rɔ̈ɔ̈th, ayï jam ɣɔ̈ric, ayï alɛɛŋ rac, acïkï piɛth kedhie: aŋuɛ̈ɛ̈në lɛc de Nhialic.

1 Theth 1:5

wëlkuɔn piɛth aake cïï bɔ̈ ë weyiic në jam tei, aake bɔ̈ në riɛl ayadäŋ, ku në Wëidït ɣer, ku në ŋïny aa wek ke ŋic ëgɔk, we ŋic täudan ë ye wo tɔ̈u ë weyiic në biäkdun week.

1 Theth 2:13

Yen a ye wok cool ë lec Nhialic acïn pëk, luɔi kɛ̈n wek jam gam cït nɔn ee yen jam de kɔc tei, wään gam wek jam cäk piŋ tëde wook, ku acäk tɔ ye jam ë Nhialic, ku ye jam ë Nhialic ëgɔk, jam ë cool ë lui ë weyiic ayadäŋ wek kɔc gäm.

Tito 2:11

Dhuëëŋ de Nhialic piɔ̈u ë jɔ tïc dhuëëŋ bïï kunydewëi yiɛ̈n raan ëbɛ̈n.

Ɣeberuu 12:1

Cït man cï wok nïïm jɔ dɛ kutdïït ë kɔc cï Nhialic gam, ku acïk wo tuɔɔk cït man ë luäät ke ke woi wopiny. Yok këriëëc ëbɛ̈n kuɛ̈k bei, kak ee wo gɔ̈ɔ̈u ayï karɛc ee tɔ̈u ë nuatnuat ë wocök, ku tɔkï wo wiëëk, yokku ke kuɛ̈k bei. Ku jɔku riŋ ke wo cïï diɛɛr, tëde kë cïï Nhialic tääu ë wonïïm tueŋ.

Ɣeberuu 2:3

Ka buk poth adï, të kën wok wonïïm riët kuɔɔnydïït de wëiyë. Ku Bɛ̈nydït guöpde Yen aa kɔn ee jamë luɛɛl, ku jɔ kɔc ɣɔn cï ye piŋ nyuöth wook nɔn yen yic.

Ɣeberuu 4:2

Ku cït man cï wëlpiɛth ɣëët tëde wook, yen acï kek lɔ tëde keek ayadäŋ. Ku acïn këpiɛth cïk yök në löŋic, në luɔi cï kek e piŋ ku kënkï loor nɔm në gäm.

Jakop 4:8

Yak röt cuöt Nhialic, ke bï rɔt aa cuöt week. Wakkï wecin abïk piath, we kɔc ee kërac looi, ku takï wepiɔ̈ɔ̈th agɔk, wek kɔc ee piɔ̈ɔ̈th rou.

Jakop 5:20

tɔ ŋic ë cöökë an: Raan ee raan ë kërac looi puk piɔ̈u në wäc cï en kueer wööc, ka bï raan kony wëi në thuɔɔu, ku jɔ kut dïït ë karɛc kum.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Pet 1:9

në yöŋ aa wek ariöp de gämdun yök, yen aye kuny de wëikun.

1 Pet 2:1

Yen päl wek racëpiɔ̈u ëbɛ̈n, ku ruëëny ëbɛ̈n, ku piɔ̈n deyic aguk, ku tiɛɛl, ku jam rac ëbɛ̈n.

1 Pet 2:11

Wek kɔc nhiaar, wek läŋ, luɔi ciët wek kamaan ku ciëtkï kɔc cï ɣap ë wuöt lei, ke we bï ŋɔ̈ɔ̈ŋ de kake piny nɔm aa pɔ̈l, ee ke ye tɔŋ biök në wëikun.