Ɣodh 4:3 - JAM DE NHIALIC 2011

³ Ku në biäk de ye kakë, këriëëc de pinyden abï yom, ku këriëëcdun pïïr ëbɛ̈n abï nuan ku thou: Läi, ku diɛt, agut cï rec abïk thou wïïr.

Ɣodh 4:3 Iomraidhean Croise

Yith 33:9

Piny adhɔt ke cïn kë loi thïn, ku acï pɔ̈l. Ruɔɔr ke Lebanɔn acïk biɔɔr, wak ë Caron ee ŋiëc luɔk acï aa jɔ̈ɔ̈r, ku tiim ke Bacan ku Kuur ë Karmel alöönykï yïth piny.

Jeremia 12:4

Pinyda bïï jɔ riɛl aɣet cï nɛn, ku jɔ wal biɔɔr ëduum yiic ëbɛ̈n? Läi ku diɛt athoukï në biäk de karɛc ke kɔckuɔ, kɔc ee yen lueel an, ‘Nhialic acïï kë yokku looi ee woi.’”

Jeremia 23:10

Piny acï thiäŋ ke kɔc cïn adöt tëde Bɛ̈nydït, ayek rëër ke ke loi karɛc, ku yek riɛlden kuöc luɔi. Në biäk de aciɛɛn ë Bɛ̈nydït piny adhiau, ku ɣään ke nyuäth ë jɔ̈ɔ̈ric acïk ril wei.

Jeremia 4:25

Ku tiëŋ piny ke cïn kɔc nu, agut cï diɛt acïk päär.

Jeremia 9:10

Acä lueel, an “Yɛn bï kur dhiëëu ku dhiaau në biäk de ɣään ke nyuäth, në biäk cï kek ril wei, ku cïn raan ee cath ë keyiic. Röl de ɣɔ̈k acie bɛ piŋ, diɛt ku läi roor acïk kat ku jiëlkï.”

Jeremia 9:9

Cä keek duëër luöi këtuc ë biäk de ee kakë? Cä rɔt duëër guöör ë jur cït ee kënë? Acä lueel, Yɛn Bɛ̈nydït.”

Edhekiɛl 38:20

Rɛ̈c ku dit ëbɛ̈n, ayï läi dït ku läi kor, ayï mɛnh ë raan tɔ̈u në pinynɔm abï lath në riɔ̈ɔ̈c riɔ̈ɔ̈c en në yɛn. Kur abïk löny, ayï kur nïïm abïk röt kuem, ku wiëëk pɛ̈ɛ̈ny ëbɛ̈n.

Jowɛl 1:18

Ɣɔ̈k atɔɔrkï në cɔk, ku luuny acïk thiëi piny, në luɔi cïn en wal nyuäthkï. Ayï luuny ke thök ayadäŋ acïk mam.

Amoth 1:2

Ago Amoth lueel an, “Bɛ̈nydït abï jam në kuur ë Dhiɔn nɔm, ku reel në Jeruthalem. Ka ɣään ke nyuäth ke kɔc ee thök tiit abïk riɛl kedhie, ayï kuur ë Karmel abï nɔm biɔɔr aya.

Amoth 5:16

Go Bɛ̈nydït Nhialic Awärjäŋ lueel an, “Abï dɛ dhiëëu ku arɔ̈ɔ̈l dït ë kuɛɛr ke pänydït yiic. Ayï kɔc nu në duum yiic, abï keek cɔɔl bïk kɔc cï thou bɛ̈n dhiëëu, mɛ̈tkï në kɔc cï riɔp bïk bɛ̈n dhiau.

Amoth 8:8

Ku piny abï rɔt nieeŋ, ka raan nu pinyden ëbɛ̈n abï dhiau. Ku këriëëcde ëbɛ̈n abï miakic, abï aa laŋ nhial ku lɛŋë piny cït man ë pïïu ke Kiir de Rip.

Naɣum 1:4

Ee wɛ̈ɛ̈r rɛ̈l ago dëu! Ku tɔ kiɛɛr dëu kedhie. Ku biɔɔr këtɔ̈c ëbɛ̈n tɔ̈u piny ë Bacan kekë kuur ë Karmel, ku lööny gaak de wal ke Lebanɔn wei.

Dhep 1:3

Yɛn bï kɔc ku läi ku diɛt ayï rec riɔ̈ɔ̈k ëbɛ̈n. Ku riääk kërɛɛc ee kɔc tɔ wiëëk. Yɛn bï mɛnh ë raan riɔ̈ɔ̈r nyin në pinynɔm taitai. Yen kë cïï Bɛ̈nydït lueel ka.

Dhek 5:4

Acï Bɛ̈nydït de rɛm lueel an bï aciɛɛn tuɔɔc në ɣööt ke cuɛ̈ɛ̈r yiic, ku ɣööt ke kɔc ee kuëëŋ në lueth yiic. Abï lɔ në ɣöötken yiic, ku nyiëëŋ ke piny ke ke cï riääk taitai.