Ɣodh 2:4 - JAM DE NHIALIC 2011

^4-5 Mïthke acä keek bï nhiaar, në biäk ye kek adhiëthlëër. Mɔɔrdun ee akɔɔrröör, ka wek ee mïth ka ayäär. Aye mɔɔrdun lueel an, ‘Yɛn lɔ tëde röörkiën ke cuëër, ayek ɛn gäm këcam, ku gëmkï ya këdek, ku gëmkï ya lupɔɔ ku linɔn, ku gëmkï ya miök ku mɔ̈n dɛk!’

Ɣodh 2:4 Iomraidhean Croise

2 Mel 9:22

Go Joram Jeɣu luɔp an, “Bä në mät Jeɣu?” Go Jeɣu bɛ̈ɛ̈r an, “Duëër mät jɔ tɔ̈u adï, ke piny ë ŋoot ke thiäŋ ke tït ku yiëth wään gɔl ë moor Jedhebel keek?”

Yith 27:11

Kër ke tiim acïk biɔɔr ku dhoŋkï, go diäär ke kuany ke ke ye tiim ke thät. Në biäk kën ë kɔc e yökic, Nhialic Aciëŋden acïï piɔ̈u bï kok ke keek, acï ke bï nyuöth kokdepiɔ̈u.

Yith 50:1

Aye Bɛ̈nydït lueel an, “Yak tak nɔn cän kɔckï cuɔp wei, cït man ye raan tiiŋde pɔ̈l? Tɔ̈u awereek ke pääl ënou? Yak tak nɔn cän we ɣɔ̈c pɛ̈c bïï we peec cït man ë raan ee mïthke ɣaac ke ke ye lïïm? Ei, wek aake leerë keek ë pɛ̈cic në biäk de awɛ̈ɛ̈ckun, wek aa toocë wei në biäk de karɛc yak looi.

Yith 57:3

Bäkkï ee tënë bïï löŋdun bɛ̈n guiir wek kɔc ke awɛ̈ɛ̈c! Wek cïï ŋuän në tït, ku röör akɔɔrdiäär ku diäär akɔɔrröör.

Jeremia 13:14

Ku ëtɛ̈ɛ̈n abä keek jɔ dhuööŋ cï guöl, ŋɛk në ŋɛk kɔ̈u, röördït ku dhuök akït. Acïn kokëpiɔ̈u, ku cïn dhiënëpiɔ̈u, ku cïn pïïu ke nyin bï A tɔ päl luɔi näk Yɛn keek.”

Jeremia 16:5

“Du lɔ ɣön de yic dhiëëu. Ku du de raan bä dhiëëu. Yɛn cïï kɔckï bï bɛ thieei në mät ku acä keek bï nyuöth nhiëër agɔk kekë kokdepiɔ̈u.

Edhekiɛl 23:25

Në biäk rac ɛn piɔ̈u wo week, abä keek tɔ ceŋ week në agönhden. Abïk week tɛm wuum ku weyïth, ku näkkï wɛ̈ɛ̈tkun ku duetkun. Ɣɛɛ, abïk wɛ̈ɛ̈tkun ku duetkun jɔt ku lek keek nyop ke ke pïïr.

Edhekiɛl 8:18

Abïk riɛl de agönhdï yök ëbɛ̈n. Acä keek bï pɔ̈l, ku cä piɔ̈u bï kok wo keek. Abïk a lɔ̈ŋ aläl në awuɔɔu dït, ku yɛn cïï lɔ̈ŋden bï piŋ.”

Edhekiɛl 9:10

Ku Yɛn cïï piɔ̈u bï kok wo keek, abä keek luöi ka wään cïk keek kɔn luöi kɔc kɔ̈k.”

Ɣodh 1:2

Të ɣɔn gɔl ë Bɛ̈nydït jam kekë kɔc ke Yithriɛl në kueer de Ɣodhiya, kë ë kɔn lɛ̈k en kï an, “Lɔ thiak tiiŋ akɔɔrröör, ke bï yï dhiëth mïth kɔ̈k adhiëthlëër. Në biäk cïï kɔckï ya nyääŋ piny, ku lamkï Baal.”

Ɣodh 1:6

Go Gomer bɛ liac, ku dhiëëth duet. Go Bɛ̈nydït lɛ̈k Ɣodhiya an, “Cäkë an Nyaman, në baŋ cän piɔ̈u bï bɛ kok wokë baai de Yithriɛl, ku cä be päl awäc.

Ɣodh 5:7

Acïk Bɛ̈nydït luööi të cïn gäm. Ku mïthken acïkï ee mïth ke Nhialic. Ku abïï Nhialic keek riɔ̈ɔ̈k ayï duumken në biäk de dhuëëŋdɛn de wil ë pɛɛi ye kek yiëth guöt.

Dhek 1:12

Na wën, ke lueel ë tunynhial ë Bɛ̈nydït an, “Bɛ̈nydït de rɛm run acïk aa thiërdhorou ke yï göth wekë Jeruthalem, ku wuöt ke Juda. Bä piɔ̈u jɔ kok wekë keek nɛn?

Jɔn 8:41

Wek ee luɔi ë wuöördun looi.” Gokï lueel an, “Wo cie adhiëthlëër, wo de Wääda tök, Nhialic.”

Romai 11:22

Wɔikï ënɔɔnë, piath ë Nhialic piɔ̈u ayï riɛl ë yenpiɔ̈u: tëde kɔc wään cï wïïk, ee riɛlëpiɔ̈u, ku tëde yïn ee piathëpiɔ̈u, të ee yïn cool ë rëër ë piath de yenpiɔ̈u, na rɛɛcë, ke yïn bï tɛ̈ɛ̈m bei aya.

Romai 9:18

Yen tëde ka, ee piɔ̈u kok kekë raan nu ë yepiɔ̈u, ku raan cï tak an, bï tɔ ril nɔm, ke tɔ ril nɔm.

Jakop 2:13

Raan ee käŋ looi ë giɛɛŋ, ke löŋde abï guiir ë giɛɛŋ, ku acïn kokdepiɔ̈u bï yök, ku kokdepiɔ̈u ee rɔt leec ë kööl ë guiëërëlöŋ.