Ɣodh 1:4 - JAM DE NHIALIC 2011

⁴ Go Bɛ̈nydït lɛ̈k Ɣodhiya an, “Cäkë an Jedhreel (yen aye kɔc cï Nhialic thiäi piny). Në baŋ bän baai de melik Jeɣu dap luöi këtuc, në biäk de nääk ɣɔn nɛ̈k en kɔc në wak de Jedhreel yic. Ku Yɛn bï ciɛɛŋ de baai de Yithriɛl jɔ teem kɔ̈u. Yɛn bïï bääny de dhiën ë Jeɣu tɔ kääc.

Ɣodh 1:4 Iomraidhean Croise

2 Mel 10:1

Käu de melik Aɣap rɛ̈ɛ̈r ë Thamaria ayek thiërdhorou. Go Jeɣu awerek gäär Thamaria, gɛ̈ɛ̈r bäny ke wut, ku röördït, ku kɔc ee käu de Aɣap gël, lueel an:

2 Mel 10:17

Na wën aa lek ɣet ëtɛ̈ɛ̈n ke Jeɣu ë näk kɔc raan në Aɣap ëbɛ̈n, abïï ciën raan töŋ cï poth, cït man cïï Bɛ̈nydït ye lueel në tiët Elija thok.

2 Mel 15:29

Në akööl ke bääny de Peka melik de Yithriɛl, yen aa dɔmë Tiglath Pilethar, melik de Athiriya wuötkë: yï Yijon, Abel Beth Maaka, Janowa, ku Kedec, ku Ɣadhor, ku piiny ke Giliyad ku Galili, ku Naptali, ku lee kɔc Athiriya ke ke mac.

2 Mel 15:8

Në ruöön thiërdiäk ku bɛ̈t në bääny de melik Yudhia de Juda yic, go Dhekaria wën ë Jerobowam de Rou bääny gɔl ke ee melik de Yithriɛl, ago bääny muk ë Thamaria në pɛ̈i kadhetem.

Yith 7:14

Apiɛth tei, Nhialic guöpde, abï yï nyuöth kë bï yïn en ŋic: Nyan dhuec abï mɛwä dhiëëth ku abïï cäk an, Emanwɛl, të lueelë yen në thoŋda, ee “Nhialic atɔ̈u ke wook.”

Yith 8:3

Ku la tëde tiiŋ tiët, na lɔ nïn wan ke tiiŋdï ë liac, na ɣɔn aacï dhiëth, go ë Bɛ̈nydït lɛ̈k ɛn an, “Cäkë an Maɣercalal Ɣacebadh, të puk ë yen ë thoŋda an, ‘Dap yak, dap rum.’

Yith 9:6

Wok cï dhiëth meth! Wok cï gäm mɛwä! Ku yen abï aa bɛ̈nyda. Abï aa cɔɔl an, “Këdïït ë gäi, Mony riit kɔc piɔ̈ɔ̈th,” “Nhialic Awärjäŋ” “Wäärdan Athɛɛr” “Bɛ̈ny de Mät.”

Jeremia 20:3

Ku në kööldäŋë, wään cï Pacur joth tɔ lony, go ë Jeremia yɔ̈ɔ̈k an, “Bɛ̈nydït akën yïn cäk an Pacur. Rin cï ke gäm yïn ee ‘Riɔ̈ɔ̈c ë Pinynɔm ëbɛ̈n.’

Jeremia 23:2

Kënë lueel Bɛ̈nydït Nhialic de Yithriɛl kï në biäk de bäny ee ye lueel an cïk kɔcke tiit an: “Wek kën kɔckï tiit, ku acäk keek thiɔ̈i ku cuɔpkï keek wei. Ënɔɔnë we la luöi këtuc në biäk de kërɛɛc cäk luöi kɔckï.

Jeremia 3:8

Acïï Juda tïŋ aya nɔn cïï Yɛn nyankënë Yithriɛl pɔ̈l, ku cuɔp baai, në kë cïï yen rɔt yal wei tëde Yɛn ku looi rɔt ke ye akɔɔrröör. Ku Juda nyankënë Yithriɛl cïn piɔ̈u adöt, aa kën riɔ̈ɔ̈c. Yen aya acï rɔt bɛ̈n looi ke ye akɔɔrröör

Edhekiɛl 23:10

Gokï yɔ̈ɔ̈t kɔ̈u bei ë lupɔɔ, ku dɔmkï wɛ̈ɛ̈tke ku duetke, na wën ke jɔkï nɔ̈k në abätäu. Go diäär tuum caath ë ɣään yiic ëbɛ̈n në kë cï yen yök.

Edhekiɛl 23:31

Yïn cï cök ke nyankui kuany yiic, ka yïn bä gäm abïny töŋ de këtuuc wään kan gäm nyankui bä dek.”

Ɣodh 1:6

Go Gomer bɛ liac, ku dhiëëth duet. Go Bɛ̈nydït lɛ̈k Ɣodhiya an, “Cäkë an Nyaman, në baŋ cän piɔ̈u bï bɛ kok wokë baai de Yithriɛl, ku cä be päl awäc.

Ɣodh 1:9

Go Bɛ̈nydït lɛ̈k Ɣodhiya an, “Cäkë an, ‘Monyjai’ në biäk cä wek ee kɔckï, ku cä ye Nhialicdun.”

Ɣodh 2:13

Abä keek luöi këtuc në biäk de aköölkɛn ɣɔn cï kek a puɔ̈l, ku yek Baal nyuöp wal ŋïr. Aake ye röt jäm në joth, ku kur tuc ë ɣööcden, ku riŋkï në röör cök, ku mɛ̈ɛ̈rkï nïïm në Yɛn. Kë cïï Bɛ̈nydït lueel ka.

Ɣodh 9:17

Go Ɣodhiya lueel an, “Abï Nhialicdï keek rɛɛc, në baŋ kën kek En piŋ thok. Abïk riäu baaŋ në juöör yiic ëbɛ̈n.

Amoth 9:8

Ku ënɔɔnë nyïïn ke Bɛ̈nydït Nhialic awoikï ciɛɛŋ rɛɛc de Yithriɛl, ku abä riɔ̈ɔ̈k taitai në pinynɔm. Ku Yɛn cïï käu de Jakop bï riɔ̈ɔ̈k ëbɛ̈n. Kënë ë lueel Bɛ̈nydït ka.

Math 1:21

Ku abï mɛwä dhiëëth, ku abä cäk rin, an, Yecu, luɔi bï en kɔcken kony në karɛcken.”

Luk 1:13

Go tunynhial yɔ̈ɔ̈k an, “Du riɔ̈c, Dhekaria, lɔ̈ŋdu acï piŋ. Ku tiiŋdu Elithabeth abï yï dhiëth mɛwä, ku abä cäk an, Jɔn.

Luk 1:31

Ku tïŋ, yïn bï meth yök, ku yïn bï mɛwä dhiëëth, ku bä cäk an, Yecu.

Luk 1:63

Na wën, ke cɔl pam ë gäär ku jɔ gɔ̈ɔ̈r an, “Rinke acɔl Jɔn.” Gokï gäi kedhie!

Jɔn 1:42

Go bɛ̈ɛ̈i tëde Yecu. Go Yecu woi guöp, ku lueel an, “Yïn Thimon, wën ë Jona: yïn bï cɔɔl Kepath.” (Yen aye Petero, ku ye “kuur” në thoŋda.)

Jocua 19:18

Pinyden aa nu pɛ̈ɛ̈nydïtkë thïn: Jedhreel, kekë Cethuloth, ku Cunem,