Ɣodh 1:2 - JAM DE NHIALIC 2011

² Të ɣɔn gɔl ë Bɛ̈nydït jam kekë kɔc ke Yithriɛl në kueer de Ɣodhiya, kë ë kɔn lɛ̈k en kï an, “Lɔ thiak tiiŋ akɔɔrröör, ke bï yï dhiëth mïth kɔ̈k adhiëthlëër. Në biäk cïï kɔckï ya nyääŋ piny, ku lamkï Baal.”

Ɣodh 1:2 Iomraidhean Croise

2 Lëk 21:13

Yïn cï luɔi piɛth pɔ̈l, ku kuany luɔi de meliik ke Yithriɛl yiic, ku tɔ kɔc ke Juda ku kɔc ke Jeruthalem lui awäc Nhialic, cït man cï melik Aɣap kekë kɔc ɣɔn lɔ në yecök kɔc ke Yithriɛl tɔ lui Nhialic awäc. Ku yïn cï mïthëkɔckun nɔ̈k, kɔc baai de wuur, röör wär yïn ë piɛth.

Diɛt 106:39

Keek acïk kegup tɔ rac ë biäk de luɔiden, ku cïnkï piɔ̈ɔ̈th adöt tëde Nhialic.

Diɛt 73:27

Kɔc ee Yïn nyääŋ piny abïk thou ë yic, Yïn bï kɔc cïn adöt tëde Yïn riɔ̈ɔ̈k.

Jeremia 2:13

në biäk cïï kɔckï awɛ̈ɛ̈c kaarou looi: acïk röt yal wei tëde Yɛn, Yɛn awaŋ de pïïu piɛth, acïk awuul wec, awuul cï ɣaar cïï pïïu lëu në muk, abïk ciën pïïu ananden.

Jeremia 2:20

Aye Bɛ̈nydït lueel an, “Yithriɛl ɣɔn thɛɛr yïn aacï bäänydï rɛɛc, yïn cï jaai bä ya riëëu ku lam Ɛn. Në kur bär nïïm ëbɛ̈n, ku në tiim tɔ̈c thäär ëbɛ̈n, yïn aaye yiëth ee käŋ tɔ lok lam.

Jeremia 2:23

Eeŋö duɛ̈ɛ̈r yïn e lueel nɔn kën yïn rɔt dhiöök, an kënë Baal kɔn lam? Tïŋ awäny cï looi në wakic, tïŋ ka cï looi. Yïn cï cït thɔ̈rɔ̈l roor cï guöp tuöc, thɔ̈rɔ̈l ee cökke nyɔ̈ɔ̈kiic,

Jeremia 3:9

ku yen aa cïn guöp ayäär. Acï piny dhiöök, në kë yen kur ku tiim lam.

Edhekiɛl 6:9

të bïï kek lɔ rëër ë juöör yiic. Abïk a tak, ku ŋickï nɔn cän keek luöi këtuc ku cä ke yɔ̈ɔ̈r gup, në biäk cïn kek piɔ̈ɔ̈th gäm, acïk a nyääŋ piny, gamkï yiëth ku pälkï yɛn. Ku keek gupken abïk kërac tïŋ në biäk de karɛcken, ku ka yäär ke gup cïk looi.

Ɣodh 2:7

Abï röörke aa cop cök, ku cïï ke gïth. Abï keek aa kɔɔr, ku cïï keek yök. Ku ëtɛ̈ɛ̈n, abï jɔ lueel an, “Yɛn bï yanɔm puɔ̈k monydï cït man wään tueŋ, yɛn aa ŋuän wään në ënɔɔnë.

Ɣodh 3:1

Go ë Bɛ̈nydït lɛ̈k ɛn an, “Ɣodhiya, be tiiŋdu nhiaar na cakaa nɔn yen röör kɔɔrë. Nhiaar cït man nhiɛɛr ë Bɛ̈nydït Yithriɛl, na cakaa nɔn cï kek A puɔ̈l ku gamkï yiëth, ku nhiaarkï cäm de këcam de mïth ke enap cï riɛl ye kek Baal lam.

Ɣodh 5:3

Yɛn ŋic Eparaim apiɛth, ku Yithriɛl acïï muɔɔny tëde Ya. Ku ënɔɔnë, Eparaim yïn ë köör. Ku Yithriɛl yïn ë rɔt riɔ̈ɔ̈k.

Mak 1:1

Göl ë wëlpiɛth kï, wëlpiɛth ke Yecu Kërtho, Wën ë Nhialic.

Nyöŋ 31:16

Ago Bɛ̈nydït lɛ̈k Mothe, an, “Yïn bï lony wekë wärkuön ku kɔckë abïk röt gäm yiëthkɛn ke piny lei rëër kek thïnë, abïk yɛn pɔ̈l ku dhoŋkï män cä looi wokë keek.

2 Pet 2:14

Kɔc cï nyïïn a pirpir në kɔ̈ɔ̈r ee kek diëër lei kɔɔr, kɔc cïn nyïïn päl duëër kek kërac pɔ̈l, ayek kɔc wëŋ kɔc cï piɔ̈ɔ̈th aläuläu në jam, aciɛthkï në piɔ̈n cï kajuëc ŋic ë kɔ̈ɔ̈r. Mïth de gup aciɛɛn ka!

Nyuuth 17:5

ku ade rin cï gɔ̈ɔ̈r ë yenɔm tueŋ an, “KËCÏMOONY KA, Babilon DÏÏTË KÏ, MAN AKƆƆRRÖÖR KU YE MAN KANHIƐNY KE PINY NƆM.”