Ɣeberuu 7:2 - JAM DE NHIALIC 2011

² Abraɣam acï töŋ thiëër ë käŋ kedhie bɛ̈n gäm en, ka wään puk nïïm tɔŋ. Ke lueel ë rin ke Melkidhedek “Ee meliŋ de piathëpiɔ̈u” ku në luɔi yen meliŋ de Thalem, kë lueel rinke Thalem ee mät.

Ɣeberuu 7:2 Iomraidhean Croise

Cäk 28:22

Ku kuur cä tɔ ye mënë, abï ya ɣön ë Nhialic. Ku në ka cï Bɛ̈nydït gäm ɛn yiic kedhie, abä puɔ̈k nɔm töŋ thiëër ë käŋ.”

2 Tham 23:3

Nhialic de Yithriɛl acï jam, acïï Raan ee Yithriɛl gël lɛ̈k ɛn an: “Melik ee Piny cieŋ ë yic, Raan ee piny cieŋ në riëëu de Nhialic,

2 Tham 8:15

Debid aaye melik paan ë Yithriɛl ëbɛ̈n, ku aa ye këpiɛth yic looi në kɔc piɔ̈ɔ̈th kedhie.

1 Lëk 22:9

Ku acï ya lɛ̈k gutguut. Acï lueel an, “Yïn bï mɛwä dhiëëth, wën bï bääny muk ë mätic, abä gäm mät tëde kɔc ke aterde nu në yelɔ̈ɔ̈m ëbɛ̈n. Ku abïï cɔl rin Tholomon, ku yɛn bï Yithriɛl gäm mät ku rɛ̈ɛ̈r lɔ dïu në aköölkë yiic.

Diɛt 72:7

Tɔ piathëpiɔ̈u dït në akööl ke pïïrde yiic ku tɔ kuɛth tɔ̈u në pɛ̈i yiic ëbɛ̈n.

Lebai 27:32

Ku töŋ ye käŋ thiëër de ɣɔ̈k ku thök, ku töŋ de thiëër de lɛ̈i ëbɛ̈n lɛ̈n ee tɛ̈ɛ̈k në thieny ë raan ee tïït thar, abï aa kë ɣeric de Bɛ̈nydït.

Maika 5:5

ku abï mät bɛ̈ɛ̈i. Të le Athiriya wo yiɛ̈n tɔŋ, ku lek ɣään riilkuɔ reet yiic, abuk keek kuɛ̈ny bänykuɔn ril arëët kadhorou, lek gɔ̈m në keek.

Kuɛ̈n 18:21

Go Bɛ̈nydït lueel an, “Miɔ̈c de ke thiëër ë käŋ ye Yithriɛl gäm Ɛn, acä gäm Lebai ke ye kë bïk lak. Yen ariöpden ka në biäk de luɔidɛn yek looi në paany de mätic.

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

Luk 2:14

“Ë dhuëëŋ tɔ̈u kekë Nhialic tënhial ya, ku tɔ̈u rëër piɛth ë piny nɔm, ku miɛtëpiɔ̈u ë kɔc yiic!”

Romai 3:26

ku ye nyuöth nyooth en piath ë yenpiɔ̈u ënɔɔnë, nɔn ee yen bɛ̈ny ee löŋ tiiŋic, ku ye bɛ̈ny ee raan gam Yecu tɔ piɛthpiɔ̈u ayadäŋ.

Ɣeberuu 7:1

Yen Melkidhedek guöpde, aaye meliŋ de Thalem ku ye bɛ̈nydït de kake Nhialic Awärjäŋ. Ɣɔn le Abraɣam enɔm dɔ̈k ciëën të cï yen lɔ biök kekë meliik kaŋuan go ke tiaam, go Melkidhedek loor nɔm ku thieei.

Ɣeberuu 7:3

Acïn kë cï gɔ̈ɔ̈r në biäk de göl ë Melkidhedek, wun ayï man ayï kuarken. Acïn raan ŋic ruöön ë thou en ayï të ë dhiëëthë ye, yen acït Wën ë Nhialic, në luɔi cï ye tɔ ye bɛ̈ny ë kake Nhialic aɣet athɛɛr.

1 Tham 8:15

Ku abï töŋ de thiëër aa nööm në rɛɛpkun yiic ku në kakuön ee luɔk yiic, ku gëm ke kɔc lui në yen, ku bänyke.

1 Tham 8:17

Abï töŋ de thiëër de ɣɔ̈kkun nööm ke ye athölbɔ̈, ku week gupkun, we bï aa lïïmke.