Ɣeberuu 3:9 - JAM DE NHIALIC 2011

⁹ Ku ɣɔn cïï kuarkun Ɛn riɔ̈ɔ̈k piɔ̈u, acïk ka cä luöi keek bɛ̈n tïŋ në runiic kathiërŋuan.

Ɣeberuu 3:9 Iomraidhean Croise

Diɛt 95:9

Acïk Yɛn bɛ̈n them ëtɛ̈ɛ̈n, ku göönykï, cakaa ɣɔn cï kek kë cä luöi keek tïŋ.

Bɛ̈n 19:4

“Acäk tïŋ kë cä luöi kɔc ke Rip Yɛn Bɛ̈nydït. Ku tiëŋkï luɔi cän week ɣääc cït man ye cuɔɔr mïthke ɣääc në ye wuök. Ku luɔi cän week bɛ̈ɛ̈i të nu Yɛnë.

Bɛ̈n 20:22

Go Bɛ̈nydït lɛ̈k Mothe an yɔ̈ɔ̈kë kɔc ke Yithriɛl an, “Acäk tïŋ në wenyïïn wapäc nɔn cän we jääm ke Ya nu nhial.

Amoth 2:10

Ee yɛn ë bïï week bei paan ë Rip, ku caath week në jɔ̈ɔ̈ric në run kathiërŋuan 40. Ku gäm week piny de kɔc ke Amor, ke ye këdun.

Kuɛ̈n 14:33

Ku mïthkun abïk tai në jɔ̈ɔ̈ric në run kathiërŋuan ke ke gum abï raan töŋ thïk wecök kɔn thou. Në baŋ cä wek Ɛn dhɔ̈ŋ röl.

Luk 7:22

Go Yecu bɛ̈ɛ̈r, yöök keek an, “Lakï, lɛ̈kkï Jɔn ka cäk tïŋ ku ka cäk piŋ, cöör acï ke tɔ yiɛ̈n ŋöl aciɛthkï, kɔc cïï wɛth dɔm acï ke tɔ waar, mïŋ apïŋkï, kɔc cï thou acï ke tɔ ɣɔ̈ɔ̈r, kɔc kuanynyïïn aye ke guiëër wëlpiɛth.

Luɔi 13:8

Na wën, ke Eluma bɛ̈ny ee kɔc thuëëth (yen aye rinke në thoŋ de Girikii), ke cak ater ke keek, akɔɔr luɔi bï en bɛ̈ny wɛl piɔ̈u wei ke cï bï gam.

Luɔi 7:36

Yen ë raanë yen aa bïï ke bei, wën cï en göök looi göök bï kɔc ke gäi paan ë Rip, ku Wɛ̈ɛ̈r thith, ku jɔ̈ɔ̈ric ë run kathiërŋuan.

Nyöŋ 11:7

Yeka, ee wek ë ye kɔc ë tïŋ ee kadïtkë kedhie, ka cï Bɛ̈nydït ke looi.

Nyöŋ 29:2

Go Mothe kɔc ke Yithriɛl caal tëtök kedhie, ku yɔ̈ɔ̈k keek an, “Acäk tïŋ ë we nyïïn yen kë cïï Bɛ̈nydït luöi melik de Rip, ku kë cï luöi bänyken, ku ka cï luöi pinyden ëbɛ̈n.

Nyöŋ 4:3

Ku week wedhie acäk tïŋ ë we nyïïn, yen kë cïï Bɛ̈nydït looi në kuur ë Peyor. Acï kɔc nɔ̈k kedhie kɔc ee ye kuur ë Peyor lam,

Nyöŋ 4:9

Tiɛtkï röt apiɛth! Ku ŋiɛckï ë gɔk aguɔkï nïïm cuö mär në pïïrdunic ëbɛ̈n, ka cäk tïŋ në wenyïïn kedhie. Lɛ̈kkï keek mïthkun ku mïth ke mïthkun.

Nyöŋ 8:2

Yak we nïïm tak, në luöi wään cïï Bɛ̈nydït week wat ë jɔ̈ɔ̈ric në ee runkë yiic kathiërŋuan, ku ye we tuöc ka tuc thook them En ke week, ago kë kaarkï bäk looi ŋic, ku na bäk lööŋke riëëu.

Nyöŋ 8:4

Në ye runkë yiic kathiërŋuan lupɔɔkun akënkï rɛɛt, ku we kën ë keek bɔ̈ɔ̈t cök.

Jocua 23:3

Ku këriëëc cïï Bɛ̈nydït Nhialicdun luöi juöör de ater në week kedhie në këdun acäk tiŋ në wenyïïn wedhie. Bɛ̈nydït Nhialicdun ë tɔŋdun thɔ̈ɔ̈r.

Jocua 24:7

Na wën, ke kuarkun ë ke cɔl Ɛn an luäk keek. Aguɔ mɔ̈ɔ̈th tääu në kaamden në kɔc ke Rip. Ku week gupkun, wek ŋic kë cä bɛ̈n luöi kɔc ke Rip, luɔi cän keek bɛ̈n tɔ mou ë wɛ̈ɛ̈r. Ku ëtɛ̈ɛ̈n, wek ë bɛ̈n tɔ̈u në jɔ̈ɔ̈ric në run juëc.