Ɣeberuu 3:3 - JAM DE NHIALIC 2011

³ Yecu guöpde acï yök arɔ̈ŋ ke riëëudït awär Mothe, cït man ye raan dïït ë dhiën dhuëëŋ guöp awär dhiënde.

Ɣeberuu 3:3 Iomraidhean Croise

Dhek 4:9

“Dherubabel yen aa gɔl këërkëër de Luaŋdït në yïk, ku ee yen abï ye thöl aya. Yen abä wek ye jɔ ŋic ëgɔk nɔn cï Bɛ̈nydït de rɛm ya tuöc week.

Math 16:18

Ku yïn yɔ̈ɔ̈k, yïn Petero, yïn ee kuur, ku yɛn bï ɣön ë Nhialicdï yïk ee kuurë nɔm, ku acïn riɛl ë paan ë thuɔɔu bï yen tiaam.

1 Kor 3:9

Wok ee kɔc ë luui në Nhialic ëtök: wek ee dom ë Nhialic. Ku yak alooc de Nhialic.

2 Kor 3:7

Ku na guiëërku ë löŋ de thuɔɔu, en aye löŋ ɣɔn cï gäär ë kur kɔ̈ɔ̈th, të cï e yiëkic dhuëëŋ, ago mïth ke Yithriɛl dhal ë wui woi kek Mothe nyin, në baŋ de dhuëëŋ ë yennyin, ku dhuëëŋ ee kë kɔɔr liu,

Kolothai 1:18

Ku yen aye nɔm de guöp, guöp cɔl ɣön ë Nhialic, yen aye gölë käŋ, ee kɛ̈ɛ̈i ë kɔc cï thou yiic, luɔi bï en nu tueŋ ë këriëëc ëbɛ̈n.

Ɣeberuu 2:9

Ku wok ë Yecu tïŋ acï tɔ koor ë määth në tuucnhial në kaam thiinakäŋ. Ku ënɔɔnë ë yiëk nɔm göl ë dhuëëŋ, në biäk cï Yen thuɔɔu guum në dhuëëŋ de Nhialic piɔ̈u, ke bï thuɔɔu thiëëp në këde raan ëbɛ̈n.

Ɣeberuu 3:4

Ku dhiën ëbɛ̈n ade raan ee yen looi, ku Nhialic yen aye këriëëc looi ëbɛ̈n.

Ɣeberuu 3:6

Ku Kërtho ee mɛnh adöt në dhiën de Nhialic nɔm ëbɛ̈n. Ku wok aye dhiënde, të muk wok wopiɔ̈ɔ̈th aril, ku dötku aŋäthdan ye wok röt leec athöökë käŋ.