Ɣeberuu 2:9 - JAM DE NHIALIC 2011

⁹ Ku wok ë Yecu tïŋ acï tɔ koor ë määth në tuucnhial në kaam thiinakäŋ. Ku ënɔɔnë ë yiëk nɔm göl ë dhuëëŋ, në biäk cï Yen thuɔɔu guum në dhuëëŋ de Nhialic piɔ̈u, ke bï thuɔɔu thiëëp në këde raan ëbɛ̈n.

Ɣeberuu 2:9 Iomraidhean Croise

Cäk 3:15

Ku Yɛn bï ater tääu në kaamdun we tik, ku në kaam de kɔ̈thku ku kɔ̈thke. Abäk keek aa kac ŋur, ku abïk week aa yup nïïm.”

Yith 11:1

Acït man ye tim cï yep lɔ̈ɔ̈k nyok, yen acït mei de Jethe abï käude rɔt jɔt, ka melik cï piac dɔm abï bɛ̈n bei në käu de Debidic.

Yith 7:14

Apiɛth tei, Nhialic guöpde, abï yï nyuöth kë bï yïn en ŋic: Nyan dhuec abï mɛwä dhiëëth ku abïï cäk an, Emanwɛl, të lueelë yen në thoŋda, ee “Nhialic atɔ̈u ke wook.”

Math 16:28

Wek yɔ̈ɔ̈k ëyic an, “Ade kɔc kɔ̈k kääc ëtënë, kɔc cïï thuɔɔu bï thiëëp, të ŋoot kek ke kën Wën ë Raan tïŋ abɔ̈ ë ciɛɛŋdeyic.

Math 6:28

Ku eeŋö diɛɛr wek ë këde lupɔ? Wɔikï agurbiök nu roor, cil ciil kek, acïn luɔi loikï, ku acïn alɛɛth wikï,

Mak 9:1

Go lɛ̈k keek an, “Wek yɔ̈ɔ̈k ëyic an, Ade kɔc kɔ̈k ë kɔc yiic kɔc kääc eetënë, kɔc cï thuɔɔu bï thiëëp, të ŋoot kek ke ke kën ciɛɛŋ de Nhialic tïŋ ke bɔ̈ kekë riɛldït.”

Luk 9:27

Ka wek lɛ̈k yic an, ade kɔc kääc ee tënë, kɔc cïï thuɔɔu bï thiëëp, të ŋoot kek ke ke kën ciɛɛŋ de Nhialic kɔn tïŋ.”

Jɔn 1:29

Na ɣɔn amiäk, ke Jɔn tïŋ Yecu ke bɔ̈ tëde yen, go lueel an, “Wɔikï, Amɛthɔ̈k de Nhialic kï, anyiɛɛi kërɛɛc de piny nɔm!

Jɔn 10:17

Yen a nhiɛɛrë Wäär ɛn, luɔi gam ɛn wëikï, ke ke bä bɛ kuany nïïm.

Jɔn 12:32

Ku yɛn, të cï a jat nhial ë piny nɔm, kɔc kedhie abä ke miɛɛt të nuö yɛn.”

Jɔn 3:16

Nhialic ë piny nɔm nhiaar aläl, arëk abï miɔɔc ë Wëndɛn cï dhiëëth etök, ke raan gam en cïï bï määr, raan ëbɛ̈n, ku bï dɛ pïïr athɛɛr.

Jɔn 8:51

Wek yɔ̈ɔ̈k ë yic an, të dötë raan wëlkï, ka cïï thuɔɔu bï tïŋ anande.”

Jɔn 8:52

Go yɔ̈ɔ̈k ë Judai an, “Ënɔɔnë aŋicku nɔn de yïn guöp jɔŋ rac. Abraɣam ë thou, ayï tït, ku ye lueel an, të dötë raan wëlkï, ka cïï thuɔɔu bï thiëëp anande.

Luɔi 2:33

Ku ënɔɔnë, nɔn cï e tɔ dït ë ciin cuëny de Nhialic, ago Wëidït ɣer nööm ku cï Wun kɔn lueel an, bï ke gäm en, yen a luuŋ en ee kënë piny, ke wɔikï ku piɛŋkï ënɔɔnë.

Luɔi 3:13

Nhialic de Abraɣam ku Yithaak ku Jakop, Nhialic de kuarkuɔ, yen acï wëndɛn Yecu gäm dhuëëŋ, raan wään cäk yiɛ̈n miric, ku cäk rɛɛc ë Pilato nɔm, wään cï en löŋde teem an, pɛ̈l.

Romai 5:18

Yen tëde ka, acït man cï löŋ de kɔc guiir kedhie, në baŋ de göc de raan tök, ago kɔc yiëk yiëth gääk kedhie, yen acït yöŋ cï kɔc piathëpiɔ̈u yök kedhie në baŋ de luɔi piɛth de raan tök, ke ke bï pïïr.

Romai 5:8

Ku Nhialic ë nhiëërde nyuɔɔth, nhiëër nhiɛɛr en wook, në thon cï Yecu Kërtho thou në biäkda, ku ŋootku ë wo ye kɔc ë kërac looi.

Romai 8:3

Kë cï löŋ dhal ë luɔi, në kɔ̈c kɔ̈ɔ̈c en në baŋ de guöp, acïï Nhialic ŋiëc looi, wään tooc en Wënde guöp, ke cath ke guöp cït guöp deyic kërac, ku aa tuuc në baŋ de kërac, ago kërɛɛc nu ë guöpic gɔ̈k.

Romai 8:32

Yen Nhialic, Raan wään kën Wënde pëën, Wënde guöp, ku acï e yiɛ̈n Raan thuɔɔu ë biäkda wook wodhie, ee kaŋö cïï en wo bï miɔɔc ë käŋ kedhie aya në yen ëtök ë dhuëëŋ?

2 Kor 5:15

Ku thon thou en në biäk de raan ëbɛ̈n, ee kë cïï kɔc pïïr bï bɛ pïïr ë këde yenhden, ka bïk pïïr ë këde raan cï thou në biäkden ku be rɔt jɔt.

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

Galatai 4:4

Na wën, aacï run thök, ke Nhialic toc Wënde, bï dhiëëth ë tik, ku dhiëth ë löŋic,

1 Tim 2:6

raan cï rɔt gaam bï aa kë ye kɔc wɛ̈ɛ̈r bei kedhie, raan cïï këde lueel në cäätɔɔ ëkööldɛn piɛth,

Ɣeberuu 1:9

Yïn nhiaar piathëpiɔ̈u, ku man kërac. Yen kë ë lɔc Nhialic Yïn ka, Yen Nhialinydu, ku tɔc Yïn në miök ë dhuëëŋ de miɛt ë piɔ̈u, ku tɛ̈ɛ̈u Yïn tueŋ awär kɔc tɔ̈u në Yïn.”

Ɣeberuu 10:5

Yen aa lueel ë Kërtho en, ɣɔn bïï Yen ë piny nɔm, go lɛ̈k Nhialic an, “Ka gɛmë ka näk acie kek kɔɔr, ku yen, ee guöp yen aa gämë Yɛn bän aa raan bï ya miɔ̈c näk.

Ɣeberuu 11:5

Eenok ade nɔm gäm de yic aŋäth, ye ka kën en thuɔɔu thiëëpë. Aa leerë Nhialic të nu Yen thïn, aa lɔ cut piny acïn raan cï ye yök, në luɔi cï Nhialic ye jat nhial. Acï Awerek de Nhialic lueel, an ɣɔn kën ë yen kɔn lɛɛr nhial, aa cï Nhialic tɔ mit piɔ̈u.

Ɣeberuu 12:2

Ku yok wonyïïn tääu në Yecu guöp, Yen woiku Bɛ̈ny cï gämda gɔl ku thöl. Aa cï gam në Yepiɔ̈u ëbɛ̈n luɔi bï Yen thou në thon ayäär, në tim cï rïïu nɔm kɔ̈u në biäk de miɛtëpiɔ̈u ŋic bï yök në thökde. Ku Yen ënɔɔnë arɛ̈ɛ̈r në ciin cuëëny de thööny de Nhialic nu nhial.

Ɣeberuu 2:7

Acï tɔ koor ë määth në tuucnhial në kaam thiinakäŋ, ku acï gäm nɔm göl ë dhuëëŋ ku riëëu.

Ɣeberuu 7:25

Ku ënɔɔnë alëu Yen luɔi bï Yen kɔc ee bɛ̈n tëde Nhialic në kueerde aa cool ë kony En keek, ku Yen arɛ̈ɛ̈r ke pïïr ë Nhialic lɔ̈ɔ̈m aɣet athɛɛr.

Ɣeberuu 8:3

Ku na ye bɛ̈nydïït ë kake Nhialic ëbɛ̈n käŋ gam, ka näk, ke Kërtho ayadäŋ aduëër nɔm dɛ kë duëër gam.

1 Pet 1:21

wek kɔc cï Nhialic gam në yen, Nhialic wään jɔt en nhial ë kɔc cï thou yiic, ku jɔ gäm dhuëëŋ, ke gämdun ku aŋäthdun ke ke bï aa tɔ̈u ë Nhialic.

1 Jɔn 2:2

Ku yen aye kë cï Nhialic luk në baŋ de karɛckuɔ, ku acie karɛckuɔ wapäc, ee karɛc ke piny nɔm ëbɛ̈n ayadäŋ.

Nyuuth 19:12

Ku acït nyin liem de mac, ku nu gööl juëc ke dhuëëŋ ë yenɔm, ku acath ke rin cï gɔ̈ɔ̈r rin cïn raan ŋic ke, ee yen ŋic ke yetök.

Nyuuth 5:9

Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,