Ɣeberuu 2:2 - JAM DE NHIALIC 2011

² Ku na cï jam ɣɔn lëk ë tuucnhial kuarkuɔ jɔ aa yic, ku le dɛ raan kën yen kuany cök, ku nɔn kën en en gam, abï luöi këtuc thok rɔ̈ŋ ke awänyde.

Ɣeberuu 2:2 Iomraidhean Croise

Diɛt 68:17

Në aguumkɛn juëc ke abëël ke tɔŋ, Bɛ̈nydït aa bɔ̈ në Thinai, abɔ̈ tëɣeric.

Kuɛ̈n 11:33

Na wään, aŋoot rïŋ ke kith, ke Bɛ̈nydït ë diu piɔ̈u ke keek go keek tuöc jɔɔk.

Kuɛ̈n 16:49

Ago aguum kathiëër ku ŋuan ku bot kadhorou thou të cïn kɔc ë thou në Kɔra ëtök.

Kuɛ̈n 21:6

Go Bɛ̈nydït keek tuöc karɛc de thook wurïï, gokï kɔc juëc nɔ̈k në Yithriɛlic.

Kuɛ̈n 25:9

Ku ëtɛ̈ɛ̈n, jɔk aa yök acï aguum kathiërrou ku ŋuan nɔ̈k në kɔc ke Yithriɛl yiic.

Luɔi 7:53

Wek kɔc cï yiɛ̈n löŋ në guiɛɛk cï tuucnhial e guik, ku rɛɛckï döt ë muk!”

Galatai 3:19

Ku löŋ, eeŋödɛn bï looi? Acï tääu thïn në biäk de wäc cï kɔc käŋ wööc, aɣet të bï käu bɛ̈n, käu cï kɔn lueel an, bï gäm en, ku acï ŋiëc guik apiɛth ë tuucnhial, ku jɔ tääu ë raan ë kɔc luk cin.

Nyöŋ 17:12

Raan lɔ löŋ de bɛ̈ny ee käŋ guiir kekë bɛ̈ny de kake Nhialic nu ë luɔi yic rɛɛc gam abïï nɔ̈k, në ee kueerë wek bï kërɛɛcë jɔ nyaai në Yithriɛl.

Nyöŋ 17:2

“Na lak lɔ piŋ wun tök në wuöt cïï Bɛ̈nydït gäm week, nɔn cïï moc, ku nɔn ee tik këdäŋ wäc Bɛ̈nydït Nhialicdun, ku dhoŋ löŋdɛn cï mac kɔ̈u,

Nyöŋ 17:5

ke we jɔt ee raanë, lɛɛrkï ë wut këc biic ku biääkkï arëk abïï thou.

Nyöŋ 27:26

‘Aciɛɛn de Nhialic abï tɔ̈u ë raan yeth, raan cïï lööŋ ke Nhialic kedhie kekë wëëtde ee riëëu.’ “Ku abïï kɔc kedhie jɔ bɛ̈ɛ̈r an, ‘Amiin!’

Nyöŋ 32:2

Wëëtdï abï löny piny cït pïïu ke deŋ, ku wëlkï abïk lööny piny cït thäc, ku nyieer nu ë wal kor kɔ̈ɔ̈th.

Ɣeberuu 1:1

Ɣɔn thɛɛr, tït ke Nhialic acïk jam de Nhialic lɛ̈k kuarkuɔ, në run juëc në kuɛɛr kithiic.

Ɣeberuu 10:28

Raan cï löŋ de Mothe dhoŋ kɔ̈u ke ŋic kɔc kaarou ku nɔn ye kek diäk nu thïn, aye nɔ̈k të cïn kok de piɔ̈u.

Ɣeberuu 10:35

Duökï riët ya wek wepiɔ̈ɔ̈th riit në aŋäthdunic päl, këriëëc ëbɛ̈n abï cuöl week.

Ɣeberuu 11:26

Aa ŋic ë Mothe an wëu juëc kuöt nïïm paan ë Rip, acïkï piath de ka buk yök në guöm gum wok në kɔc ke Nhialic ëtök bï wöör, në biäk de Kërtho, aa ŋäth ariöp ŋuän nu tëde Nhialic.

Ɣeberuu 11:6

Të cïn en gäm, acïn kë duëër ë raan Nhialic tɔ mit piɔ̈u, ku raan ëbɛ̈n raan ee bɛ̈n tëde Nhialic bï bɛ̈n lam, abï kɔn gam luɔi nu Yen, ku bïï ke gäm athiɛɛi kek kɔc kɔɔr En.

Ɣeberuu 12:25

Ënɔɔnë yak röt jɔ tiit ke we cïï bï jäi të jiëëm ë Nhialic week. Na kën kɔc wään piŋ rölde, ɣɔn jiëëm En keek ë Mothe thok ë piny nɔm eenë poth taitai! Yak tak duɛ̈ɛ̈rkï poth të rɛɛc wek Yecu raan jiëëm week paannhial!

2 Pet 1:19

Ku wo cath në jam de tït aya, jam yic ëgɔk, jam wär jamë, ku apiɛth tëde week të dɔ̈t wek jamë, luɔi ee yen ciët manyëalath ee riau tëcol, a ruu piny, ago ciëër ë runëpiny rɔt jɔt ë wepiɔ̈ɔ̈th.

Juda 1:5

Ku yɛn de piɔ̈u luɔi täk ɛn wenïïm, ciɛk an, cäk kënë kɔn ŋic, näŋ cïï Bɛ̈nydït kɔc reec gäm nɔ̈k, acakaa yen ë cï kɔc kɔn kony bïï ke bei paan ë Rip.