Ɣabakuk 3:13 - JAM DE NHIALIC 2011

¹³ Yïn ë lɔ biic lɔ kɔcku kony, lɔ melikduön cï lɔc kony. Yïn ë bäny ke kɔc ee karɛc looi dhiac nïïm ayï kɔckɛn ee keek kuany cök.

Ɣabakuk 3:13 Iomraidhean Croise

2 Tham 5:20

Go Debid lɔ Baal Peradhim ku jɔ Pilithiin lɔ tiaam ëtɛ̈ɛ̈n. Go ë Debid lueel an, “Bɛ̈nydït acï kɔc ke aterdï dhuööŋ cï amool.” Go Debid ëtɛ̈ɛ̈n cäk an Baal Peradhim. “Bɛ̈nydït ee käŋ dhuööŋ kɔ̈ɔ̈th.”

Diɛt 105:15

“Duökï awuutkï cï lɔc jak, duökï tïtkï jak.”

Diɛt 105:26

Ago lïmdɛn Mothe tuööc, ku Aron, kɔckɛn cï lɔc.

Diɛt 110:6

Abï löŋ de juöör ke pinynɔm guiir, ku thiëëŋ pinyden në gup ke kɔc cï thou, abï meliik nu ë pinynɔm ëbɛ̈n tiaam.

Diɛt 137:7

Tak Yïnɔm Bɛ̈nydït, në kë cï ë kɔc ke Edom looi, kööl ë peecë Jeruthalem. Tak këdɛn wään yek lueel an, “Jäpkï piny! Jäpkï piny abï riääk taitai!”

Diɛt 20:6

Ënɔɔnë aŋiɛc luɔi bïï Bɛ̈nydït melikdɛn cï lɔc luök, abï këde bɛ̈ɛ̈r paannhialdɛn ɣeric, ku abï gäm tiëmdït ë riɛlde.

Diɛt 28:8

Bɛ̈nydït ee riɛl de kɔcke. Ee melikdɛn cï lɔc gël.

Diɛt 68:7

Nhialic, të wɛt Yïn kɔcku, ke Yï tëk ë jɔ̈ɔ̈ric,

Diɛt 77:20

Yïn ee kɔcku wat cït man ë tïït, ku nu Mothe kekë Aron në kenïïm.

Diɛt 99:6

Mothe kekë Aron aake ye bänykɛn ke kake Nhialic, ku Thamwɛl aa ye raan ee yen lɔ̈ŋ, ayek Bɛ̈nydït cɔɔl, ku ee lɔ̈ŋden bɛ̈ɛ̈r.

Yith 63:11

Ku ëtɛ̈ɛ̈n acïk kenïïm bɛ̈n tak në kathɛɛr, në akööl ɣɔn ke Mothe, awun de Bɛ̈nydït, gokï aa thiëëc an, “Tɔ̈u Bɛ̈nydït ë nou ënɔɔnë, raan ɣɔn kony bäny ke kɔc ke në wɛ̈ɛ̈r yic? Tɔ̈u Bɛ̈nydït ë nou, raan ɣɔn cï wëidït ɣerke gäm Mothe?

Yith 64:1

Eeŋö cïï yïn paannhial retic ku bä piny? Kur aduëërkï yïn tïŋ ku lɛthë keek në riɔ̈ɔ̈c.

Edhekiɛl 13:14

Akaar bä pänydɛn cïk rɔɔth kɔ̈u në kïn ɣer jäp piny, ku riäär piny, ku nyääŋ kur ke këërkëër piny kapäc. Abï löny ku nɛ̈k week wedhie. Ëtɛ̈ɛ̈n abïï ë raan ëbɛ̈n jɔ ŋic nɔn ee yɛn Bɛ̈nydït.

Amoth 9:1

Yɛn ë Bɛ̈nydït tïŋ ke kääc në yïk lɔ̈ɔ̈m, ku lueel an, “Yup gɔ̈ɔ̈l nu ë mën ke Luaŋdït nïïm aläl ke yiɛɛu bï lath ku thiɔ̈i ke. Dhuɔŋë ke wei, ke ke bï wïïk në kɔc nïïm kedhie. Kɔc cï döŋ ë keyiic, abä keek nɔ̈k në abätäu. Acïn raan töŋ bï kɔt wei në ke yiic, ku cïn raan töŋ bän.

Jocua 10:11

Ku të wën riŋ ë kɔc ke Amor ke ke kɔt në kɔc ke Yithriɛl në Bethɣaron, Bɛ̈nydït ë deŋ dïït ë kɔɔi bɛ̈n tɔ tuëny keek agut cï Adheka. Kɔc juëc në keyiic acïï deŋ ë kɔɔi ke bɛ̈n nɔ̈k awär kɔc ë nɛ̈k kɔc ke Yithriɛl.

Jocua 10:24

Ku yïnë ke Jocua. Ago Jocua kɔc ke Yithriɛl cɔɔl kedhie, ku lëk bäny ë cath në yen nɔn kɛ̈c kek meliik yiëth. Agokï bɛ̈n tueŋ, ku kɛ̈ckï meliik yiëth.

Jocua 10:42

Wuötkë kedhie, në meliiken peec ë Jocua në tɔŋ ë lee, në luɔi ë Bɛ̈nydït Nhialic Töŋ de Yithriɛl.

Jocua 11:12

Pɛ̈ɛ̈nydïtkë acïï Jocua ke bɛ̈n peec kedhie, ayï meliiken ku nɛ̈k kɔc nu thïn kedhie, cït man wään cïï Mothe, awun de Bɛ̈nydït ye lueel.

Jocua 11:8

Ago Bɛ̈nydït ke tɔ tiɛɛm ë kɔc ke Yithriɛl, ago kɔc ke Yithriɛl ke cop cök agut cï Mithapoth Maim, ku Thidon në baŋ të lɔ wöuwic agut cï bäny de Midhepa në baŋ të lɔ aköl amiäk. Tɔŋ akën bɛ̈n kɔ̈ɔ̈c abïï kɔc de ater në Yithriɛl kɔn thök në thuɔɔu.