Ɣabakuk 2:8 - JAM DE NHIALIC 2011

⁸ Wek cï kɔc juëc ke juöör peec, kɔc cï döŋ apïr abïk week bɛ peec ayadäŋ. Në biäk cä wek kɔc nɔ̈k, ku kuörkï juöör ke pɛ̈ɛ̈nydït ke pinynɔm ëbɛ̈n.

Ɣabakuk 2:8 Iomraidhean Croise

Diɛt 137:8

Babilon, yïn bïï riɔ̈ɔ̈k. Thieithieei në kɔc ee yïn luöi këtuc, në biäk de kë cï luöi wook,

Kɛ̈ŋ 22:23

Bɛ̈nydït abï göönyden nööm ku tɔ kɔc wään cï kaken peec bɛ tɔ pec.

Yith 33:1

Amawoou në kɔc ke aterda! Wek ee käŋ riɔ̈ɔ̈k ku wek kënë ë riɔ̈ɔ̈k, wek ee käŋ rum ku wek kënë ë rum. Ku aköölkuön ke rum de käŋ ku riäk de käŋ abï thök, ku keek gupken abïï keek bɛ rum ku riäk keek.

Yith 33:4

Kaken abïï keek nööm ëbɛ̈n, ku jɔt keek ke ke ye ka cï peec, cït man ye kɔyɔm dom tɔ̈c ayï dɔm de mïth ke tiim mak ëbɛ̈n.

Yith 47:6

Yɛn aa göth wo kɔckï, acä ke luööi cït ka cïï be aa kɔckï: acä ke tääu në yïciin ku akën ë keek nyuöth kokdepiɔ̈u, acakaa kɔc cï dhiɔp acï keek luööi arac.

Jeremia 27:7

Juöör ëbɛ̈n abïk yen luööi, ku luuikï wɛ̈ɛ̈tke, ku wɛ̈ɛ̈t ke mïthke, agut kööl bïï wïïk bïï jurde wïïk bɛ̈n. Ku ëtɛ̈ɛ̈n jurde abï juöör ril jɔ aa luööi ku abïï meliik dït tɔ ee lïmden.

Jeremia 30:16

Ku ë nɔɔnë kɔc ee week rum, abïï keek rum, ku kɔc ke aterdun kedhie abïï keek jɔt ke ke mac. Kɔc ee week yɔŋ kedhie abïï keek yɔŋ, ku ee we peec abïï keek peec.

Jeremia 50:14

“Go kɔc moc dhɛ̈ŋ röt kueer ke ke mɛk Babilonia, ku jɔkï gɛɛu cil. Mɔckï Babilonia në dhɛ̈ŋkun ëbɛ̈n, në biäk cï yen a luöi awäc, Yɛn Bɛ̈nydït.

Jeremia 50:28

(Kɔc cï kat ë Babilonia acïk röt kual ku lekkï Jeruthalem, ayek kueer cï ë Bɛ̈nydït Nhialicda guur looi leeŋ, në biäk de kë cï kɔc ke Babilonia luöi Luaŋdït.)

Jeremia 50:37

Riäärkï jöŋgöörken ku abëëlkɛn ke tɔŋ! Ku remdɛn ë tɔŋ cï riɔp abï thou, akɔ̈ckï arëët! Riäärkï wëuken, ruömkï ku pɛckï keek.

Jeremia 51:13

Yen ee paanë ade yic kiɛɛr juëc, ku wëu ke kuɛth, ku köölde ë guɔ bɛ̈n, ku alanhdɛn ë pïïr ë teem kɔ̈u.

Jeremia 51:24

Aye Bɛ̈nydït lueel an, “Wek bï Ya tïŋ ke ya cuut Babilonia kekë kɔcke, në biäk de karɛc juëc wään cïk luöi Jeruthalem.

Jeremia 51:44

Yɛn bï Bel luöi këtuc, yanh de Babilonia, ku abä tɔ gɛm wëukɛn cï kual, ku acïï juöör yen bï bɛ aa lam. “Kɛ̈l ke Babilon acïk wïïk.

Jeremia 51:48

Ku këriëëc nu tënhial kekë piny ë bɛ̈n, abïk aa cööt në miɛtëpiɔ̈u, kööl bïï Babilonia lööny në kɔc bɔ̈ të lɔ rut cin, bïk bɛ̈n riɔ̈ɔ̈k.

Jeremia 51:8

Babilonia ë guɔ wïïk ëthiäu, ku acï riɔ̈ɔ̈k! Dhiëëukï Babilon! Lak käärkï tëtöökke wal ë baam, tɛk däŋ bïk dem.

Edhekiɛl 28:16

Yïn aa lui ke yï ɣöc ku ye käŋ ɣaac, ku kënë acï yïn thɛl në akuöörkuöör yic ku kërac. Guɔ yïn cuɔp wei bä kuurdiën ë Nhialic nyääŋ piny, go tunynhial ee yïn gël yïn cuat wei në kur ke mac lɔ̈m.

Edhekiɛl 39:10

Acïkï bï bɛ aa kuany në tiim ë duum yiic, ku nɔn yep kek tiim në ruɔɔr yiic, në biäk bïï kek dɛ dhɛ̈ŋ juëc bïï kek mac aa dɛ̈ɛ̈p. Abïk kɔc wään cï keek rum ku yakkï keek bɛ rum ku yakkï keek.” Acïï Bɛ̈nydït Awärjäŋ lueel.

Amoth 3:10

Aye Bɛ̈nydït lueel an, “Kek ee kɔckë akuckï luɔi de këpiɛth. Acïk ɣöötdïtken thiɔ̈ɔ̈ŋ në kak ë peckï në riɛl tëde kɔc.

Obadaya 1:15

Ago Bɛ̈nydït jam lueel an, “Akööl acïk thiɔ̈k, akööl bän juöör ke piny nɔm luöi këtuc kedhie. Kë cäk looi wek kɔc ke Edom, yen abï bɛ luöi week. Kë man ë luɔikï, yen abï rɔt bɛ puɔ̈k week.

Ɣabakuk 2:10

Ku kiɛɛr rɛɛcdun ë bɛ̈ikun yiɛ̈n yiic ayäär. Ku në biäk de juöör juëc cäk keek riɔ̈ɔ̈k, ee riääk yen acäk yiɛ̈n röt.

Ɣabakuk 2:17

Në kë cä wek roor ë piny de Lebanɔn yiɛp piny, ënɔɔnë wek bï tɔ̈k piny. Wek cï läi näk piny, ku näŋ de läi abï we riääc. Kënë abï rɔt looi, në biäk cä wek kɔc nɔ̈k, ku kuörkï juöör ku wuöt ke pinynɔm ëbɛ̈n.

Dhek 1:15

ku yɛn diu piɔ̈u wokë juöör rɛ̈ɛ̈r ë läŋ. Yɛn aacï piɔ̈u diu ë määth, ku acïk agönhdï jɔ ŋuak nyin.

Dhek 14:12

Bɛ̈nydït abï jɔŋ tuc thok yiɛ̈n juöör bï tɔŋ lɛɛr Jeruthalem. Abïk gup ŋuäc ke ke ŋoot ke ke pïïr. Ku nyïïnken kekë liëpken abïk ŋuäc aya.

Nyuuth 6:10

Agokï cööt ë röl dït luelkï, an, “Ee nɛn, yïn Bɛ̈nydït, ɣeric ku ye yic, en bï yïn löŋ guiir, ku bä riɛmda guöör ë kɔc rɛ̈ɛ̈r ë piny nɔm në biäk cï kek wo nɔ̈k?”