Ɣabakuk 2:3 - JAM DE NHIALIC 2011

³ Yïn bï nyuuthë dhil gɔ̈ɔ̈r ku abï aköölkë tiit. Ku kë cä nyuöth yïn abï rɔt looi. Na cït kë gääu, ke tit abï dhil bɛ̈n, acï bï gääu.

Ɣabakuk 2:3 Iomraidhean Croise

2 Mel 6:33

Të wën jɔ yen ŋoot ke jam ke keek, ke tuny ë melik ë go bɛ̈n tëde Elica ku lueel an, “Ee Bɛ̈nydït Yen ë bïï ë nuɛɛnkë! Ka eeŋö ja bɛ tiët Bɛ̈nydït?”

Diɛt 102:13

Yïn bï rɔt jɔt ku kokë piɔ̈u we Dhiɔn, akööl acïk bɛ̈n akööl bï Yïn piɔ̈u kok wekë yen, kööl rɔ̈ŋ kï ee kënë.

Diɛt 27:14

Tit kuɔɔny de Bɛ̈nydït. Rit yïpiɔ̈u ku tɔ rɔt ril, ku tit kuɔɔny de Bɛ̈nydït.

Bɛ̈n 12:41

Ku në kööl ë thöök ë bot kaŋuan ku thiërdiäk thook, yen aa jël ë kɔc ke Bɛ̈nydït ë Rip kedhie.

Yith 30:18

Ku Bɛ̈nydït aŋoot ke tït week bäk bɛ̈n të nu Yen. Ke bï we nyuöth nhiëërde kekë kokëpiɔ̈u në luɔi ye Nhialic yic looi. Thieithieei në kɔc ee Bɛ̈nydït ŋɔ̈ɔ̈th.

Yith 7:4

lɛ̈kë yen bï yïn ke cïï nin, ku ë pɛ̈l rɔt piny ke cïï riɔ̈c ku cïï piɔ̈u jeth. Agönh de Redhin melik de Thiriya kekë Peka wën ë Remalia melik de Yithriɛl, acïn kë bïk lëu acïtkï many de tiim kaarou tol thook tei.

Yith 8:17

Bɛ̈nydït acï rɔt thiaan ë kɔcke, ku aya ŋɔ̈ɔ̈th, ku yɛn aa aŋäthdï tääu në Yeguöp.

Jeremia 27:7

Juöör ëbɛ̈n abïk yen luööi, ku luuikï wɛ̈ɛ̈tke, ku wɛ̈ɛ̈t ke mïthke, agut kööl bïï wïïk bïï jurde wïïk bɛ̈n. Ku ëtɛ̈ɛ̈n jurde abï juöör ril jɔ aa luööi ku abïï meliik dït tɔ ee lïmden.

Edhekiɛl 12:25

Yɛn Bɛ̈nydït Yɛn bï jam wo keek, ku kë bä lueel abïï looi. Abï ciën agääu. Në runkuön ke pïïr, yïn bï löŋ rɛɛc, ku yɛn bï kë cän we jɔ̈ɔ̈ny an bä looi looi.” Acä lueel yɛn Bɛ̈nydït Awärjäŋ.

Edhekiɛl 30:9

“Të le ee köölë bɛ̈n ku cï Rip riɔ̈ɔ̈k, ke Yɛn bï tuuckï tooc në abëël wïïr bïk kɔc ke Ethiopia cie diɛɛr lɔ jat nhial, ku abïk riɔ̈ɔ̈c arëët. Yen ee köölë abɔ̈!

Danyel 10:14

Yɛn aa bɔ̈ bä yïn tɔ ŋic kë bï rɔt luöi kɔckun wadäŋ. Kënë ee nyuuth në biäk de wadäŋ.

Danyel 11:27

Ku meliikë kaarou abïk nyuc piny bïk cam në aduŋ tök yic, ku täŋden abï yic dɛ ruëëny, abïk röt math. Ku acïkï kë kɔɔrkï bï yök, në biäk kën ë köölë bɛ̈n.

Danyel 11:35

Ku kɔc kɔ̈k në bänykɛn pelnïïm yiic, abïï keek nɔ̈k, ku në biäk de ee kënë kɔc abïk gup piath. Kënë abï rɔt jɔ cuuth aya agut të le ë thök bɛ̈n, kööl cï Nhialic lueel.

Danyel 8:17

Go Gabriɛl bɛ̈n ku kɛ̈ɛ̈c ë yalɔ̈ɔ̈m, ku yɛn aa cï riɔ̈ɔ̈c aläl, man abä wïïk piny. Go lɛ̈k ɛn an, “Mɛnh ë raan, yök kë lueel yic. Nyuuth alueel kë däŋ në biäk de akööl ciëën.

Danyel 8:19

ku lueel an, “Yïn cï nyuöth kë bï agönh de Nhialic lɔ̈ɔ̈k looi, nyuuth anyoothkï täu de akööl ciëën.

Danyel 9:24

“Dhorou raan thiërdhorou ke run, ee kaam cï Nhialic mac bï yen kɔcku kekë pänydït ɣeric gäm nɔm lääu në kërac yic kekë luɔi rac. Awäc abï pɔ̈l, ku piathëpiɔ̈u athɛɛr abïï gɔl, ago nyuuth ku kake tiët aa yic, ku be tëɣeric aläl tɔc bɛ gäm Bɛ̈nydït.

Maika 7:7

Ku yɛn bï Bɛ̈nydït woi nyin, ku tiɛɛt Nhialicdï në luɔi bï yen a kony, ku Nhialicdï abï ya piŋ thok.

Dhep 3:8

Aye Bɛ̈nydït lueel an, “Kääckï, tiɛtkï kööl bän rɔt jɔt, ke Ya ye cäätɔ gɔɔny juöör, acä dhel ë Yapiɔ̈u luɔi bän juöör ku lɔ ciɛɛŋ ke pinynɔm määtic, ke ke bä tɔ yök tuöc ë thok de agönhdï. Pinynɔm ëbɛ̈n abï riɔ̈ɔ̈k në many de agönhdï.

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

Luk 2:25

Ku ade raan nu Jeruthalem, cɔl Thimion, raanë apiɛthpiɔ̈u, ee Nhialic riëëu, ku ye muŋ bï Yithriɛl muk piɔ̈u tiit, ku tɔ̈u Wëidït ɣer në yen.

Luɔi 1:7

Go keek yɔ̈ɔ̈k an, “Ŋïny bä wek akööl ŋic ayï run, akööl ku run cïï Nhialic tääu ë yecin etök, acie këdun.

Luɔi 17:26

Ku yen ee juöör tɔ dhiëth ëbɛ̈n në riɛm tök, abïk piny ɣap nɔm ëbɛ̈n, ku ye keek gäm runkɛn cï kɔn lueel ɣɔn thɛɛr, ku gëm keek akɛɛth ke pinydɛn bï kek ɣap thïn.

Galatai 4:2

ku ye rëër ë kɔc cök kɔc ë ye muk ku kɔc cï tääu ë dhiën nɔm, aɣet kööl bïï wun lueel.

2 Pet 2:3

Ku kɔɔr ee kek wëu juëc kɔɔr, en a bï kek week aa cam në jam ë ruëëny, ku guiëër bï löŋden guiir, guiëërdɛn thɛɛr, acie gääu, ku cïï riääkden ee nok!

2 Pet 3:9

Bɛ̈nydït acie gääu në kë cï kɔn lueel, ë gääu ee kɔc kɔ̈k tɔ ye gääu, ku alirpiɔ̈u ë thuaat kekë wook, ku acïn piɔ̈u luɔi bï raan tök määr, ee luɔi bï kɔc puŋdepiɔ̈u yök kedhie en anu ë yepiɔ̈u.