Ɣabakuk 1:6 - JAM DE NHIALIC 2011

⁶ Yɛn bï kɔc ke Babilon tɔ bɔ̈ nhial, ee jur de guöp akuöörkuöör cie bäp. Kɔc ee piny baar ëbɛ̈n, ku peckï wuöt kɔ̈k.

Ɣabakuk 1:6 Iomraidhean Croise

2 Mel 24:1

Në akööl ke Jeɣoyakim, go Nebukadnedhar melik de Babilonia Juda mak, go Jeɣoyakim tɔ ye raan ee ye luööi në run kadiäk, ku jɔ bɛ rɛɛc thok.

2 Mel 24:2

Go Bɛ̈nydït kɔc ee tɔŋ bɛ̈ɛ̈i tuöc Juda, rem de Babilon, ku Thiriya, ku Mowap, ku Amon, bïk bɛ̈n thɔ̈ɔ̈r ë Jeɣoyakim ku bïk Juda lɔ riɔ̈ɔ̈k, cït man cïï Bɛ̈nydït ye lueel, në röl de lïïmke tït ke Nhialic.

2 Lëk 36:17

Go Bɛ̈nydït melik de Babilonia bɛ̈ɛ̈i bïï keek bɛ̈n luöi tɔŋ. Go melik dhuök ke Juda nɔ̈k ɣön tɔ̈u tëdɛn ɣeric. Akën piɔ̈u kok ke kɔc, kɔc kor ayï kɔcdït, röör ku diäär, kɔc de gup juäi ku kɔc piɔl gup. Kɔc kedhie acï Nhialic keek tääu ë yeciin.

2 Lëk 36:6

Na ɣɔn ke melik Nebukadnedhar ë leer tɔŋ Juda ku dɔm Jeɣoyakim, ku jɔt ke rɛk leer Babilon.

Yith 23:13

(Aa ye kɔc ke Babilonia, acie kɔc ke Athiriya kek ë tɔ läi roor nöm Tayer. Aa ye kɔc ke Babilonia kek ë took wut në aloc bär, ku dhoŋkï ɣään ke riɛl de Tayer piny, ku nyiëëŋkï pänydït piny ke cï riääk)

Jeremia 13:20

Daaiyë Jeruthalem! Kɔc ke aterdu abïkï të lɔ rut! Tɔ̈u kɔc ënou kɔc wään muk keek, kɔckuön wään ee yïn rɔt lɛɛc?

Jeremia 21:4

Kë bä lɛ̈k Dhedekia kï, an Acïï Bɛ̈nydït Nhialic de Yithriɛl lueel an, “Yɛn bï remduön ë tɔŋ bï thɔ̈ɔ̈r kekë melik de Babilonia tiaam. Yɛn bï tɔɔŋ ke remduön ë tɔŋ kut nïïm ë pänydïtic cil.

Jeremia 21:7

Ku në ee kakë cök Yɛn bï Dhedekia melik de Juda gam, kekë kɔc ee ye luööi, ku kɔc nu ee pänydïïtë yic, kɔc bï poth në jɔɔkiic, ku tɔŋic, ku cɔkic, abä ke gäm Nebukadnedhar melik de Babilon, ku gäm ke remdɛn ë tɔŋ, ku gäm ke kɔc kɔɔr bïk keek nɔ̈k. Abïï keek nɔ̈k në abätäu, acïï ke bï nyuöth kokëpiɔ̈u, ku cïï kie päl, ku cïï ke tɔ pïïr. Acä lueel, Yɛn Bɛ̈nydït.”

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 30:5

“Yɛn cï dhiën ë riɔ̈ɔ̈cdït piŋ, dhiën de riɔ̈ɔ̈c ke cie dhiën de mät.

Jeremia 4:11

Akööl abïkï, akööl bïï ë kɔc ke Jeruthalem yɔ̈ɔ̈k në biäk bï yomdïït bɔ̈ në jɔ̈ɔ̈ric bɛ̈n ke bɔ̈ tëde keek. Acïï bï ya yom thiin wën ee ayiɛl gɔp,

Jeremia 4:6

Nyuɔthkï kueer lɔ Dhiɔn! Kuɔnykï röt wei! Duökï gääu! Bɛ̈nydït abïï riääk, riäŋdïït bɔ̈ në biäk të lɔ rut.

Jeremia 4:8

Ka tääukï lupɔɔ ke cual në we kɔ̈ɔ̈th, ku dhiaukï, ku dhuöörkï, në biäk kën agönh tuc de Bɛ̈nydït thök, akën rɔt yal wei në Juda.

Jeremia 5:15

Baai de Yithriɛl, Bɛ̈nydït abï jur bɛ̈ɛ̈i tëmec bïï we bɛ̈n mak. Ee jur thɛɛr ku ril, jur cä wek thoŋde ŋic.

Jeremia 8:10

Yɛn bï duumken gäm kɔc kɔ̈k, ku gäm diëërken röör kɔ̈k. Raan ëbɛ̈n meth ku raandït aye kɔɔr bïï wëu yök në kueer de ruëëny. Ayï tït ke Nhialic ku bäny de kakë Nhialic ayek kɔc math.

Edhekiɛl 16:40

“Abïk kuut de kɔc yɔ̈ɔ̈k bïk yïn biɔ̈ɔ̈k, ku abïk yïn tɛm ë thïïm në abätɛ̈ɛ̈uken.

Edhekiɛl 21:31

Wek bï agönhdï yök, të la yɛn en pɔ̈l ke lääuwic në yïguöp cït many dɛ̈p. Wek bä gäm kɔc rac, kɔc ŋic riääk de käŋ.

Edhekiɛl 28:7

Yɛn bï alɛi yiɛ̈n week, juöör rac aläl abïk we mak. Abïk kapiɛthkuön cäk yök në pɛlënɔmdun ku tëëtdun riɔ̈ɔ̈k në abätɛ̈ɛ̈u.

Edhekiɛl 31:12

Abï alɛi cïn piɔ̈ɔ̈th yiɛp piny ku nyiëëŋkï piny. Kërkɛn cï dhuɔɔŋ ku yïthke abïk lööny në kur nïïm ku wɛ̈k yiic në baai yic ëbɛ̈n. Juöör ɣɔn rɛ̈ɛ̈r në atïmde yic kedhie abïk jäl.

Jowɛl 2:3

Mac ee käŋ nyop në kenïïm tueŋ, piny ee tɔ̈c cï dom de Eden në kenïïm tueŋ, ku në kecök ciëën ee döŋ ke ye jɔ̈ɔ̈r baaŋ. Acïn kë ye ban në kecin.