Ɣabakuk 1:3 - JAM DE NHIALIC 2011

³ Eeŋö tɔ yïn ɛn tïŋ ee kërɛɛcë? Ku eeŋö duëër Yïn karɛc loi guum ke ke woi? Riääk ku akuöörkuöör kek anu në yalɔ̈ɔ̈m, ku tɔɔŋ ku agööth acïk juëc.

Ɣabakuk 1:3 Iomraidhean Croise

Wɛ̈ɛ̈t 4:1

Guɔ bɛ daai, ku tiëŋ yaaŋ loi rɔt ëbɛ̈n ë piny nɔm, dhiën dhiɛɛu ë kɔc yɔŋ keek, ku acïn raan dut ke piɔ̈ɔ̈th ku kony keek: ku kɔc ee keek yɔŋ adekï nïïm riɛl.

Wɛ̈ɛ̈t 5:8

Të tïŋ yïn piny ayɔŋë kɔc kuanynyïïn thïn ku jɔt yicden në riɛl, ke yï du gäi. Në luɔi ye bɛ̈ny nɔm dɛ raan mät ke yen nu në yenɔm, ku ade bäny dït kɔ̈k mät ë keek nu ë kenïïm.

Yith 46:12

“Piɛŋkï këdï, wek kɔc ril nïïm, kɔc ee ye tak nɔn mec ë tiëm aläl.

Yith 5:7

Baai de Yithriɛl ee dom de tiim de Bɛ̈nydït de rɛm, kɔc ke Juda ee kek ee tiim cï piith ee Ye miëët piɔ̈u. Aake ŋɛ̈ɛ̈th nɔn duëër kek yic aa looi, ke ke päl yic ku yek kɔc nɔ̈k. Aa ŋɛ̈ɛ̈th bï piathëpiɔ̈u yök tëde keek, ku kɔc yɔŋkï keek adhiëëukï yic.

Jeremia 15:10

Amawoou yɛn dhiau piɔ̈u! Eeŋö jɔ amaar yɛn bɛ̈ɛ̈i ë piny nɔm? Yɛn ee göth ku tɛɛr wo kɔc ëbɛ̈n kɔc ke pinyda. Yɛn cïn wënh cä nööm ku cïn wënh cä gam, ku kɔc kedhie ayek ya läm aciɛɛn.

Jeremia 20:18

Eeŋö dhiëëthë yɛn? Ee biäk bän aa nuan ku ja piɔ̈u jiɛth, ku thök pïïrdï në ayäär?

Jeremia 20:8

Të ee yɛn jam yɛn ee dhiau ë röldït ku kiɛɛu an, “Akuöörkuöör! Riääk!” Bɛ̈nydït yɛn ye dɔl guöp, ku biɔn yɛn guöp në biäk yan jamdu lueel.

Edhekiɛl 2:6

“Ku yïn an, mɛnh ë raan, yïn cïï bï riɔ̈ɔ̈c në keek, ku nɔn riɔ̈c në kë bïk lueel. Keek abïk yïn läät ku abïk yïn biɔn guöp, yïn bï ciët raan rɛ̈ɛ̈r ë manciëëi yiic. Ku ŋuɔɔtë ke yï cïï riɔ̈c në keek, kek kɔc ril nïïmkë ku nɔn yen kë bïk lueel.

Math 10:16

Tiëŋkï, wek tuɔɔc abäk ciët man ë amɛ̈l cï lɔ ë aŋuööth yiic, yen aa wek pɛl cït man ë karɛc, ku yak gup ciën akɔ̈ɔ̈k cït man ë guk.

2 Pet 2:8

Raan piɛthpiɔ̈uwë ɣɔn rëër en ë keyiic, ago käŋ aa tïŋ ku piŋ ke, aaye piɔ̈u jiɛth ë aköölnyïïn në luɔidɛn rac ye kek löŋ yalic: