Ethta 9:22 - JAM DE NHIALIC 2011

²² Kek ë nïnkë, kek aa cïï kɔc ke Judai röt kony në kɔc ke aterden cin, ku yen ë pɛɛiyë, yen aaye pɛɛi de jiɛthëpiɔ̈u ku dhiëëu, acï rɔt bɛ̈n puk ke ye pɛɛi de miɛtëpiɔ̈u. Acï ke bɛ̈n yɔ̈ɔ̈k bïk nïnkë aa döt, bï kek dhuëëŋ de miɛtëpiɔ̈u aa looi, ye kek biɔl de miɛtëpiɔ̈u näk röt, ku yek kɔc kuanynyïïn miɔɔc thïn ayadäŋ.

Ethta 9:22 Iomraidhean Croise

Ethta 9:19

Yen ee kënë, yen aye kɔc ke Judai tɔ̈u ë bɛ̈i yiic ku wuötiic lɔ̈ŋ ë ruöön thok ëbɛ̈n, të cï pɛɛi de Adar thok thiëër ku ŋuan, ayek nööm ke ye kööl de miɛtëpiɔ̈u ku dhuëëŋ, ye kek biɔl de miɛtëpiɔ̈u näk röt.

Ethta 9:21

yöök keek bïk nïn ke pɛɛi de Adar ke ye thok thiëër ku ŋuan ku thiëër ku dhïc nööm ke ye akööl ke lɔ̈ŋ bï kek dhuëëŋ de miɛtëpiɔ̈u aa looi thïn, në ruöön thok ëbɛ̈n.

Ethta 9:23

Ku jɔ kɔc ke Judai këriëëc aa looi ëbɛ̈n cït man cïï kek e gɔl thar, ku gɛ̈ɛ̈r cïï Modekayo e gäär keek.

Diɛt 103:2

Wek wëikï, we bï Bɛ̈nydït thieei, ku du nɔm mär në luɔi piɛth En.

Diɛt 149:7

bïk juöör lɔ tiaam, ku bïk kɔc luöi këtuc,

Diɛt 30:11

Yïn cï dhiënëpiɔ̈ndï puk ke ye cöŋ, yïn cï jiɛthëpiɔ̈ndï nyaai ku waar në miɛtëpiɔ̈u.

Diɛt 30:12

Yɛn cïï thok bï mim, yïn bä leec. Bɛ̈nydït Nhialicdï, yïn bä leec aɣet athɛɛr.

Diɛt 37:15

ku abï keek nɔ̈k në abätɛ̈ɛ̈uken, ku dhɛ̈ŋken abï ke dhuööŋ kɔ̈ɔ̈th.

Yith 14:3

Bɛ̈nydït abï kɔc ke Yithriɛl tɔ dem në arɛɛmden ku nuanden ku luɔi tuc ɣɔn ye kuöt keek në riɛl an loikï.

Dhek 8:19

“Kë cï Bɛ̈nydït de rɛm lueelkï: an thɛ̈k ye pɛɛi ye pɛ̈i ŋuan theek, ayï pɛɛi ye pɛ̈i dhïc, ayï pɛɛi ye pɛ̈i dhorou, ayï pɛɛi ye pɛ̈i thiëër abïk aa dhuëŋ ku miɛtëpiɔ̈u arëët tëde baai de Juda. Ka week nhiaarkï yic, ku mät.

Math 5:4

Thieithieei ë kɔc ë dhiau, abï ke luk piɔ̈ɔ̈th.

Luk 11:41

Aŋuän luɔi bä wek kɔc kuanynyïïn miɔɔc në ka cath në week, ku tiëŋkï, käŋ kedhie ayek ɣɛɛr tëde week.

Galatai 2:10

Ee cöökë etök tei an, täŋ bï wok kɔc kuanynyïïn aa tak, ku yen ee cöök manë guöp aa ya yɛn cool ë lëthic ë ye.

Nyöŋ 15:7

“Na de raanduön de Yithriɛl, raan cïn nɔm käŋ nu wutic, në wuöt nu piny bï Bɛ̈nydït gäm week, ke we duökï röt tɔ ya acɔɔk, ku jaikï në kuny kuɔny wek en.

Nyöŋ 16:14

Miɛtkï piɔ̈ɔ̈th në yen ë mïthkun, ku kɔc ee we luööi, ku Lebai, ku kɔc lei, ku mïth abɛɛr, ku diëër abɛɛr rɛ̈ɛ̈r ë wuötkuniic.

Nyöŋ 16:15

Riëëukï Bɛ̈nydït Nhialicdun në luɔi bä wek dhuëëŋë looi në nïn kadhorouwiic të töŋ de läm. Yak piɔ̈ɔ̈th miɛt, në biäk cïï Bɛ̈nydït tëmdun kekë luɔidun thieei.

Nyuuth 11:10

Go kɔc rɛ̈ɛ̈r ë piny nɔm gokï piɔ̈ɔ̈th miɛt në thonden, ku dɔlkï, ku abïk röt miɔɔc ë käŋ kapäc, luɔi cï tïtkë kaarou kɔc rɛ̈ɛ̈r ë piny nɔm leeŋ wëi.

1 Tham 25:8

Thiëc lïïmku ku abïk lɛ̈k yïn. Ka ënɔɔnë jɔ piɔ̈u kok wekë dhuökiën thiikë, cït man cï wok bɛ̈n tëde yïn ë kööl de dhuëëŋ ënɔɔnë yïn liɛm miɔc lïïmku kekë wëndu Debid ë këduön duëërë gäm keek!”