Ethta 9:2 - JAM DE NHIALIC 2011

² Në ye köölë kɔc ke Judai acïk röt jɔ määt në ɣäänkɛn rëër kek thïn ë wuötiic kedhie, wuöt mɛc Melik Athuwereth, bïk kɔc mak, kɔc kɔɔr bïk kɔc ke Judai nyaai nyïïn. Acïn raan cï bɛ̈n kɔ̈ɔ̈c ë kenïïm, në biäk cïï kɔc tɔ̈u ë wuötiic kedhie riɔ̈ɔ̈c në keek.

Ethta 9:2 Iomraidhean Croise

Cäk 35:5

Na wën, ajël Jakop kekë mïthke, ke Nhialic ë tɔ kɔc nu në pɛ̈ɛ̈nydït thiääk në keek dɔm ë riɔ̈ɔ̈c. Gokï ke kɛ̈n bɛ̈n kuany cök.

Ethta 8:11

Në awereekë yiic acïï melik päl kɔc ke Judai nu ë wuötiic ëbɛ̈n bïk ke yiic aa määt, ku bïk röt kony në pïïr bï kek pïïr. Bïk kɔc tɛm röt, ku bïk ke riɔ̈ɔ̈k, ku riäärkï kɔc nyïïn, kɔc lɔ keek yiɛ̈n tɔŋ, ku nɔn yen wun bï tɔŋ yiɛ̈n keek, ayï mïthken ku diëërken, ku yakï kaken,

Ethta 8:17

Në pɛ̈ɛ̈nydït ë wuötiic kedhie, wuöt cïï ke lööŋ ke melik piŋ thïn, aaye miɛtëpiɔ̈u tëde kɔc ke Judai, agokï lɔ̈ŋ ku loikï dhuëëŋ. Ku kɔc juëc ke ee paanë, acïk röt bɛ̈n aa cɔɔl an yek kɔc ke Judai, në riɔ̈ɔ̈c riɔ̈ɔ̈c kek në keek.

Ethta 9:10

Kek wɛ̈ɛ̈t kathiëër ke Ɣaman, wën de Ɣamedatha ka, raan de ater de Judai, ku akënkï kecin tääu në yäkic.

Diɛt 71:13

Kɔc ee ya mak ë ke tiam ke ku riäär ke. Kɔc kɔɔr bïk ya yiëk guöp bɔ̈t, ë ke yäär ku riɔ̈ckï gup.

Diɛt 71:24

Yɛn bï aa jam në piathëpiɔ̈ndu ë aköölnyïïn ëbɛ̈n, në biäk cïï e kɔc kɔɔr bïk ya yiëk guöp buɔ̈t tɔ yäär ku tɔ keek riɔ̈c gup.

Bɛ̈n 23:27

“Kɔc ee week kaaŋ nïïm abä keek aa riääc, ku nuɔɔn kɔc gɔ̈m në week. Ku kɔc de ater në week abä keek aa tɔ kɔt në week.

Yith 8:9

Määtkï wenïïm ëtök në riɔ̈ɔ̈c wek kɔc cieŋ piny! Piëŋë yïn piny mec nu biäk tui. Cuɔckï röt thäärkï ku yak riɔ̈ɔ̈c! Ɣɛɛ, cuɔckï röt ku yak riɔ̈ɔ̈c!

Nyöŋ 2:30

“Ku Thiɣon melik de Ɣecbon ëbɛ̈n jai ku cïï wook pɛ̈l luɔi bï wek tëëk paanden, në cïï Bɛ̈nydït Nhialicdun yen tɔ ril nɔm ago tääu në wecin. Ku tiamku, rumku pinyde ëbɛ̈n.

Jocua 11:20

Aake cïï Bɛ̈nydït tɔ gam tɔŋ në Yithriɛl, në luɔi bïï ke riɔ̈ɔ̈k taitai, ku näk keek të cïn kokdepiɔ̈u. Yen kë ɣɔn thön ë Bɛ̈nydït Mothe ka.

Jocua 2:9

“Aŋiɛc luɔi cï Bɛ̈nydït we gäm ee pinyë. Raan ëbɛ̈n në woyiic, ë riɔ̈ɔ̈c në week.