Ethta 8:11 - JAM DE NHIALIC 2011

¹¹ Në awereekë yiic acïï melik päl kɔc ke Judai nu ë wuötiic ëbɛ̈n bïk ke yiic aa määt, ku bïk röt kony në pïïr bï kek pïïr. Bïk kɔc tɛm röt, ku bïk ke riɔ̈ɔ̈k, ku riäärkï kɔc nyïïn, kɔc lɔ keek yiɛ̈n tɔŋ, ku nɔn yen wun bï tɔŋ yiɛ̈n keek, ayï mïthken ku diëërken, ku yakï kaken,

Ethta 8:11 Iomraidhean Croise

Ethta 3:13

Ku jɔ ke gäm tuuc, bïk awereekë tɛk ë wuötiic kedhie. Ku awereekë ayöökkï bäny ë wuötiic an, kööl töŋ de nïn thiëër ku diäk de pɛɛi Adar, kɔc ke Judai kedhie, raandït, ku meth, ayïï diäär ëbɛ̈n ë ke näk keek kedhie. Ë ke tem ë ke röt, ke cïn raan kok piɔ̈u ke keek, ku kaken ë ke rum.

Ethta 9:18

Ku Judai tɔ̈u ë Thutha, aake biɔ̈k në kɔc ke aterden, në kööl yen thok thiëër ku diäk ku thiëër ku ŋuan de pɛɛi de Adar, ku kööl yen thok thiëër ku dhïc, ke ke jɔ lɔ̈ŋ ku nömkï ke ye kööl de miɛtëpiɔ̈u, looi kek dhuëëŋ thïn.

Diɛt 137:8

Babilon, yïn bïï riɔ̈ɔ̈k. Thieithieei në kɔc ee yïn luöi këtuc, në biäk de kë cï luöi wook,

Diɛt 68:3

Ku kɔc piɛthpiɔ̈ɔ̈th abïk piɔ̈ɔ̈th miɛt, ku abïk dɔl ë Nhialic nɔm, abïk piɔ̈ɔ̈th miɛt, ku mockï kiɛɛu ë miɛtëpiɔ̈u.

Yith 10:6

Yɛn cï Athiriya tooc bïï jur kuc Nhialic lɔ mak, kɔc cï Ya tɔ göth. Acä tooc bïï lɔ yak ku kuël ku dum kɔc yiic cït kë cath ë dhuur nɔm kueer.”

Edhekiɛl 39:10

Acïkï bï bɛ aa kuany në tiim ë duum yiic, ku nɔn yep kek tiim në ruɔɔr yiic, në biäk bïï kek dɛ dhɛ̈ŋ juëc bïï kek mac aa dɛ̈ɛ̈p. Abïk kɔc wään cï keek rum ku yakkï keek bɛ rum ku yakkï keek.” Acïï Bɛ̈nydït Awärjäŋ lueel.