Ethta 7:7 - JAM DE NHIALIC 2011

⁷ Go Melik rɔt jɔt ke cï ŋeeny, ku nyiëëŋ mɔ̈nde piny ku le domic baaide. Jɔ Ɣaman guɔ ŋic nɔn cïï Melik e kiëët në yepiɔ̈u në këtuc bïï luöi yen, go döŋ ciëën ke lim Ethta tiiŋ Melik, bïï yen kony wëi.

Ethta 7:7 Iomraidhean Croise

Ethta 1:12

Na wën aa lɔ rooc ee thoŋë lɛ̈k Bacti tiiŋ Melik, go ke rɛɛc thook, ku kënë ë Melik bɛ̈n riɔ̈ɔ̈k piɔ̈u.

Ethta 1:5

Ɣɔn aacï ee nïnkë thök, ke Melik ë lui kɔc wut kedhie dhuëëŋ, kek kɔc kueth ayïï kɔc kuanynyïïn rɛ̈ɛ̈r tëde riɛl nu ë Thutha. Aa thöl nïn kadhorou kedhie, ku aa loi në kal de baai de Melik yic.

Ethta 7:10

Gokï Ɣaman nöök ee timë kɔ̈u, timdɛn wään cï looi an bïï yen Modekayo tɔ nök. Go Melik piɔ̈u jɔ lɔ piny në agɔ̈th.

Diɛt 112:10

Kɔc rac ayek ee kënë tïŋ ku göthkï, ayek ke lec reem ku jiëlkï, kë ye kɔc rac kɔɔr ee kë cïn naamde.

Kɛ̈ŋ 14:19

Kɔc ee karɛc looi abïk nyuc në kɔc piɛth piɔ̈ɔ̈th nïïm.

Kɛ̈ŋ 14:35

Bɛ̈ny ee piɔ̈u miɛt kekë raan ŋic luɔi, ku raan ë ayäär bɛ̈ɛ̈i ee ye tɔ göth.

Kɛ̈ŋ 16:14

Agönh ë bɛ̈ny ee tuny de thuɔɔu, ku raan pelnɔm ee bɛ̈ny tɔ lɔ piɔ̈u piny.

Kɛ̈ŋ 19:12

Ŋeeny ë bɛ̈ny acït ŋäär ë köör, ku cït miɛt de piɔ̈nde thɛ̈c kekë wal tɔ̈c.

Yith 60:14

Kuat de kɔc yɔŋ week abïk bɛ̈n ku tukkï kemiɔl piny nyooth kek riëëuden. Kɔc wään ee yïn biɔɔn guöp, abïk lam në yïcök piny. Abïk yïn cɔɔl an, ‘Pänydïït de Bɛ̈nydït.’ ‘Dhiɔn, pänydït de Nhialic Ɣeric de Yithriɛl.’

Danyel 3:19

Go melik Nebukadnedhar piɔ̈u diu, abï nyin thiɛth në agɔ̈th kekë Cadrak ku Mecak ku Abenego. Ago kɔc yɔ̈ɔ̈k bïk many dɛ̈p ŋuak në tuöc raandhorou awär täude.

Nyuuth 3:9

Tïŋ, yɛn bï kɔc ke luaŋ de Catan tɔ bɔ̈, kɔc ee röt tɔ ye Judai, ku cïkï ye Judai, ku ye lueth en törkï, tïŋ, abä ke tɔ bɔ̈ bïk ku gutkï kenïïm piny ë yïcök, ku ta ŋickï nɔn cän yï nhiaar.

1 Tham 20:7

Na cï gam an, Apiɛth ke ŋic nɔn cïn en kërɛɛc köör ɛn. Na le gɔ̈th, ka bä jɔ guɔ ŋic nɔn de yen kërɛɛc kɔɔr bï luöi yɛn.

1 Tham 20:9

Go Jɔnathan bɛ̈ɛ̈r an, “Du täk aya! Na piɛŋ en nɔn kɔɔr ë wäär an nɛ̈k yïn, cä duëër lɛ̈k yïn?”

1 Tham 25:17

Yen tëde ka ënɔɔnë takkic apiɛth ku tïŋ kë bä looi, në biäk cïï riääk thiök kekë bɛ̈nyda, ku paande ëbɛ̈n. Ee raan rac aläl ku acïn raan duëër en jam de piŋ!”