Ethta 7:4 - JAM DE NHIALIC 2011

⁴ Wok cï thök në ɣɔɔc ɣöcë wo thuɔɔu, yɛn wokë kɔckï, bï wo tɛm röt, riäk wo, ku riäär wonyïïn. Na jɔ wo ɣaac tei në luɔi bï wok aa lïïm, diäär ku röör, ke yɛn duëër mim ku cïn kë luɛɛl, acie yen duëër ë raan Melik jut guöp!”

Ethta 7:4 Iomraidhean Croise

Neɣe 5:5

Wok ee jur tök ë kɔckuɔn ke Judai, cï mïthkuɔ piɛth cït man ë mïthken? Ku wok ee mïthkuɔ ɣaac bïk aa lïïm ka duetkuɔn kɔ̈k acï ke guɔ ɣaac, ke ke ye lïïm. Wok ënïïm ciën riɛl në biäk cïï duumkuɔn ke rap, ku duumkuɔn ke tiim jɔt tëde wook.”

Ethta 3:13

Ku jɔ ke gäm tuuc, bïk awereekë tɛk ë wuötiic kedhie. Ku awereekë ayöökkï bäny ë wuötiic an, kööl töŋ de nïn thiëër ku diäk de pɛɛi Adar, kɔc ke Judai kedhie, raandït, ku meth, ayïï diäär ëbɛ̈n ë ke näk keek kedhie. Ë ke tem ë ke röt, ke cïn raan kok piɔ̈u ke keek, ku kaken ë ke rum.

Ethta 3:9

Na duëër yï miëtpiɔ̈u, ke yïn duëër löŋ tääu piny, bï ë keek nɔ̈k kedhie. Ku na lɔ ee kënë looi, ke yïn bä gäm kë wär thëm de bot kadiäk ku thiërŋuan de agum 340,000 de kilɔɔ ke atek, bï ke gäm kɔc ee kake bäny muk, bïk ke tääu ë kakuön ke bääny yic.”

Ethta 7:5

Go Melik Athuwereth lɛ̈k tiiŋ Melik Ethta an, “Eeŋa ku tɔ̈u ë nou, yen ë raan kɔɔr bïï kërɛɛc cït ee kënë looi?”

Ethta 7:6

Go Ethta pɔ̈k nɔm en an, “Raan aterda yɔŋ wook ee yen ë raan rɛɛc cɔl Ɣamanë!” Go Ɣaman lath në riɔ̈ɔ̈c riɔ̈ɔ̈c en në melik kekë tiiŋde.

Ethta 8:11

Në awereekë yiic acïï melik päl kɔc ke Judai nu ë wuötiic ëbɛ̈n bïk ke yiic aa määt, ku bïk röt kony në pïïr bï kek pïïr. Bïk kɔc tɛm röt, ku bïk ke riɔ̈ɔ̈k, ku riäärkï kɔc nyïïn, kɔc lɔ keek yiɛ̈n tɔŋ, ku nɔn yen wun bï tɔŋ yiɛ̈n keek, ayï mïthken ku diëërken, ku yakï kaken,

Ethta 8:6

Duɛ̈ɛ̈r jɔ lëu ë guöm adï ënɔɔnë, të bïï riäŋdïït cït ee kënë tëde kɔckï, ku nɛ̈k kɔc raan ë yɛn?”

Ethta 9:25

ku ëtɛ̈ɛ̈n, Ethta acï bɛ̈n lɔ tëde Melik, ku yen acïï Melik löŋ bɛ̈n tääu piny ku gɛ̈ɛ̈r ë wuötiic, ku löŋë, yen acï Ɣaman bɛ̈n tɔ yök këtuc wään cï kiir, an lui kɔc ke Judai, ku yen acïï Ɣaman kekë wɛ̈ɛ̈tke bɛ̈n nöök në tim kɔ̈u.

Danyel 6:2

Ku jɔ Danyel kuany kekë kɔc kɔ̈k kaarou bïk bäny ke wuöt aa tiit ku bïk ka kɔɔr melik aa looi.

Jowɛl 3:6

Wek cï kɔc ke Juda, ku kɔc ke Jeruthalem ɣɔ̈c kɔc ke Girikii, jatkï keek pinyden ku leerkï ke tëmec.

Amoth 2:6

Aye Bɛ̈nydït lueel an, “Kɔc ke Yithriɛl abä keek luöi këtuc, në biäk de karɛc juëc cïk looi. Acïk kɔc piɛthpiɔ̈ɔ̈th ɣaac në atek, ku ɣɔckï kɔc kuanynyïïn në war ke cök ke raantök.

Luk 12:45

Ku na jam lïmë ë yepiɔ̈u an, bɛ̈nydï acï gääu ë bɛ̈nde, ago wɛ̈ɛ̈t lïïm gɔl ë dui ayï duet lïïm, ku ye cam ku ye dek ku ye rɔt tɔ wit mɔ̈u,

Nyöŋ 28:68

Bɛ̈nydït abï week tuɔɔc ciëën Rip në abëël wïïr, cakaa nɔn cï Yen ë lueel an, wek cïï duëër bɛ lɔ ëtɛ̈ɛ̈n taitai. Ëtɛ̈ɛ̈n we bï röt ɣɔ̈c kɔc ke aterdun ke we ye lïïm, ku acïn raan bï piɔ̈u de luɔi ɣɔɔc en week.

Jocua 9:23

Në luɔi cä wek ë kënë looi, Nhialic ë we cieen. Wek bï jɔ ya kɔc ee tiim yep, ku dhëthkï ɣön ë Nhialicdï yic pïïu anandun.”

1 Tham 22:23

Rɛ̈ɛ̈rë wekë yɛn, ku du riɔ̈c. Thaulo akɔɔr bïï yïn nɔ̈k ku akɔɔr bï ya nɔ̈k aya, ku yïn bï dhil poth wek yɛn.”