Ethta 6:3 - JAM DE NHIALIC 2011

³ Go Melik kɔckɛn ee ye luööi thiëëc an, “Ee dhuëëŋ ŋö cïï wok ye dhuëëŋ guöp në biäk de ee kënë?” Gokï puk nɔm an, “Acïn kë cï luöi yen.”

Ethta 6:3 Iomraidhean Croise

Cäk 40:23

Go raan ee mäu thiëëp nɔm lɔ määr në Jothep taitai, ku cïï be tak.

1 Lëk 11:6

Go Debid lueel an, “Raan tueŋ bï raan ë Jebuth kɔn nɔ̈k, yen abï aa bɛ̈ny ë rem de tɔŋ!” Go Jowap wën de tiiŋ cɔl Dheruia rem de tɔŋ wat lek tɔŋ mak, ku yen acï bɛ̈n aa bɛ̈ny ë rem de tɔŋ.

Ethta 6:2

go yök ke cï gɔ̈ɔ̈r luɔi cïï Modekayo kiɛɛr rɛɛc cï luöi Melik nyuɔɔth. Kiɛɛr kɔɔr bï ë Athuwereth nɔ̈k në rooc yï: Bigathana kekë Terec, kɔc ee ɣöndïït ë Melik tiit thok.

Ethta 6:4

Go Melik ke thiëëc an, “Eeŋa tɔ̈u ë gɔ̈ɔ̈lic?” Ku tëthïïnë, ke Ɣaman ë bɔ̈ kɛl, akɔɔr bï lëk Melik nɔn duëërë en Modekayo tɔ nök në tim bɛ̈ɛ̈rdïït cï piäät në biäkde.

Wɛ̈ɛ̈t 9:15

Ku wunë aa tɔ̈u ë raan pelnɔm kuanynyin thïn, ku yen ë pɛlënɔmdɛnë adï cï ee wunë bɛ̈n luök. Ku acïn raan cïï yenɔm bɛ̈n tak në yen.

Danyel 5:16

Ku ënɔɔnë acä piŋ nɔn yïn löŋ cï thiaan yökic ku wer kacïmoony yiic. Na duëërë kë cï gɔ̈ɔ̈rë kuɛ̈n ɛn ku lɛ̈kë yɛn kë lueel, yïn bï tɔ ceŋ lupɔ thith amujuŋ de bääny, ku ceŋ kuat ë adhääp de riëëu në yïyeth ku yïn bï aa raan de diäk ë riɛl ë ciɛɛŋde yic.

Danyel 5:29

Go Belcadhar kɔcke yöök raantök, bïk Danyel yiɛ̈k kɔ̈u lupɔ thith amujuŋ ku bïk kuat ë adhääp de riëëu tääu ë yeyeth, ku tɔ ee raan de diäk ril në ciɛɛŋ ë bäänyde yic.

Danyel 5:7

Go cööt në luöi bïï ë kɔc bɛ̈ɛ̈i, kɔc ee cɔ̈ɔ̈r, ku kɔc ee lam, ku kɔc ee meek. Na wën cïk bɛ̈n ɣöt, go melik röör pelnïïm yɔ̈ɔ̈k an, “Na lɔ raan ë weyiic ya kuɛ̈n ee gäärë ku nyuth ɛn kë lueel abïï tɔ ceŋ lupɔ thiith amujuŋ de bääny ë melik, ku abï kuat de adhääp ë riëëu ceŋ ë yeyeth, ku abï ya raan de biäk ë bääny de pinydï yic.