Ethta 5:9 - JAM DE NHIALIC 2011

⁹ Na wën jɔ Ɣaman jäl të de dhuëëŋ de këcam, yen aa mit piɔ̈u ku lee piɔ̈u wai. Na wën aa tïŋ Modekayo ë kal ë ɣön ë Melik thok, ku kën rɔt jɔt ku nyuth Ɣaman riëëu të wën tëëk en. Go piɔ̈u riääk arëët ke yen,

Ethta 5:9 Iomraidhean Croise

1 Mel 21:4

Go Aɣap lɔ ɣönde ku nɛ̈k e nyin ke cï piɔ̈u diu, në jam cï lɛ̈k en ë Naboth raan de Jedhreel, luɔi cï en e lueel, an, cïï bï gäm kë cä lɔ̈ɔ̈k lak tëde kuarken. Go lɔ tɔ̈c në agende nɔm, ku wel e nyin wei, ku cïï cäm.

1 Mel 21:6

Go yɔ̈ɔ̈k, an, “Yɛn ë jam wokë Naboth raan ë Jedhreel, guɔ yɔ̈ɔ̈k, an, Gämë yɛn domduön ë enap në wëu ku na ŋuɛ̈ɛ̈n tëde yïn, ke yïn bä wɛ̈ɛ̈r dom däŋ ë enap go bɛ̈ɛ̈r, an, yïn cä bï gäm domdiën de enap!”

Ethta 2:19

Ɣɔn mɛ̈ɛ̈të duet dhueec yiic në këde rou, Modekayo aa lui në kake bääny de Melik yiic.

Ethta 3:2

Go Melik kɔc lui baaide yɔ̈ɔ̈k, bïk riëëuden nyuöth Ɣaman, në tuŋ de miɔl kekë guŋ ë yenɔm. Go kɔc kedhie looi aya, ku ee Modekayo yen acï jaai, në luɔi bï yen e looi aya.

Ethta 3:5

Ɣaman acï piɔ̈u bɛ̈n riääk arëët, ɣɔn cï yen e jɔ ŋic nɔn cïï Modekayo yemiɔl duëër kɔn tuk ku gut enɔm piny ë yenɔm.

Ethta 5:13

ku ee kakë kedhie, acïnkï naamden tëde yɛn, të ŋuɔɔt ɛn ke ya ye Modekayo tïŋ, raan ë Judai ke tɔ̈u ë kal ë ɣöndïït ë Melik thok.”

Jop 20:5

an dɔl ë raan ee karɛc looi acïï rɔt ee cuuth, ku miɛtëpiɔ̈u de raan reec Nhialic, ee ya kaam thiin akäŋ?

Jop 31:31

ku na kën kɔc ke baaidï e lueel an, eeŋa kën kɔn kuɛth në kuïn eenë?

Diɛt 15:4

Ayek kɔc cïï ë Nhialic rɛɛc biɔɔn gup, ku yek kɔc rïïu Bɛ̈nydït dhuëëŋ gup. Ku yek kë cï kek gutguut lueel looi ë ceŋ, acie diɛɛr në këdïït bïï jɔt tëde yen.

Diɛt 27:3

Na cakaa cï rem dïït de tɔŋ a gɛɛu cil, yɛn cïï bï riɔ̈ɔ̈c, na cak kɔc ke ater yɛn mak, yɛn bï ŋoot ke ya ŋäth Nhialic.

Danyel 3:13

Ku ëtɛ̈ɛ̈n melik Nebukadnedhar ë guɔ gɔ̈th, go kɔc yɔ̈ɔ̈k bïk wäthii kadiäk lɔ bɛ̈ɛ̈i ë yenɔm.

Math 10:28

Ku duökï ë riɔ̈ɔ̈c ë kɔc näk raan guöp tei, ku cïkï wëi ke raan lëu ë näk, aŋuän luɔi bä wek aa riɔ̈ɔ̈c në Raan ë wëi ke raan lëu ë näk ayï raan guöp aya ë giɛna yic.

Math 2:16

Na wën, acï Ɣerod ë tïŋ nɔn cï ë geet në röör pelnïïm, go gɔ̈th agönh rac, go kɔc tooc, ku tɔ mïthwät nu Betheleɣem näk kedhie, ayï mïth nu bɛ̈i ruup kedhie, cak në mïth cï runken aa rou ayï mïth lɔ ë kecök, cït man cï en ë cök ë lop en en tëde röör pelnïïm.

Luk 6:25

“Amawoou në week wek kɔc cï kuɛth, we bïï cɔk nɔ̈k! “Amawoou në week, wek kɔc dɔl ënɔɔnë, we bï dhuöör ë dhiëëu!

Jɔn 16:20

Wek yɔ̈ɔ̈k ë yic an: We bï dhiau abäk dhuöör, ku kɔc ke pinynɔm abïk piɔ̈ɔ̈th miɛt: ku we bï piɔ̈ɔ̈th rac, ku rac de wepiɔ̈ɔ̈th abï rɔ puk abï aa miɛtëpiɔ̈u.

Luɔi 7:54

Na wën, aa cïk kake piŋ, ke ke guutë piɔ̈ɔ̈th, agokï kelec reem ë yenɔm.

Jakop 4:9

Jiɛthkï piɔ̈ɔ̈th, ku yak thuc, ku dhiaukï, takï dɔldun puk rɔt aye dhiëëu, ku takï miɛt ë wepiɔ̈ɔ̈th puk rɔt aye jiɛthëpiɔ̈u!