Ethta 5:1 - JAM DE NHIALIC 2011

¹ Ɣɔn në kööl ye thɛ̈k nïn diäk, ke Ethta ë jɔ lupɔɔkɛn ke bääny tääu, ku jɔ lɔ ë gɔ̈ɔ̈lic thïn ku kɛ̈ɛ̈c ɣön ë Melik thok. Aa kääc ke wël enɔm thöny de Melik tɔ̈u ɣööt thïn, ku rɛ̈ɛ̈r Melik ë thööc nɔm ɣööt ke wel e nɔm biic.

Ethta 5:1 Iomraidhean Croise

Ethta 1:11

Go Melik ke yɔ̈ɔ̈k bïk Bacti tiiŋ Melik lɔ bɛ̈ɛ̈i, ke ceŋ göldɛn ë bääny de Melik. Bacti ee tiiŋ läk aläl, ku akɔɔr ë Melik bïï läkdɛnë nyuöth röördït ke luɔide, ku kamaanke kedhie.

Ethta 2:5

Wutic, tëde riɛl ë Thutha ëtɛ̈ɛ̈n, aa de raan ë Judai nu cɔl Modekayo, wën ë Jayir, ku Jayir ee wën ë Cimei, ku Cimei ee wën ë Kic, dhiën ë Benjamin.

Ethta 4:11

“Kɔc lui baai de Melik, ayïï raan ëbɛ̈n ë wuötiic, aŋickï, ee löŋ cïn raan pɛ̈l, nɔn yen moc ku nɔn yen tik, të cïï yen lɔ ɣöt thok ke kënë cɔɔl, raanë aye nɔ̈k. Ee të yen raan cïï Melik ɣɔ̈k wai de adhääp nyooth luɔi cï ye gam, yen aye pïïr. Ku ee nɔɔnë, acïï aa pɛɛi tök ë kööl ɣɔn cïï Melik a tɔ cɔl.”

Ethta 4:16

“Lɔ määtë kɔc ke Judai kedhie, kɔc nu ë Thutha, bïk thek në biäkdï, ë ke cïï cäm ku cïkkï dëk ë nïn kadiäk aköl ku wakɔ̈u, ku yɛn wokë duet lui ë yɛn, wok bï thek aya cït man ë kek, ku ëtɛ̈ɛ̈n yɛn bï jɔ lɔ tëde Melik na cakaa nɔn yen dhäŋ de löŋicë, na cï ya nɔ̈k ë ya thou.”

Ethta 4:17

Go Modekayo jäl ku looi ka cïï Ethta lɛ̈k en kedhie.

Ethta 6:4

Go Melik ke thiëëc an, “Eeŋa tɔ̈u ë gɔ̈ɔ̈lic?” Ku tëthïïnë, ke Ɣaman ë bɔ̈ kɛl, akɔɔr bï lëk Melik nɔn duëërë en Modekayo tɔ nök në tim bɛ̈ɛ̈rdïït cï piäät në biäkde.

Ethta 8:15

Go Modekayo jäl ë melik lɔ̈ɔ̈m ke ceŋ lupɔɔ dït ke bääny de yiic kïn aräu cït luäät ku ɣeer ë biäk, ku lupɔ piɛth lɔ mot, ku lupɔ thiith amujuŋ, ku jɔ ya göldïït de bääny lɔ riauriau kekë adhɛ̈p, go raan ëbɛ̈n pänydït ë Thutha, bɛ̈n biic ke ke moc kiɛɛu de miɛtëpiɔ̈u.

Math 10:16

Tiëŋkï, wek tuɔɔc abäk ciët man ë amɛ̈l cï lɔ ë aŋuööth yiic, yen aa wek pɛl cït man ë karɛc, ku yak gup ciën akɔ̈ɔ̈k cït man ë guk.

Math 11:8

Ku ë we lɔ biic lak ŋö tïŋ? Ee raan ceŋ lupɔ lɔ nip? Tiëŋkï, kɔc ceŋ lupɔ lɔ nip atɔ̈ukï ë ɣööt ke meliik yiic

Math 27:64

Jɔ kɔc thɔn ënɔɔnë, bïk raŋ aa tiit apiɛth, aɣët kööl ee kek diäk, ke kɔckɛn ë piööcë ke ke cïï bï bɛ̈n, bïk bɛ̈n kual, ku yöökkï kɔc, an, “Ë rɔt jɔt ë kɔc cï thou yiic, ke mɛnh ciëën abï mɛth tueŋ wään wuöör.”

Luk 22:30

bäk aa cam ku dɛ̈kkï ë pamdï nɔm ë ciɛɛŋdï yic, ku we bï aa rëër ë thöny nïïm ku guiɛɛrkï löŋ de dhiëën ke Yithriɛl kathiëër ku rou.

Nyuuth 3:21

Raan ee tiam, abä tɔ nyuc kekë yɛn ëtök ë thöönydï nɔm, cït man cän tiam aya, aguɔ jɔ nyuc wokë Wäär ëtök ë thöönyde nɔm.