Ethta 4:16 - JAM DE NHIALIC 2011

¹⁶ “Lɔ määtë kɔc ke Judai kedhie, kɔc nu ë Thutha, bïk thek në biäkdï, ë ke cïï cäm ku cïkkï dëk ë nïn kadiäk aköl ku wakɔ̈u, ku yɛn wokë duet lui ë yɛn, wok bï thek aya cït man ë kek, ku ëtɛ̈ɛ̈n yɛn bï jɔ lɔ tëde Melik na cakaa nɔn yen dhäŋ de löŋicë, na cï ya nɔ̈k ë ya thou.”

Ethta 4:16 Iomraidhean Croise

Cäk 18:19

Ei, në luɔi cän e lɔc nɔn bï yen mïthke yɔ̈ɔ̈k, ku yöök baaide, luɔi bï kek kueer ë Bɛ̈nydït lɔ̈ɔ̈k döt në yecök. Në luɔi bï kek kake piathëpiɔ̈u aa looi, ku loikï yith ë cieŋ. Ke Bɛ̈nydït ë bï Abraɣam yiɛ̈n kë cï thɔ̈n en.”

Cäk 43:14

Ku Nhialic Awärjäŋ, abï bɛ̈ny de Rip tɔ kok piɔ̈u ke week. Ku gëm week mänhëdun kekë Benjamin. Na cï gɔ̈ɔ̈r nɔn bï mïthkï määr, ke ke mär!”

2 Tham 10:12

Tɔ rɔt ril, ku ŋɛɛnyë! Wok bï tɔŋ dhil thɔ̈ɔ̈r në riɛl, në biäk de kɔckuɔ ku pɛ̈ɛ̈nydït ke Nhialicda. Ku Bɛ̈nydït abï këde piɔ̈nde tɔ looi!”

2 Mel 7:4

Na luelku an lokku në pänydïtic, ke cɔk anu, wok duëër lɔ thou ëtɛ̈ɛ̈n, ku na rëërku, wok bï thou aya. Ka ënɔɔnë bäkï lokku wun de kɔc ke Thiriya, na cïk wo pɔ̈l, ke wo bï pïïr, ku na cïk wo nɔ̈k, ke wo bï thou.”

2 Lëk 20:3

Go melik Jeɣocapat riɔ̈ɔ̈c ku lɛ̈ŋ Bɛ̈nydït bï yen gäm riɛl. Na wën ke yɔ̈ɔ̈k kɔc kedhie bïk thek ku cïn raan cäm ë baai yic ëbɛ̈n.

Edhr 8:21

Ku ëtɛ̈ɛ̈n, në kiir de Aɣaba nɔm, yɛn cï kɔc bɛ̈n yɔ̈ɔ̈k buk thek koorku röt piny në Nhialic nɔm, buk thiëëc bïï wok tɛ̈ɛ̈k apiɛth në cäthda yic, ku kony wook në mïthkuɔ ku kakuɔ.

Ethta 4:15

Go Ethta lɛ̈k en bï pɔ̈k nɔm Modekayo an,

Ethta 4:17

Go Modekayo jäl ku looi ka cïï Ethta lɛ̈k en kedhie.

Ethta 4:3

Ëwuötiic kedhie, wuöt cïï löŋ de Melik piŋ thïn, ee yic dɛ dhiën dïït agök tëde kɔc ke Judai. Aake moc kiɛɛu, dhiaukï, ku reeckï cäm, të dït ë keek aake cieŋ lupɔɔ ke cuɔl ë ke kɔ̈ɔ̈th ku yek röt daal ë ŋethic.

Ethta 5:1

Ɣɔn në kööl ye thɛ̈k nïn diäk, ke Ethta ë jɔ lupɔɔkɛn ke bääny tääu, ku jɔ lɔ ë gɔ̈ɔ̈lic thïn ku kɛ̈ɛ̈c ɣön ë Melik thok. Aa kääc ke wël enɔm thöny de Melik tɔ̈u ɣööt thïn, ku rɛ̈ɛ̈r Melik ë thööc nɔm ɣööt ke wel e nɔm biic.

Ethta 9:31

an, akööl ke Purimkë, acï ke tääu në keyiëth në mïthken ku mïth ke mïthken, an bïk kek kenïïm dhil aa tak në aköölkɛn cï mac, cït man ɣɔn cïï akööl ke rɛɛc reec kek cäm ku akööl ke dhiëëu tääu në keyiëth, acïï Modekayo raan ë Judai kekë tiiŋ Melik Ethta lɛ̈k Judai.

Yith 22:12

Bɛ̈nydït Awärjäŋ aa cɔl week bäk bɛ̈n dhiau ku dhuöörkï, ku mɔ̈tkï wenïïm në dhiënë piɔ̈u ku cieŋkï lupɔɔ ke cuɔl.

Jeremia 36:9

Në pɛɛi ë dhoŋuan ë ruöön ë dhïc wään ye Jeɣoyakim melik de Juda, go kɔc cäm rɛɛc ë biäk bï kek Bɛ̈nydït tɔ kok piɔ̈u ë keek. Cäm aa reec ë kɔc tɔ̈u ë Jeruthalem kedhie, ku lɔ kɔc cï bɛ̈n ë wuöt ke Juda yiic ëbɛ̈n.

Danyel 2:18

Go keek yɔ̈ɔ̈k, bïk Nhialic de Paannhial lɔ̈ŋ ë baŋ ë kokëpiɔ̈u, ku bïk luɔp bï keek nyuöth wɛ̈r de këcïmoony yic, ago keek cïï bï nɔ̈k ëtök në röör pelnïïm de Babilon.

Math 12:40

Acït man ë tɔ̈uwë Jona ë rɛ̈c dït yäc ë cool yiic kadiäk ku wɛ̈ɛ̈rwakɔ̈u yiic kadiäk an, “Acït täu bï Wën ë Raan tɔ̈u ë pinyic ë cool yiic kadiäk ku wɛ̈ɛ̈rwakɔ̈u yiic kadiäk.

Luk 9:24

Raan kɔɔr luɔi bï en wëike kony, ka bï ke möör, ku raan mär wëike në biäkdï, yen abï wëike kony.

Jɔn 19:22

Go Pilato bɛ̈ɛ̈r an, “Kë cä gɔ̈ɔ̈r, acä gɔ̈ɔ̈r.”

Luɔi 10:7

Na wën, aacï tunynhial wën jam ke yen jäl, ke cɔl kɔc lui ɣönde kaarou, kekë raan töŋ ë rem de tɔŋ, raan ee cool ë loi këde, ku ye raan riëëu Nhialic.

Luɔi 20:24

Ku acïn kë ya tɔ dït ee kakë yiic, acakaa pïïrdï acä duëër theek, luɔi bän luɔidï thöl ë miɛtëpiɔ̈u, ku thɔ̈l luɔi cïï Bɛ̈nydït Yecu tääu ë yacin an, bä aa cäätɔ, bï wëlpiɛth aa guiir, wëlpiɛth ke dhuëëŋ de Nhialic piɔ̈u.

Luɔi 21:13

Go Paulo bɛ̈ɛ̈r an, “Eeŋö luɔikï wäkya, abäk a tɔ cuän piɔ̈u në dhiëndun? Acie mäny mɛcë ya ë Jeruthalem en gam etök, ayï thuɔɔu acä gam aya, në baŋ de rin ke Bɛ̈nydït Yecu.”

Luɔi 27:33

Na wën, aa kɔɔr piny ruu, ke Paulo jɔ kɔc lɔ̈ŋ kedhie an, bïk këcam thiëëp an, “Nïn kathiëër ku ŋuan ke we rɛ̈ɛ̈r ëcaŋwään, ke we cïï cäm.

Luɔi 9:9

Ku jɔ tɔ̈u ë nïn kadiäk ke cïï piny ee tïŋ, ku cïï cäm ku cïï dëk.

Romai 16:4

kɔc cï wëiken kuɔɔn në baŋ de wëikï, ee kɔc aa yɔ̈ɔ̈k an, Thieithieei, ku acie yɛn a tök, ee ɣööt ke Nhialic ke Juöör kedhie ayadäŋ.

Pilipoi 2:30

ee biäk de luɔi de Kërtho, yen aa duëër en thou, acï wëike kuɔɔn, ke bï kë cï nɔm dak në kuny cä wek a kony thiɔ̈ɔ̈ŋ nɔm.

Jocua 24:15

Na cäkkï Bɛ̈nydït bï luööi, ke we lɔc raan bäk luööi ee köölë. Tɛk däŋ, bäk yiëth ɣɔn ye kuarkun lam piny de Yuparat lɔŋ tui kek bäk luööi, ku nɔn ee kek yiëth ke kɔc ke Amor, kɔc rɛ̈ɛ̈r wek pinyden. Na yɛn wokë baaidï, ee Bɛ̈nydït Yen abuk luööi.”

1 Tham 19:5

Acï wëike kuɔɔn ɣɔn nɛ̈k en Goliath, ago Bɛ̈nydït tiëm dït gäm Yithriɛl ëbɛ̈n. Ago piɔ̈u bɛ̈n miɛt arëët wën tïŋ yïn en. Ka eeŋö cï guɔ bɛ̈n, kë kɔɔr yïn an, näk Debid ke cïn këdɛn cï wööc taitai?”