Ethta 2:7 - JAM DE NHIALIC 2011

⁷ Modekayo ade nɔm nyan ë wulënë cɔl Ethta, nu rinkɛn kɔ̈k në thoŋ de Ɣeberuu acɔl Ɣadatha, yen aaye nyan läk arëët. Ɣɔn cïï wun ke man thou, acï bɛ̈n döŋ ë Modekayo cin ku löök muk apiɛth ke cït nyan ë nɔmde.

Ethta 2:7 Iomraidhean Croise

Cäk 48:5

Ku ŋoot Jakop ke jam ke Jothep, lueel an, “Wɛ̈ɛ̈tku kaarou, wɛ̈ɛ̈t wään dhiëth piny ë Rip eenë, wään kɛ̈n ɛn kɔn bɛ̈n, yï Eparaim kekë Manatha ayek mïthkï. Arëërkï cït man ë mïthkï, yï Ruben kekë Thimion.

Ethta 1:11

Go Melik ke yɔ̈ɔ̈k bïk Bacti tiiŋ Melik lɔ bɛ̈ɛ̈i, ke ceŋ göldɛn ë bääny de Melik. Bacti ee tiiŋ läk aläl, ku akɔɔr ë Melik bïï läkdɛnë nyuöth röördït ke luɔide, ku kamaanke kedhie.

Ethta 2:15

Na ɣɔn acï kööldɛn bï yen lɔ tëde Melik bɛ̈n yen Ethta, nyan ë Abiɣail, ku ye nyan ë wulënë ee Modekayo ɣɔn muk cït nyande, acïn ke cï bɛ̈n thiëëc, ee kë cïï Ɣegai mony cï roc lɛ̈k en. Ku läk de Ethta ee raan ëbɛ̈n raan cï ye tïŋ diir.

Ethta 2:20

Ku Ethta aya, akën rɔt tɔ ŋic nɔn ee yen nyan ë Judai, aa cï Modekayo thɔ̈n en, ku aaye Modekayo riëëu në ye kënë cït man ɣɔn rëër en në yeciin.

Ethta 8:1

Na ɣɔn ee kööl manë guöp, ke Melik Athuwereth ë gëm tiiŋ Melik Ethta kake Ɣaman kedhie, raan ater de kɔc ke Judai. Ku Modekayo acï bɛ̈n ɣëët ë Melik lɔ̈ɔ̈m, në biäk cïï Ethta ye lɛ̈k luɔi rɛɛn kek.

Jop 31:17

ku nɔn cä thaac në kuïn nɔm atök ku nyäŋ mïth abɛɛr,

Jop 31:18

gɔl në kaam ɣɔn yan dhuk, yɛn ee diäär abɛɛr kony.

2 Kor 6:18

Ku yɛn bï aa Wuöördun, ku we bï aa wɛ̈ɛ̈tkï ku nyïïrkï, kë lueel Nhialic Awärjäŋ ka.”

Epethiei 6:4

Ku week, wek wärken ë mïth, duökï mïthkun ë cool ë juöt wek ke gup, abïk gɔ̈th, ku yak ke muk ë muŋ de Bɛ̈nydït ayï wëëtde.

1 Jɔn 3:1

Tiëŋkï nhiëër dïït cïï Wääda wo nhiaar, bï wo ya cɔɔl mïth ke Nhialic, ku ee wook. Yen a kucë kɔc ke piny nɔm wook, luɔi ë kuc kek en.