Ethta 2:23 - JAM DE NHIALIC 2011

²³ Ëtɛ̈ɛ̈n go jɔ lɔ luɔpic. Na ɣɔn aacï kë cï lueel aa yic, go kɔc renkë dɔm ku nök keek, ku yöök Melik kɔc an kënë, abï gäär piny në Melik nɔm në awerek de gäär de kake luɔi de akööl ke melik yiic.

Ethta 2:23 Iomraidhean Croise

Cäk 40:19

Në ee nïnkë yiic kadiäk, melik abï yï luöny bei, ku tɔ yï tëëmë nɔm bei. Ku kɛɛkë yï nhial në tim nɔm. Ku yïn bï diɛt cam.”

Cäk 40:22

Ku le bɛ̈ny ee kuïïn cï pam thaal nöök ë tim nɔm. Ku käŋ kedhie, acïk röt bɛ̈n looi cït man wään cï Jothep ke lueel.

Edhr 4:15

Ke bï awereek thɛɛr ke wärken kɔɔric, abï yök në awereek thɛɛriic, ku abï ŋic an pänydïïtë ee kɔc yiɛ̈n tɔŋ, ee Meliik kekë wuöt jieeth piɔ̈ɔ̈th, ku kiɛɛr rac ee rɔt looi thïn acïk dap gɔl thɛɛr ke ke loi ee kakë, yen kën ë dhoŋ wunë piny ka.

Ethta 10:2

Kadït riliic cï keek looi, ku këde alɛɛŋ man cïï yen Modekayo jat nhial, acï ke gɔ̈ɔ̈r kedhie në awerekic, awerek de gäär de kake luɔi de aköölnyïïn de Meliik ke Perthia ku Media.

Ethta 5:14

Ëtɛ̈ɛ̈n acïï tiiŋdɛn Dherec ku lɔ määthkɛn nu abärɔ yic kedhie bɛ̈ɛ̈r an, “Tɔ tim dïït ye bɛ̈ɛ̈r de yen kɔ̈u mitïïr kathiërrou ku diäk ke lɔ nhial piëëtë. Ku miäk adurduur ke yïn duëër Melik yɔ̈ɔ̈k bï Modekayo tɔ näk ee timë kɔ̈u, ku ëtɛ̈ɛ̈n jɔ lɔ ë dhuëëŋic wekë Melik ke yï mit piɔ̈u.” Go Ɣaman gam an, kënë ee täŋ piɛth, ku tɔ tim dïït agök piëëtë.

Ethta 6:1

Ɣɔn në ye wɛ̈ɛ̈rë yic, go Melik ruu ke cïï nin, go awerek de gäär de kake luɔi aköölnyïïn cɔɔl, bï bɛ̈n kuɛ̈n ka cï gɔ̈ɔ̈r. Go ke kuɛ̈n en,

Ethta 7:10

Gokï Ɣaman nöök ee timë kɔ̈u, timdɛn wään cï looi an bïï yen Modekayo tɔ nök. Go Melik piɔ̈u jɔ lɔ piny në agɔ̈th.

Malakai 3:16

Ku ëtɛ̈ɛ̈n, kɔc ee Bɛ̈nydït riëëu acïk bɛ̈n jam në röt kapäc në baŋ de ee kakë, go Bɛ̈nydït kë luelkï piŋ. Rin ke kɔc ee Bɛ̈nydït riëëu, ku dhuëŋkï guöp acï keek gäär piny në awerekic në Bɛ̈nydït nɔm.

Jocua 8:29

Ku Jocua ë melik de Ai bɛ̈n mac nhial ë tim nɔm, ku tɔ col nhial ëtɛ̈ɛ̈n agut cï thëën. Na ɣɔn thëën në lɔ piny de akɔ̈l, ke Jocua yöök kɔc bïïkï bei. Ago bɛ̈ɛ̈i bei, ku cuɛtë piny në kal ë wut thok. Na wën, ke kum kɔ̈u në kurdït. Kek ee kurkë aŋootkï ëtɛ̈ɛ̈n agut cï ye köölë.