Ethta 1:6 - JAM DE NHIALIC 2011

⁶ Domdïït nu ëtɛ̈ɛ̈n acï geeu ë lupɔɔ de yiic kïn aräu cït luäät, ku ka ɣer cït alath, ke ke cï rek thook ë awiɛɛth cï wi, ku tɔc ke kɔ̈ɔ̈th ë kïn thith, ayïï kɔ̈k lɔ bilbil, cït adhɛ̈p, ayïï atek, ku lupɔ piɛth lɔ mot, ku lupɔɔ amujuŋ, ku kakë rëër cï looi në adhɛ̈p ku atek, kaɣer lɔ jämjäm, ku gomgooi, ku kuur läk cï ke tääu ëtɛ̈ɛ̈n.

Ethta 1:6 Iomraidhean Croise

Ethta 7:8

Na wën, ke Melik ë puk yenɔm ɣöt të wën dëk kek thïn ë mɔ̈u, ke yök Ɣaman ë rɔt cuat piny në Ethta cök, ke rɛ̈ɛ̈r në kë de rëër nɔm. Go melik lueel an, “Tiëŋkï! Kɔɔr bïï tiiŋ Melik wiëët ɣöndï ë yalɔ̈ɔ̈m?” Të thiin ŋoot ë jamde ke kën kɔn lööny piny ë yethok, ke kɔc cï roc ë jɔ Ɣaman guɔ kum nyin.

Ethta 8:15

Go Modekayo jäl ë melik lɔ̈ɔ̈m ke ceŋ lupɔɔ dït ke bääny de yiic kïn aräu cït luäät ku ɣeer ë biäk, ku lupɔ piɛth lɔ mot, ku lupɔ thiith amujuŋ, ku jɔ ya göldïït de bääny lɔ riauriau kekë adhɛ̈p, go raan ëbɛ̈n pänydït ë Thutha, bɛ̈n biic ke ke moc kiɛɛu de miɛtëpiɔ̈u.

Bɛ̈n 26:1

Na wën, ke lëk ë Bɛ̈nydït Mothe an, “Loi paany de mät në linɔn lɔ mot kathiëër, ku lupɔ aräu ku lupɔ amujuŋ, ku lupɔ thith. Ku ë ke gutë kɔ̈ɔ̈th cerubiim në atëët ŋic gut arëët.

Edhekiɛl 23:41

Ayek jɔ nyuc në thööc läk nïïm, ku ayek pam cï thiëth nɔm kapiɛth tääu ë kenïïm, ayï walkiën ŋïr, ku miök de olip cä gäm keek.

Amoth 2:8

Ku të ye kek lɔ tɔ̈c në yïk kɔ̈ɔ̈th, ŋɛk ee rɔt thiëth lupɔɔ ë peec tëde kɔc kuanynyïïn, lupɔɔ ke kɔc känykï. Ku dëkkï në mɔ̈u ɣön ë Nhialicden, mɔ̈n ë nömkï tëde kɔc känykï.

Amoth 3:12

Aye Bɛ̈nydït lueel an, “Kɔc ke Yithriɛl tɔ̈u në Thamaria, abïk cït man ye raan tit thök thïïm cï döŋ ë köör thok lɔ̈ɔ̈k yök piny, nɔn ë yök yom kaarou ke cök, ku nɔn ee yen thïm de biäk de yïny de thɔ̈k. Kɔc bï poth në keyiic abïk lïk, kek ee kɔc rɛ̈ɛ̈r në ageenken nïïm ënɔɔnë në Thamaria. Ayï adhuëëŋkɛn rɛ̈ɛ̈r në thöckɛn piɛth nïïm në Thamaria.

Amoth 6:4

Amawoou në week, wek kɔc ee wekɔ̈ɔ̈th tääc në biök piɛth yiic, ku rëërkï në thöckun nïïm, ku yak cuet në nyök ke thökkun yiic, ku miöör në ɣɔ̈kkun yiic!

1 Tham 28:23

Ago Thaulo jaai an cïn kë bïï cam. Go bäny ke remdɛn ë tɔŋ yɔ̈ɔ̈k aya në luɔɔi bï en cam. Na wën ke jɔ gam, ku jɔt rɔt piny, ku nyuuc në agen nɔm.