Ethta 1:22 - JAM DE NHIALIC 2011

²² Ago awereek tuɔɔc ë wuötiic, wuöt mɛc ë Melik keek ëbɛ̈n, ku gäär awereekë në thookken ku kuɛɛr ye kek ke gär an, moc ëbɛ̈n yen abï aa nɔm de baaide, ku yen abïï aa wun löŋ.

Ethta 1:22 Iomraidhean Croise

Ethta 1:21

Go Melik kekë bänykɛn lɔ në yecök piɔ̈ɔ̈th miɛt ë täŋë, ago looi cït man cïï Memukan e lueel.

Ethta 3:12

Ëtɛ̈ɛ̈n ɣɔn acïï nïn thiëër ku diäk de pɛɛi tueŋ guɔ ɣëët, ke Ɣaman ë cɔl kɔc ee kak ke Melik gɔ̈ɔ̈r, ku kuën keek löŋde, bïk pukic ë thook ke juöör ëbɛ̈n, ku gäär ke në kueer ye kɔc ke ee pinyë kaken gɔ̈ɔ̈r, ku bï ke tuöc bäny ke baai, ku bäny mac wuöt kedhie, bäny ke juöör, ku gäär keek ë rin ke Melik Athuwereth, ku jɔ keek thanyiic në këtim de Melik.

Ethta 8:9

Në kööl ɣɔn ye pɛɛi cɔl Thiban (yen acɔl Lal në thoŋda) thok thiërrou ku diäk, ke kɔc awereek ke Melik gɔ̈ɔ̈r acï ke bɛ̈n määtiic, ku gäärkï awereek cït man cï Modekayo e lɛ̈k keek, agokï gäär kɔc ke Judai ku bäny ke baai, ku bäny mac wuöt kabɔt ku thiërrou ku dhorou, jɔt ë Yindia agut cï piny de Kuc, aaye gäär wut në kueerdɛn ye kek gär, ku në thoŋdɛn yek piŋ ku gɛ̈ɛ̈rë Judai në kueerden ku thoŋden.

Danyel 3:29

“Ku ënɔɔnë aluɛɛl an, na lɔ kɔc ë wuöt ëbɛ̈n ayï juöör ëbɛ̈n, ku thook ëbɛ̈n Nhialic de Cadrak, ku Mecak, ku Abenego, lɔ kuöc jääm, raanë abïï nɔ̈k, ku ɣönde abïï tɔ ee dhuur nɔm. Acïn yanh duëër luäk ë luääk cït ee kënë.”

Danyel 4:1

Go melik Nebukadnedhar thoŋë tuöc kɔc ke wuöt ëbɛ̈n ku juöör, ku thook ëbɛ̈n nu ë piny nɔm: “Wek cä thiëëc!

Luk 16:8

Go bɛ̈nyde raan rac nu ë dhiënde nɔm leec në luɔi cï en pɛl: wɛ̈ɛ̈t ke piny de ënɔɔnë ayek wɛ̈ɛ̈t ke ɣɛɛrëpiny wöör në pɛl ë remdenic.”

1 Tim 2:12

Yɛn cïï tik ee päl wëët wëët en kɔc, ku cä pɛ̈l ciɛɛŋ ceŋ en moc, ë ye tɔ̈u ëlik.