Epethiei 6:4 - JAM DE NHIALIC 2011

⁴ Ku week, wek wärken ë mïth, duökï mïthkun ë cool ë juöt wek ke gup, abïk gɔ̈th, ku yak ke muk ë muŋ de Bɛ̈nydït ayï wëëtde.

Epethiei 6:4 Iomraidhean Croise

Cäk 18:19

Ei, në luɔi cän e lɔc nɔn bï yen mïthke yɔ̈ɔ̈k, ku yöök baaide, luɔi bï kek kueer ë Bɛ̈nydït lɔ̈ɔ̈k döt në yecök. Në luɔi bï kek kake piathëpiɔ̈u aa looi, ku loikï yith ë cieŋ. Ke Bɛ̈nydït ë bï Abraɣam yiɛ̈n kë cï thɔ̈n en.”

1 Lëk 28:20

Go melik Debid Tholomon wënde yɔ̈ɔ̈k, an, “Dɔm aŋäth ku riɛl de piɔ̈u. Gɔl luɔi, du de kë bï yï tɔ kääc. Bɛ̈nydït Nhialic, ya luööi, abï tɔ̈u ke yïn. Acïï yïn bï nyääŋ piny, ku abï rëër ke yïn agut të bï yïn luɔi de Luaŋdït thöl.

1 Lëk 29:19

Gämë wëndiën Tholomon piɔ̈n adöt bïï yen lööŋ cï lueel ëbɛ̈n aa riëëu, ku bïï Luaŋdït cän kake guiirë yïk.”

Kɛ̈ŋ 19:18

Wëët ee meth kiɛm piny, ye wɛ̈ɛ̈t ke yï cï bï mɛt në riäŋde yic.

Kɛ̈ŋ 22:15

Wuöŋ de meth ëbɛ̈n acï duööt në yepiɔ̈u, na wɛ̈ɛ̈të apiɛth ka cï tɔ ye raan piɛth.

Kɛ̈ŋ 22:6

Ye meth wɛ̈ɛ̈t ke koor, ke bï ya mɛnh wadäŋ.

Kɛ̈ŋ 29:15

Dui de mïth ee ke gäm pɛlënɔm, mɛnh cï päl thïn ee man yɔ̈ɔ̈r.

Kɛ̈ŋ 29:17

Ye mïthku dui, ke yï bï dɛ mät ku miɛtëpiɔ̈u.

Yith 38:19

Ee kɔc pïïr kek aye yïn leec, cït man lɛɛc ɛn Yïn ënɔɔnë. Wärken ke mïth ku märken ke mïth, ayek mïthken lɛ̈k piɔ̈nduön adöt.

Epethiei 6:3

“ke yï bï tɔ̈u apiɛth, ku yïn bï pïïr ë run juëc ë piny nɔm.”

Nyöŋ 4:9

Tiɛtkï röt apiɛth! Ku ŋiɛckï ë gɔk aguɔkï nïïm cuö mär në pïïrdunic ëbɛ̈n, ka cäk tïŋ në wenyïïn kedhie. Lɛ̈kkï keek mïthkun ku mïth ke mïthkun.

Nyöŋ 6:7

Wɛ̈ɛ̈tkï mïthkun në keek, yakï ke nyɔ̈ɔ̈kiic të rɛ̈ɛ̈r wek baai ayï të rɛ̈ɛ̈r wek tëmec ayï të cä wek lɔ̈ŋ ayï të luööi wek.

Kolothai 3:21

Wek wärken ë mïth, duökï mïthkun ee jut ë jam, ke ke cïï piɔ̈ɔ̈th bï bäp.

2Tim 1:5

Yɛn ee yanɔm cät ë gäm nu ë yïpiɔ̈u gäm cïnic ruëëny, gäm ë kɔn cath kekë kɔk Loyith, ku be cath kekë Yunike moor, ku aŋiɛc ëgɔk nɔn ciɛth en ke yïn aya.

2Tim 3:15

ku ŋic kënë aya an, ɣɔn ee yïn mɛnhthiinakäŋ, yïn ë ŋic kacïgɔ̈ɔ̈r kaɣer yiic, ka cath në riɛl bïk yï tɔ ye raan pelnɔm aɣet kuny bï yï kony wëi në gäm cï yïn Kërtho Yecu gam.

Jocua 24:15

Na cäkkï Bɛ̈nydït bï luööi, ke we lɔc raan bäk luööi ee köölë. Tɛk däŋ, bäk yiëth ɣɔn ye kuarkun lam piny de Yuparat lɔŋ tui kek bäk luööi, ku nɔn ee kek yiëth ke kɔc ke Amor, kɔc rɛ̈ɛ̈r wek pinyden. Na yɛn wokë baaidï, ee Bɛ̈nydït Yen abuk luööi.”

Bäny 13:12

Go Manowa luɔp an, Të le jamdu aa yic, Eeŋö bïï looi ë baŋ de pïïr ë mɛnhë? Ku eeŋö bïï meth dhil looi?