Epethiei 6:2 - JAM DE NHIALIC 2011

² Ye wuur riëëu kekë moor (kënë ee cöök tueŋ ë löŋic cöök de yic jam de kë bï gäm raan),

Epethiei 6:2 Iomraidhean Croise

Bɛ̈n 20:12

“Ye wuur riëëu ke moor, ke yï bï cieŋ ke yï rɛ̈ɛ̈r piny gëm ë Bɛ̈nydït Nhialicdun week.

Kɛ̈ŋ 20:20

Mïth ee wärken ku märken läät, abïï ke pïïrden teem kɔ̈u.

Jeremia 35:18

Aguɔ lɛ̈k dhiën de Rekabai, an acïï Bɛ̈nydït de rɛm, Nhialic de Yithriɛl lueel an, “Wek cï löŋ cï gäm week në Jonadap kuɛɛrëdun riëëu, ku cäk wëëtde kuany yic ëbɛ̈n, ku wek cï këriëëc ëbɛ̈n cï lɛ̈k week looi.

Jeremia 35:7

Acï wook yɔ̈ɔ̈k aya an cuku ɣööt bï yïk, ku cukku bï aa com, ku wok cïï duum ke enap bï com ku cuku duumken ɣɔc. Acï wook yɔ̈ɔ̈k an buk aa rɛ̈ɛ̈r në pɛɛny yiic ananda, agoku tɔ̈u ee pinydan rëër wok thïnë aköölnyïïn ke wo cït kɔc lei.

Edhekiɛl 22:7

Wek kɔc tɔ̈u në pänydïtic we cïï wärkun ku märkun ee riëëu. Wek ee alɛi math ku yak kake diëër abɛɛr ku mïth abɛɛr nööm.

Malakai 1:6

Go Bɛ̈nydït de rɛm bäny ke kake Nhialic luɔp an, “Meth cïï wun ee riëëu? Ku raan ee bɛ̈ny luööi cïï bɛ̈nyde ee riëëu? Na Ya Wuöördun, ke rïïu riëëu wek Ɛn akou? Ku na Ya Bɛ̈nydïtdun, ke riɔ̈ɔ̈cduön ya wek riɔ̈ɔ̈c në Yɛn akou? Wek ë Ya dhɔ̈l guöp wek bäny ke kake luɔidï. Ku wek ee lop an, ‘Cuk Yï dhɔ̈l, ee dhääl yïn dï?’

Romai 13:7

Yen a wek kɔc kedhie gäm kaken an, ee athölbö, ke we gɛm athölbö an, ee guaaric, ke we gɛm guaaric an, ee riëëu ke riëëukï an, ee thɛ̈k ë guöp, ke thɛkkï guöp.

Epethiei 6:3

“ke yï bï tɔ̈u apiɛth, ku yïn bï pïïr ë run juëc ë piny nɔm.”

Nyöŋ 27:16

‘Aciɛɛn de Nhialic abï tɔ̈u ë raan yeth, raan ee wun kekë man tɔ yäär.’ “Ku abïï kɔc kedhie jɔ bɛ̈ɛ̈r an, ‘Amiin!’

Nyöŋ 5:16

‘Ye wuur riëëu ke ke moor, cït man cän yïn yɔ̈ɔ̈k Yɛn Bɛ̈nydït Nhialicdun, aguɔkï ceŋ ë run juëc, ku abï piath ke week, piny bï Bɛ̈nydït Nhialicdun gäm week.

1 Tim 5:4

Ku na de tiiŋ cïn nɔm monyde ku de nɔm mïthke ayï mïth ke mïthken tɔ ke wëëtë abïk kɔc ke dhiënden kɔn riëëu, ago kɔc ë dhiëth keek cuööt: kënë ee këpiɛth, ee kën ee Nhialic tɔ mit piɔ̈u.