Epethiei 5:5 - JAM DE NHIALIC 2011

⁵ Kënë aŋiɛckï ëgɔk an, acïn raan ee diäär kɔɔr, ku cïn tiiŋ ee röör kɔɔr, ku cïn raan ee luɔi col looi, ku cïn raan ee kalei woi, yen aye raan ee yath lam, acïn raan ë keyiic, raan bï dɛ kë bï lɔ̈ɔ̈k lak ë Ciɛɛŋ de Kërtho yic kekë Nhialic.

Epethiei 5:5 Iomraidhean Croise

Bɛ̈n 20:17

“Du kalei ee woi në yïpiɔ̈u, kake raan rɛ̈ɛ̈r wek. Du piɔ̈u de tiiŋde, ayï lïïmke, lïïm röör ayï lïïm diäär, ayï ɣɔ̈kke, ayï mulke, ayï këriëëcdɛn tɔ̈u ke yen ëbɛ̈n.”

Luɔi 20:32

“Ku ënɔɔnë, wäthii, wek tääu ë Nhialic cin, ayï jam de dhuëëŋ de yenpiɔ̈u, jam duëër week kueet, agokï week gäm biäkduön bäk lɔ̈ɔ̈k lak ë kɔc piɛthpiɔ̈ɔ̈th yiic kedhie.

Luɔi 8:21

Jamë yïn liu thïn ëliŋliŋ: piɔ̈ndu acïï piɛth ë Nhialic nyin.

Galatai 5:19

Ku luɔi de guöp aye tïc ëgɔk, kek kï, kɔ̈ɔ̈r ë diäär, luɔi col, dhööm,

Galatai 5:21

wui de kalei, näŋ de kɔc, wïn ee kɔc wit ë mɔ̈u, thuëëc de yic kërac, ku ka kɔ̈k cït ee kakë, ka ke guöp ka: ku akɛ̈n lɛ̈k week ënɔɔnë në këde kakë, acït man cän e kɔn lɛ̈k week ɣɔn në këden an, kɔc ee ka cït ee kake looi, acïkï Ciɛɛŋ de Nhialic bï lɔ̈ɔ̈k lak.

Epethiei 5:3

Ku bal, ayï luɔi col ëbɛ̈n, ayï wui de kalei, duökï ke tɔ luel rin ë weyiic, acï piɛth tëde kɔc ɣerpiɔ̈ɔ̈th.

Kolothai 1:13

Acï wo luäk bei në riɛl ë cuɔlëpiny, ku tɛ̈ɛ̈u wook ë ciɛɛŋ de Wëndɛn nhiɛɛric,

Kolothai 3:5

Yak ka ke wegup tɔ thou, ka nu ë piny nɔm, kɔ̈ɔ̈rëdiäär, luɔi col, tum ee raan e piɔ̈u tuöm ka ke piny, ŋɔ̈ɔ̈ŋ de kërac, ku wui de kalei, yen aye läm de yiëth.

1 Tim 6:10

Nhiëër ë wëu ee mei de këriëëc rac ëbɛ̈n: aye kɔc kɔ̈k woi ë kepiɔ̈ɔ̈th, ago ke cɔ̈k nïïm wei ë gämic, ku jɔkï röt guööt ë jiɛth ë kajuëc cï kek piɔ̈ɔ̈th jiɛth.

1 Tim 6:17

Kɔc juëc ë kaken ë pinyë nɔm, ye ke yɔ̈ɔ̈k, ë ke cïï röt ee tɔ dït, ku cïkï juëc ë käŋ ee ŋɔ̈ɔ̈th, ka kuc ë raan nɔn bï kek tɔ̈u në yen, ë ye Nhialic pïïr yen yek ŋɔ̈ɔ̈th, Raan ee wo miɔɔc ë käŋ kedhie në dhuëëŋ, ke wo bï piɔ̈ɔ̈th aa miɛt ë keek.

Ɣeberuu 13:4

Week mïthëkɔckuɔ, ë thiëëk ë ye riëëu në kɔc kedhie. Yak kë nhiany tɔ mec në biöŋ ë thiëëkic. Kɔc cïn gup athɛɛk kedhie ku kɔc ee diëër lei kɔɔr abï Nhialic ke löŋden guiir atuc.

Jocua 7:21

Yɛn aa cï lupɔ läk tïŋ në ka wään pecku keek yiic. Lupɔ de kɔc ke Babilon, ku tiɛ̈ŋ ateek duëër thëmde aa kilɔɔ kaarou, ku tiɛ̈ŋ adhäm duëër thëmde aa biäk töŋ de kilɔ. Aguɔ piɔ̈u dɛ keek aläl, guɔ ke nööm. Acä keek wɛc piny në paanydï yic thïn, ka ateek anu në baŋ piny. Abäk keek lɔ yök ëtɛ̈ɛ̈n.”

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

Nyuuth 22:15

Ku jɔ̈k, ku kɔc ee thuëth, ku kɔc ee diäär kɔɔr, ku kɔc ee kɔc nɔ̈k akurkï, ku kɔc ee yiëth lam, kek atɔ̈ukï biic, ayï raan ëbɛ̈n raan nhiaar lueth ku ye lueth töör.