Epethiei 5:3 - JAM DE NHIALIC 2011

³ Ku bal, ayï luɔi col ëbɛ̈n, ayï wui de kalei, duökï ke tɔ luel rin ë weyiic, acï piɛth tëde kɔc ɣerpiɔ̈ɔ̈th.

Epethiei 5:3 Iomraidhean Croise

Diɛt 10:3

Kɔc rac ayek röt lɛɛc në kërɛɛc de kek piɔ̈ɔ̈th, röördït piɔ̈ɔ̈th ayek lam aciɛɛn ku reeckï Bɛ̈nydït.

Diɛt 119:36

Gämë yɛn kueer bän lööŋku riëëu awär kuɛthdï në kajuëc.

Bɛ̈n 18:21

Ku däŋ nu aya, ee luɔi bï yïn kɔc lëu luɔɔi kuany. Ku tɔ keek ee bäny: bäny ke aguum ke kɔc, ku bäny ke bot, ku bäny ke thiërdhïc, ku bäny ke thiëër. Ke ke ye kɔc ee Nhialic riëëu, kɔc cï gam, ku cïkï kumthok bï ya nööm.

Bɛ̈n 20:17

“Du kalei ee woi në yïpiɔ̈u, kake raan rɛ̈ɛ̈r wek. Du piɔ̈u de tiiŋde, ayï lïïmke, lïïm röör ayï lïïm diäär, ayï ɣɔ̈kke, ayï mulke, ayï këriëëcdɛn tɔ̈u ke yen ëbɛ̈n.”

Bɛ̈n 23:13

“Piŋ kë lɛ̈k yïn ëbɛ̈n, Yɛn Bɛ̈nydït. Du yiëth kɔ̈k ee lam, ayï rinken du ke ee lueel.

Kɛ̈ŋ 28:16

Yaaŋ ee këde bɛ̈ny cïï käŋ ee yökiic, ku bɛ̈ny ee kum thok rɛɛc ee ceŋ ë bäänyic.

Jeremia 22:17

Ku yïn ee këde piɔ̈ndu yen ye kɔɔr, yïn ee kɔc cïn gup awɛ̈ɛ̈c nɔ̈k, ku ye kɔcku kuur ë yaaŋ. Acïï Bɛ̈nydït lueel.

Jeremia 6:13

Raan ëbɛ̈n, röördït ayï kɔc kor, ayek wëu ke ayäär kɔɔr, ayï tït ku bäny de kakë Nhialic ayek kɔc math.

Jeremia 8:10

Yɛn bï duumken gäm kɔc kɔ̈k, ku gäm diëërken röör kɔ̈k. Raan ëbɛ̈n meth ku raandït aye kɔɔr bïï wëu yök në kueer de ruëëny. Ayï tït ke Nhialic ku bäny de kakë Nhialic ayek kɔc math.

Edhekiɛl 33:31

Ka kɔckï ayek kenïïm kut ke ke kɔɔr bïk kë bä lueel piŋ, ku acïkï kë cï lɛ̈k keek bïk looi ee looi. Wël ke nhiëër në kethook, ku ayek ŋoot ke ke cath në kuɛɛrkɛn ke dït de piɔ̈u yiic.

Lebai 15:18

Na cï moc tɔ̈c kekë tik, ku de mïth cï wɛt piny, keek kedhie abïk dhil waak në pïïu, ku abïk gup rac aɣët cï thëën.

Maika 2:2

Na cïk piɔ̈ɔ̈th dɛ duum, ke rumkï keek, na kɔɔrkï ɣööt, ke nömkï keek. Acïn baai ayï raan bïï ë kake poth.

Kuɛ̈n 25:1

Të ɣɔn cïï kɔc ke Yithriɛl piɔ̈ɔ̈t në wak de Akacia, röör acïk duet ke Mowap bɛ̈n kɔɔr.

Math 15:19

Kak ee bɛ̈n bei ë raan piɔ̈u kï, karɛc ee raan ke tak, näŋ de raan, kɔ̈ɔ̈r ë diëër lei, dhööm, kuël, ciëkë thok, lɛ̈ɛ̈t rac.

Luk 12:15

Go keek yɔ̈ɔ̈k an, “Yak röt tïŋ, ku tiɛtkï röt në kɔ̈ɔ̈r ë kajuëc, juëc de ka nu ë raan cin acïï en ke ee pïïr.”

Luk 16:14

Go Parithai, kɔc nhiaar wëu, gokï kakë piŋ kedhie, ku jɔkï geet guöp.

Luɔi 15:20

ku abuk keek gäär tei an, bïk luɔi de yiëth pɔ̈l luɔi nhiany, ku pälkï dhööm, ku cäm de läi cï dec, ku riɛm.

Luɔi 20:33

Acïn ateek ke raan däŋ cä woi ë yapiɔ̈u, ayï adhääp ayï lupɔde aya.

Romai 1:29

Ayek piɔ̈ɔ̈th thiäŋ në racdepiɔ̈u, dhööm, kɔ̈ɔ̈r ë kërac, wui de kalei, luɔi de anyääk, ayek thiäŋ në tiɛɛl, näk, ater, ruëëny, cuɔlëpiɔ̈u, ayek mantuum,

Romai 16:2

An, bäk nyuööc ë baŋ de Bɛ̈nydït, ë nyuuc röŋ ke kɔc ɣerpiɔ̈ɔ̈th, ku bäk kony të de yen kë bï kɔɔr tëde week, ee raan cï kɔc juëc kony, ayïk ɛn ayadäŋ.

Romai 6:13

Ayï ka ke wegup duökï ke gëm kërac, abïk aa ka ke racdepiɔ̈u bï kërac aa looi, yak röt gäm Nhialic cït man ë kɔc cï bɛ pïïr ë kɔc cï thou yiic, ku yak Nhialic gäm ka ke wegup abïk aa ka ke piathëpiɔ̈u.

1 Kor 10:8

Ku duku diäär ee kɔɔr, cït man ee kɔc kɔ̈k ë keyiic diäär kɔɔr, ago agum de kɔc kathiërrou ku diäk wïïk ëkööl tök.

1 Kor 5:1

Aye lueel ë raan ëbɛ̈n an, nu dhööm ë weyiic, ku dhööm yïnya aliu acakaa juöör yiic aliu an, ye raan tiiŋ de wun nööm!

1 Kor 6:13

Këcam ee këde yäc, ku yäc ee këde këcam, ku abï Nhialic keek riɔ̈ɔ̈k kedhie. Ku guöp de raan acie këde dhööm, ee këde Bɛ̈nydït, ku Bɛ̈nydït ee këde raan guöp.

1 Kor 6:18

Yak kat në dhööm. Kërɛɛc ee raan looi anu ë raan guöp biic, ku raan dhööm ee guöpde luöi kërac.

2 Kor 12:21

Ku yɛn ë riɔ̈ɔ̈c, miäk, të la yɛn bɛ bɛ̈n, ke Nhialicdï acït kë bï a tɔ yäär ë weyiic, ku yɛn cït kë bï kɔc juëc dhiëëu kɔc cï kërac kɔn looi, ku kënkï kepiɔ̈ɔ̈th puk në luɔidɛn col ku kɔ̈ɔ̈r ee kek diäär kɔɔr ku dhöömden, luɔidɛn rɛɛc ë cïk aa looi.

Epethiei 5:12

Ka yek looi ëcuëër ee ayäär të ciɛk an, lueel ke.

Epethiei 5:5

Kënë aŋiɛckï ëgɔk an, acïn raan ee diäär kɔɔr, ku cïn tiiŋ ee röör kɔɔr, ku cïn raan ee luɔi col looi, ku cïn raan ee kalei woi, yen aye raan ee yath lam, acïn raan ë keyiic, raan bï dɛ kë bï lɔ̈ɔ̈k lak ë Ciɛɛŋ de Kërtho yic kekë Nhialic.

Pilipoi 1:27

Yak tɔ̈u apiɛth tei, ke täudun bï aa röŋ kekë wëlpiɛth ke Kërtho, ku na miäk, aa cä bɛ̈n bä week bɛ̈n tïŋ, ku na kɛ̈n bɛ̈n aya, ke yɛn duëër këdun piŋ, nɔn kääc wek aril në piɔ̈n tök, ku nɔn luööi wek arëët në piɔ̈n tök në këde gäm de wëlpiɛth.

Kolothai 3:5

Yak ka ke wegup tɔ thou, ka nu ë piny nɔm, kɔ̈ɔ̈rëdiäär, luɔi col, tum ee raan e piɔ̈u tuöm ka ke piny, ŋɔ̈ɔ̈ŋ de kërac, ku wui de kalei, yen aye läm de yiëth.

1 Theth 4:3

Këde piɔ̈n ë Nhialic kï an, Ɣɛɛr bä wek piɔ̈ɔ̈th ɣɛɛr, ku päl bä wek kɔ̈ɔ̈rëdiäär pɔ̈l.

1 Theth 4:7

Acie këde luɔi col en ë cɔɔlë Nhialic wook, ee këde ɣɛɛrëpiɔ̈u.

1 Tim 2:10

aŋuän luɔi ee kek röt kiir ë luɔi piɛth (kë rɔ̈ŋ ke diäär ka, diëër an, yek Nhialic riëëu).

1 Tim 3:3

raan cïï mɔ̈u ee nhiaar, ku cïï kɔc ee dui, ku cïï ee wäth ë wëu ke ayäär, raan lir piɔ̈u, ku cïn piɔ̈u ater, ku acïï wëu ee nhiaar.

1 Tim 6:10

Nhiëër ë wëu ee mei de këriëëc rac ëbɛ̈n: aye kɔc kɔ̈k woi ë kepiɔ̈ɔ̈th, ago ke cɔ̈k nïïm wei ë gämic, ku jɔkï röt guööt ë jiɛth ë kajuëc cï kek piɔ̈ɔ̈th jiɛth.

2Tim 3:2

Kɔc abï ŋɛk ke rɔt aa nhiaar, ku nhiaar ŋɛk rɔt, ku bïk aa kɔc nhiaar wëu, kɔc ee röt leec, kɔc ee röt tɔ ye adhuëŋ, kɔc ee lɔ̈t, kɔc ee ka ke kɔc ë dhiëth keek rɛɛc piŋ, kɔc ee thieithieei rɛɛc lueel, kɔc cïï piɔ̈ɔ̈th ɣer,

Tito 1:11

Kɔckë abï ke dhil ruɔɔt thook, ayek dhiën riɔ̈ɔ̈k ëliŋliŋ, ku yek kɔc wɛ̈ɛ̈t ë kë cïï piɛth, në biäk de nhiëër nhiɛɛr kek wëu ke ayäär.

Tito 1:7

Raan ee kɔc cï gam tiit abï dhil aa raan cïn kë bï e gɔ̈k, luɔi ee yen raan ee dhiën ë Nhialic tiit, acie raan ee këde yenpiɔ̈u kɔɔr, ku cie raan ee dap gɔ̈th, ku cïï mɔ̈u ee nhiaar, ku cie raan ee kɔc dap dui, ku cïï wëu ke ayäär ee nhiaar.

Tito 2:3

Yen abï yïn diëër dït yɔ̈ɔ̈k aya an, bïk aa tɔ̈u ë täu de kɔc ɣerpiɔ̈ɔ̈th, ke ke cïï bï aa mantuum, ku cïkï bï aa lïïm ke mɔ̈n dït, abïk aa kɔc ee wëët ë këpiɛth,

Ɣeberuu 12:16

Ku yak röt tiit në kɔc cïn gup athɛɛk ku dhööm ku kɔc cïn piɔ̈ɔ̈th gäm cït man ë Ethau. Ku tiëŋkï! Duëër raan dïtdɛn yen kɛ̈i gam kekë athiɛɛidɛn bï bɛ̈n, cït man ë lupɔ, në aduŋ töŋ de këcam?

Jocua 7:21

Yɛn aa cï lupɔ läk tïŋ në ka wään pecku keek yiic. Lupɔ de kɔc ke Babilon, ku tiɛ̈ŋ ateek duëër thëmde aa kilɔɔ kaarou, ku tiɛ̈ŋ adhäm duëër thëmde aa biäk töŋ de kilɔ. Aguɔ piɔ̈u dɛ keek aläl, guɔ ke nööm. Acä keek wɛc piny në paanydï yic thïn, ka ateek anu në baŋ piny. Abäk keek lɔ yök ëtɛ̈ɛ̈n.”

1 Pet 5:2

Yak luny ë Nhialic tiit luny nu ë weyiic, abäk keek aa tiit, ke cïn raan ee we cieŋ, ee këde piɔ̈ndun tei, ku acie biäk de wëu ke ayäär, ee miɛtëpiɔ̈u yen abä wek keek aa tiit.

2 Pet 2:10

ku kɔc bï këdɛn tuc dït yök kek aye kɔc ee ka ke yäc kɔɔr, në döm cï ke dɔm ë ŋɔ̈ɔ̈ŋ de luɔi col, ku yek bäny baar nyïïn. Ee kɔc dham gup, kɔc ril nïïm, ayek adhuëŋ lat gup ku cïkï ee riɔ̈ɔ̈c.

2 Pet 2:14

Kɔc cï nyïïn a pirpir në kɔ̈ɔ̈r ee kek diëër lei kɔɔr, kɔc cïn nyïïn päl duëër kek kërac pɔ̈l, ayek kɔc wëŋ kɔc cï piɔ̈ɔ̈th aläuläu në jam, aciɛthkï në piɔ̈n cï kajuëc ŋic ë kɔ̈ɔ̈r. Mïth de gup aciɛɛn ka!

2 Pet 2:3

Ku kɔɔr ee kek wëu juëc kɔɔr, en a bï kek week aa cam në jam ë ruëëny, ku guiëër bï löŋden guiir, guiëërdɛn thɛɛr, acie gääu, ku cïï riääkden ee nok!

Nyuuth 2:14

Ku yɛn cath wo cök liaakäŋ cök bän yï jɔ̈ɔ̈ny, cöök tök kï, nɔn de yïn kɔc ëtɛ̈ɛ̈n kɔc ee wëët ë Balaam muk, raan ɣɔn wëët Balak, an, bï kë bï kɔc tɔ kɔ̈th cuat kueer ë mïth ke Yithriɛl, an, bï ka cï lam aa cam, ku bïk diäär aa kɔɔr.

Nyuuth 2:21

Ku acä gäm akööl, an, bï yepiɔ̈u yiɛ̈n puk ë kɔ̈ɔ̈r ee yen röör kɔɔr, ku reec e piɔ̈u puk.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

Nyuuth 22:15

Ku jɔ̈k, ku kɔc ee thuëth, ku kɔc ee diäär kɔɔr, ku kɔc ee kɔc nɔ̈k akurkï, ku kɔc ee yiëth lam, kek atɔ̈ukï biic, ayï raan ëbɛ̈n raan nhiaar lueth ku ye lueth töör.

Nyuuth 9:21

ku kënkï kepiɔ̈ɔ̈th puk në näŋdɛn ë kɔc, ku athuɛ̈ɛ̈thden ee kek thuëth, ku kɔ̈ɔ̈rdɛn ë diäär, ku kuëlden.

1 Tham 8:3

Ku mïth ke Thamwɛl akënkï luɔɔi de wunden kuany yic, gokï röt yal ë ruëëny yic, ku yek kum thok nööm, ku cïkï lööŋ ee ŋiëc guiir.