Epethiei 5:11 - JAM DE NHIALIC 2011

¹¹ Ku duökï röt ee mat në luɔi de cuɔlëpiny, luɔi cïnic kë ye yök thïn, aŋuɛ̈ɛ̈n ë luɔi bä wek kɔc loi en aa jɔ̈ɔ̈ny.

Epethiei 5:11 Iomraidhean Croise

Cäk 20:16

Ku lëk Thara an, “Yɛn ë wänmuuth gäm agum ë wëëth, ke bï kɔc rɛ̈ɛ̈r në yïn ye jɔ ŋic nɔn kënë yï jak, ku raan ëbɛ̈n abï jɔ ŋic nɔn cïn en kërɛɛc cï looi.”

Diɛt 141:5

Kɔc piɛth aduɛ̈ɛ̈rkï a dui ku nenkï yɛn në piath, ku yɛn cïï miɔ̈c de kɔc ee karɛc looi bï gam, në biäk ee yɛn cool ë läŋ në biäk de luɔidɛn rac.

Kɛ̈ŋ 1:10

Të meet ë kɔc rac yïn, ke yï du gäm mɛnhdï.

Kɛ̈ŋ 1:31

Ku ënɔɔnë, wek bï kërɛɛc rɔ̈ŋ ke week jɔ yök. Ku kë ë luɔikï në cinkun abäk jɔ thiëëp thok.

Kɛ̈ŋ 13:18

Kuany ë nyin kekë ayäär ayek aa kak ë raan ee jiëëm dhɔɔtic, ku pïŋ de jiëëm ee dhuëëŋ de guöp bɛ̈ɛ̈i.

Kɛ̈ŋ 15:12

Raan piɔlpiɔ̈u aman jäny, acie lɔ në kɔc pel nïïm lɔ̈m.

Kɛ̈ŋ 19:25

Dui de raan piɔlpiɔ̈u ee kɔc ee pëk thïn tɔ wɛ̈ɛ̈t, ku jäny de raan ee käŋ yökiic ee ŋïnydɛn ë käŋ ŋuakic.

Kɛ̈ŋ 25:12

Pïŋ de jäny ë raan pɛlënɔm ee ciët yöŋ de adhääp ku kaläk de naamden.

Kɛ̈ŋ 28:4

Kɔc ee karɛc looi aye ke lɛc nïïm në kɔc ee lööŋ dhoŋ kɔ̈ɔ̈th, ku acïï keek ee pɔ̈l në kɔc ee lööŋ riëëu.

Kɛ̈ŋ 29:1

Raan ee cool ë jiëënyë yen ku cïï gäm, ee bɛ̈n dhuɔŋ ëthiäu ku acie bɛ piath anande.

Yith 29:21

Nhialic abï kɔc ee kɔc kɔ̈k nɔ̈k nɔ̈k, ku riëëk kɔc ee kɔc ë karɛc looi pɛ̈n luɔi luiyë keek këtuc, ku kɔc ee käŋ töör ke ke bï kɔc de nïïm yic pɛ̈n luɔi yök kek yicden.

Jeremia 15:17

Yɛn kën lɔ rëër wo kɔc kɔ̈k, ke ya dɔl ku ja kööl piɛth looi. Në riëëu riëëu yɛn Yïn, Yɛn cï rëër yatök, ku ja göth aläl.

Lebai 19:17

Du mɛnhkui ee maan guöp në yïpiɔ̈u, ye jɔ̈ɔ̈ny në yic, ago nɔm ciën gääk wekë yen ëtök.

Math 18:15

Ku na mɛnhkui, të cï en yï wäc këdäŋ, ke yï lɔ, lɛ̈kë yen kë cï wööc tëdun waarou, të cï en yï piŋ thok, ke we ye wepiɔ̈ɔ̈th jɔ yök wekë mɛnhkui.

Luk 3:19

Ku Jɔn aacï bɛ̈ny Ɣerod bɛ̈n jɔ̈ɔ̈ny në këde Ɣerodiath tiiŋ de Pilip mänhë, ku në biäk de karɛc ëbɛ̈n ka cïï ke looi,

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

Romai 13:12

Piny ë dït, ku a kɔɔr ruu, jɔku luɔi de cuɔlëpiny cuat wei, ku jɔku ka ke ɣɛɛrëpiny dɔm, ka ke tɔŋ.

Romai 16:17

Ku wek yɔ̈ɔ̈k, wek mïthëkɔckuɔ, wɔikï kɔc ee kɔc pääk, kɔc ee kak ee kɔc tɔ wäc käŋ cak, kɔc ee wëët ë wëëtë week riɔ̈ɔ̈k, päkkï në keek.

Romai 6:21

Ee luɔk cït ŋö cäk guɔ yök wään ë kake yiic, ka ya wek gup yäär ë keek ënɔɔnë? Ee thuɔɔu yen ë thök bï kake thök.

Galatai 6:8

Raan ee com në këde guöpde, ka bï këde guöp tem, en aye dhiap de käŋ, ku raan ee com në këde Wëi, abï këde Wëi tem, yen aye pïïr athɛɛr.

Epethiei 4:22

an, Bäk raan thɛɛr pɔ̈l në rëërduön ee ya wek rëër wään, raan cï dhiap në biäk de ŋɔ̈ɔ̈ŋ de lueth ŋɔ̈ɔ̈ŋ ë ye dɔm.

Epethiei 5:12

Ka yek looi ëcuëër ee ayäär të ciɛk an, lueel ke.

Epethiei 5:7

Yen duö wek ee rɔm ëtök në keek.

Kolothai 1:12

abäk aa lueel an, Thieithieei Wääda, Raan cï wo tɔ röŋ në luɔi duëër wok dɛ këda në kë bï kɔc ɣerpiɔ̈ɔ̈th lɔ̈ɔ̈k lak, kɔc nu tëɣer.

1 Theth 5:7

Kɔc ee niin ee wɛ̈ɛ̈rwakɔ̈u en aye kek niin, ayï kɔc ee röt tɔ wit mɔ̈u, ee wɛ̈ɛ̈rwakɔ̈u en aye mɔ̈u ke wit.

2 Theth 3:14

Ku na de raan reec jamda piŋ jam nu ë awerekë yic, yak raanë gɔɔk guöp, ku duökï ee mat ë yen, ke bï yäär.

2 Theth 3:6

Ku ënɔɔnë, we yöökku, wek mïthëkɔckuɔ, në rin ke Bɛ̈nydan Yecu Kërtho, an, Ratkï röt wei ë mɛnhkënëda lɔ̈ɔ̈m ëbɛ̈n mɛnh kuc rëër, ku reec jam aa piŋ jam cäk yök tëde wook.

1 Tim 5:20

Kɔc ee kërac looi, ye ke jɔ̈ɔ̈ny ë kɔc nïïm kedhie, ke kɔc kɔ̈k ë ke bï riɔ̈ɔ̈c aya.

1 Tim 5:22

Du yïcin ee dap thany ë raan nɔm, ku du ye mɛt ë karɛc ke kɔc kɔ̈k yiic: ye rɔt muk ke yï lɔ piɔ̈u wai.

1 Tim 6:5

ku bïï lööŋ ɣäär yiic lööŋ ke kɔc cï piɔ̈ɔ̈th riääk, kɔc cïn yic cath ke keek, kɔc ee ye lueel an, Riëëu ee raan Nhialic riëëu ee kueer bï kake ŋuak nyïïn: ratë rɔt wei ë kɔc cït ee kakë lɔ̈m.

2Tim 3:5

kɔc ee röt tɔ cït ka cath në riëëu de Nhialic, ku yek riɛlde jai. Ye rɔt yal wei ë kɔckë lɔ̈m.

2Tim 4:2

an, Ye jam guiir, ye yic lɛ̈th ë luɔi ëkööl piɛth, ayï kööl rac: ye kɔc jɔ̈ɔ̈ny, ye kɔc nen, ye kɔc riit piɔ̈ɔ̈th, ke yï lirpiɔ̈u ë thuaat në wëët ee yïn kɔc wɛ̈ɛ̈t.

Tito 2:15

Ye kake lueel, riit yïn ke kɔc piɔ̈ɔ̈th, ku jäny keek në riɛl ëbɛ̈n. Ë cïn raan bï yï biɔɔn.

Nyuuth 18:4

Guɔ röl däŋ ë raan piŋ, röl bɔ̈ paannhial, lueel en, an: “Bäkï bei thïn, wek kɔckï! Ke we cïï bï mat në yen ëtök në karɛcke, ke we bï liu ë kakɛn riäk en yiic!