Epethiei 4:7 - JAM DE NHIALIC 2011

⁷ Ku wo cï yiɛ̈n dhuëëŋdepiɔ̈u wo wodhie, acït man ë thëm cï miɔ̈c de Kërtho thɛ̈m wook.

Epethiei 4:7 Iomraidhean Croise

Math 25:15

Go raan tök gäm aguum kadhïc ke wëu, ku gëm raanë aguum kaarou ke wëu, ku gëm raanë agum töŋ de wëu, acï ke gäm raan ëbɛ̈n në këde deerde, ku jɔ keny.

Jɔn 3:34

Raan ë tuuc ë Nhialic ee wël ke Nhialic lueel: ku acïï ë Nhialic miɔɔc ë Wëi në thëm them en keek.

Romai 12:3

Ku ënɔɔnë, në dhuëëŋdepiɔ̈u cï gäm ɛn, yen a lɛ̈k raan ëbɛ̈n në weyiic an, ë cïn raan ee rɔt tɔ dït ë dït cïï röŋ ke ye, yak röt tɔ nu ë kaamic, acït man cï Nhialic kɔc tɛ̈k gäm raan ëbɛ̈n.

2 Kor 6:1

Ku nɔn ee wok luui në yen ëtök, en a lɛ̈ŋ wo week, ke we cïï dhuëëŋ de Nhialic piɔ̈u nöm ë ɣɔ̈ric.

Epethiei 3:2

Të cä wek këde luɔi ë dhuëëŋ de Nhialic piɔ̈u piŋ, luɔi cï gäm ɛn ë këdun:

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

Ɣeberuu 2:4

Ku kë cïk lueel acïï Nhialic nyɔk ë nyuöth nyooth Yen en ayadäŋ në göök ke gäi, ku në tëŋ tek En miɔ̈c de Wëidït ɣer cït kë kɔɔr ë piɔ̈nde.

1 Pet 4:10

Week wedhie, të cï raan këdäŋ yök kë cï gäm en, ke teke ke mänhë kɔ̈c, en abä wek ciët kɔc piɛth cï tääu ë dhiën nɔm, kɔc ŋic dhuëëŋ ë Nhialic döt dhuëëŋ kithic.