Epethiei 4:32 - JAM DE NHIALIC 2011

³² ku yak röt theek wapäc, yak piɔ̈ɔ̈th kok ë röt, abäk röt aa pɔ̈l, ë ŋɛk ë ye ŋɛk päl kë cï wööc, cït man cï Nhialic we pɔ̈l në biäk de Kërtho.

Epethiei 4:32 Iomraidhean Croise

2 Tham 7:21

Aa ye këde piɔ̈ndu ku ye kë kɔɔr yen ë looi yïn ee kënë, yïn aa loi ee göökkë kedhie në biäk bïï yïn a wɛ̈ɛ̈t.

Diɛt 112:9

Ee kɔc kuanynyïïn miɔɔc në dhuëëŋ, ku piathëpiɔ̈nde abï tɔ̈u athɛɛr, abï riɛl ku ye riëëu.

Diɛt 145:9

Apiɛth kekë raan ëbɛ̈n ku ee piɔ̈u kok kekë ka cï cak kedhie.

Kɛ̈ŋ 12:10

Raan piɛth piɔ̈u ee ɣɔ̈kke ŋiëc döt, ku luɔi piɛth de raan rac ë akuöörkuöör luöi ɣɔ̈kke.

Kɛ̈ŋ 19:11

Pɛlënɔm acïï raan ee dap tɔ göth, ku ee dhuëëŋ të yen akɔ̈ɔ̈k täc nɔm.

Kɛ̈ŋ 19:22

Kë ye kɔɔr tëde raan ee luɔi bï yen aa raan adöt, ku raan kuanynyin aŋuän në raan ee lueth töör.

Yith 57:1

Kɔc piɛth ayek thou, ku acïn raan ee ye yökic, ku cïn raan diɛɛr në yen. Ku të cï kek thou acïn riäŋ ee ke yök.

Jeremia 38:12

Go Ebedmelek raan de Kuc, Jeremia yɔ̈ɔ̈k bä anuɛɛr tääu në yerɔ̈th, ago wïïn ye cï bï gäm buɔ̈t. Ago ee kënë looi,

Math 6:12

Ku ye wook päl käny cath ë wook, Acït man pɛ̈l wok kɔc cath ë känykuɔ.

Mak 11:25

Ku të kääc wek, ke we läŋ, ku ade raan cï we wäc këdäŋ, ke pälkï, ke Wuöörduön nu paannhial abï we päl kë cäk wööc ayadäŋ.

Luk 1:78

Në kok kookë Nhialic Piɔ̈u ke wook, Yen a neemë Runëpiny wook, Runëpiny bɔ̈ nhial,

Luk 11:4

Ku ye wo päl karɛckuɔ, ku wook aya wo ye kɔc pɔ̈l kedhie kɔc cath në känykuɔ. Ku du wook ee lɛɛr ë thëmic, ye wo luök ë kërac.”’

Luk 17:4

Ku të lui yen yïn kërac raandhorou ëkööl tök, ku be rɔt pɔ̈k yïn raandhorou an, ‘Yɛn cï a piɔ̈u puk,’ ka bä dhil pɔ̈l.

Luk 6:35

Ku week, yak kɔc de ater në week nhiaar, ku yak ke luööi apiɛth, ku dhɛ̈nkï ke käŋ, ku cïn kë ŋäthkï, ke ariöpdun abï dït, ku we bï aa mïth ke Nhialic Awärjäŋ, ee piɔ̈u adhuɛ̈ŋ kekë kɔc cïn piɔ̈ɔ̈th ayï kɔc racpiɔ̈ɔ̈th.

Luk 6:37

“Duökï kɔc ee jɔ̈ɔ̈ny, ke we cïï bï aa jɔ̈ɔ̈ny: duökï kɔc ee gɔ̈k, ke we cïï bï aa gɔ̈k: yak kɔc päl karɛcken, ke we bï päl karɛckun.

Luɔi 28:2

Go kɔc de pinyë agokï wo muk apiɛth. Acïk mac kooth, ku tɔkï wook ee kamaan wodhie, luɔi cï deŋ tuɛny, ku de piny wiir.

Romai 12:10

Yak röt nhiaar në nhiëër ë mïth ke raan tök, ë ŋɛk e ŋɛk riëëu awär riëëu riëëu en rɔt.

1 Kor 13:4

Nhiëër ee käŋ guum anande, ku apiɛth piɔ̈u, nhiëër acïnic tiɛɛl, nhiëër acïï rɔt ee leec, acïï rɔt ee tɔ dït,

2 Kor 2:10

Ku raan bäk päl këdäŋ, ka cä pɔ̈l aya, ku të cän këdäŋ päl raan, ka ye biäkdun week, en aa päl ɛn en ë Kërtho nɔm,

2 Kor 2:7

Ku ënɔɔnë aŋuän nɔn bä wek e pɔ̈l, ku jakï muk piɔ̈u, ke raanë cïï tiëël bï dɔm në dït de jiɛth ë yenpiɔ̈u.

2 Kor 6:6

Në ɣɛɛrëpiɔ̈u, në ŋïnydekäŋ, në guömdekäŋ, në piathëpiɔ̈u, në Wëidït ɣer, në nhiëër cïnic ruëëny,

Epethiei 5:1

Yen dam wek täu de Nhialicic, cït mïthkɛn nhiɛɛr.

Jakop 5:11

Tiëŋkï, wo ye kɔc ee käŋ guum tɔ ye kɔc cï thieei. We ye guöm cï Jop käŋ guum piŋ, ku we cï thök de luɔi de Bɛ̈nydït tïŋ, ŋïny ŋicë Bɛ̈nydït kɔc kuanynyïïn, ku luɔi ee yen piɔ̈u dap kok.

2 Pet 1:7

ku matkï määth ë mïth ke raan tök määth kekë riëëu de Nhialic, ku matkï nhiëër kekë määth ee mïth ke raan tök määth.

1 Jɔn 1:9

Ku na gamku awɛ̈ɛ̈ckuɔ, ke yen ee Raan adöt ku piɛthpiɔ̈u, ka bï wo päl karɛckuɔ, ku jɔ wo waak piɔ̈ɔ̈th në racdepiɔ̈u ëbɛ̈n.

1 Jɔn 2:12

Wek gäär, wek mïththiaakäŋ, ë luɔi cï karɛckun päl week në baŋ de rinke.

Ruuth 2:20

Go Nawomi lɛ̈k tiiŋ ë wënde an, “Bɛ̈nydït abï Bowadh thieei. Bɛ̈nydït ee piɔ̈u kok ë cieŋ kekë kɔc pïr, ayï kɔc cï thou.” Ku be Nawomi lɛ̈k Ruuth an, “Raan dɛɛi yïn tïŋë, ee raan raan ke wook arëët, ee raan töŋ de kɔc duëër wo muk.”