Epethiei 4:22 - JAM DE NHIALIC 2011

²² an, Bäk raan thɛɛr pɔ̈l në rëërduön ee ya wek rëër wään, raan cï dhiap në biäk de ŋɔ̈ɔ̈ŋ de lueth ŋɔ̈ɔ̈ŋ ë ye dɔm.

Epethiei 4:22 Iomraidhean Croise

Jop 22:23

ku na dhuönyë rɔt Nhialic Awärjäŋ ke bï yï yïk, ku tɔ luɔi de karɛc kääc baaidu,

Kɛ̈ŋ 11:18

Acïn kë ye raan ee karɛc looi yök në luɔide yic, ku kɔc ee piathëpiɔ̈u com kek ade ariöp yic.

Jeremia 17:9

“Eeŋa duëër piɔ̈n ë mɛnh ë raan ŋic? Acïn këdäŋ rac aläl, ade juän dïït cïï bï dem.

Jeremia 49:16

Lɛcdu acï yïn math. Acïn raan ee riɔ̈ɔ̈c ee yïn, cïn man ee yïn en tak an ye kɔc riɔ̈ɔ̈c ë yïn. Yïn rɛ̈ɛ̈r në awiɛn ë kur nïïm, në kuur nɔm nhial ya, ku cakaa nɔn rɛ̈ɛ̈r yïn nhial ya cï cuɔɔr, Bɛ̈nydït abï yïn bɛ̈ɛ̈i piny. Acï Bɛ̈nydït lueel.”

Obadaya 1:3

Wek cïï lɛcdun math. Pänydïïtdun acï gël në kal ë kuur lɔ giliu, ku ɣöötkun anukï në kur nïïm ya, ka yak lueel në wepiɔ̈ɔ̈th an, ‘Eeŋa duëër wook kɔn lɛɛr piny?’

Romai 6:6

Aŋicku nɔn cï raandan thɛɛr piäät ë tim cï rïïu nɔm kɔ̈u kekë yen ëtök, ke guöp de kërac bï riääk, agoku cuö be aa lïïm ke kërac,

Romai 7:11

Kërac acï kööldɛn piɛth jɔ yök në cöök de löŋ, go ya math, ago ya nɔ̈k ë ye.

2 Kor 11:3

Ku yɛn riɔ̈c, luɔi bï en dɛ të bä wek piɔ̈ɔ̈th riääk, cït man cï kërac Ɣawa math në ruëënyde, aguɔkï piɔ̈ɔ̈th cuö bɛ aa tök, ku cäkï piɔ̈ɔ̈th be lɔ wai në Kërtho.

Galatai 1:13

Wek ë täudï piŋ täudiën aa yɛn tɔ̈u ɣɔn ë Judai yic, läm ee kek Nhialic lam, luɔi aa yɛn ɣön ë Nhialic yɔŋ ë yöŋ rac ëtaiwei, ku riääk:

Epethiei 2:3

Ku wook ayadäŋ wodhie, wok aaye mat në keek ɣɔn, në ŋɔ̈ɔ̈ŋ de ka ke guöp, ku wok aaye kak ë yok kɔɔr ë yäc looi, ayï kak ë yok tak ë wopiɔ̈ɔ̈th, agoku aa mïth ke agɔ̈th në ciɛɛŋ ë ciɛkë wo, cït man ë kɔc kɔ̈k.

Epethiei 4:17

Yen aluɛɛl ɛn cöökë, ke ya ye cäätɔ ë Bɛ̈nydïtic an, duökï ë bɛ rëër ë rëër ë Juöör, kɔc ë rëër ke ke ye ɣɔ̈ric tak ë kenïïm,

Epethiei 4:25

Yen päl wek lueth, ku yak yic lueel, ŋɛk ke raan rɛ̈ɛ̈r ke yen, në luɔi raan wok.

Epethiei 4:31

Wël tuc ëbɛ̈n, ayï dïtëpiɔ̈u, ayï agɔ̈th, ayï jam arölröl, ayï jam rac ëbɛ̈n, ë ke nyiɛɛiyë ë weyiic, kekë luɔi de anyääk ëbɛ̈n:

Kolothai 2:11

Ku we cï cueel ë yen në cuɛ̈l kënë looi ë raan ciin, ee luny cä wek guöp de rïŋ luöny bei, në cuɛ̈l cïï Kërtho we tɔ cuel.

Tito 3:3

Ku wook ayadäŋ wok aaye kɔc cïn nïïm wään thɛɛr, kɔc ee löŋ rɛɛc piŋ, kɔc cï math, wok ee ye lïïm ke ŋɔ̈ɔ̈ŋ ee wo dɔm ŋɔ̈ɔ̈ŋ kithic, ku yok lïïm ke kamit yok kɔɔr ë wopiɔ̈ɔ̈th, wok aaye tɔ̈u ke wo racpiɔ̈ɔ̈th deku yiic tiɛɛl, ku man kɔc wook, ku manku röt.

Ɣeberuu 12:1

Cït man cï wok nïïm jɔ dɛ kutdïït ë kɔc cï Nhialic gam, ku acïk wo tuɔɔk cït man ë luäät ke ke woi wopiny. Yok këriëëc ëbɛ̈n kuɛ̈k bei, kak ee wo gɔ̈ɔ̈u ayï karɛc ee tɔ̈u ë nuatnuat ë wocök, ku tɔkï wo wiëëk, yokku ke kuɛ̈k bei. Ku jɔku riŋ ke wo cïï diɛɛr, tëde kë cïï Nhialic tääu ë wonïïm tueŋ.

Ɣeberuu 3:13

Ku yak wepiɔ̈ɔ̈th riit wapäc aköölnyïïn kedhie. Ke bï ciën raan töŋ bï nɔm riɛl ë weyiic të cïï kërac e math. Në luɔi ŋoot En ke cöt “Ee köölë.”

Jakop 1:21

Yen päl wek cuɔlëpiɔ̈u ëbɛ̈n, ku luɔi rɛɛc gäk, ku jakï jam cï piith ë weyiic dɔm në kuur aa wek röt tɔ kor, yen aye jam duëër we kony wëi.

Jakop 1:26

Na de raan ë weyiic raan cït kë riëëu Nhialic, ku cïï yeliep ee dɔm, ku ee yepiɔ̈u math tei, ke riëëu riëëuwë raanë Nhialic ee këɣɔ̈ric.

1 Pet 1:18

Në ŋïny ŋiɛc wek en an, acie ka duëër dhiap, cït ateek ku adhääp, kek ë wëërë we bei në täuduön ɣɔ̈ric cäk yök tëde kuarkun,

1 Pet 4:3

Akööl wään cï wan acïk dhil looi, akööl wään ee wok kamit ë Juöör piɔ̈ɔ̈th looi, kööl ë ye wok cool ë loi luɔi de dhööm, ku ŋɔ̈ɔ̈ŋ de kërac, ku dëŋ de mɔ̈u, ku thuëëc rac, ku wïn ee kɔc wit ë mɔ̈u, ku läm de yiëth col ëcut.

2 Pet 2:13

ku bïk ariöp de racdepiɔ̈u yök. Thiäi ee kek käŋ thiɔ̈i aköl yen aye këmit ë kepiɔ̈ɔ̈th, ayek kathii col ku yek kak ë we tɔ gäk, kɔc ee röt tɔ kueth ë cäpdɛn lueth të ye kek kamit cam në week ëtök!

2 Pet 2:7

Ku kony Lɔt raan piɛthpiɔ̈u, raan ee cool ë jeth piɔ̈u në luɔi col ëcut ee kɔc rac looi.

1 Tham 1:14

ago Eli lɛ̈k en an, “Eeŋö ee yïn cool ke yï wiɛɛt? Päl mɔ̈u në dëk!”